Números 20:14 - Q'eqchi Bible

¹⁴ Naq wankeb' Kadés, laj Moisés kixtaqlaheb' aj yehol esil rik'in li awab'ej re Edom; ke'xye re: “Jo'ka'in xe'xye chaq eb' laj Israel aawiitz'ineb': «Laa'at nakanaw chi us li rahilal qak'ulum chaq.

Li Santil hu

¹⁴ Nak cuanqueb Cades laj Moisés quixtaklaheb lix takl chi a̱tinac riqꞌuin lix reyeb laj Edom. Nak queꞌcuulac queꞌxye re: —La̱o aj Israel kechꞌalal kib e̱riqꞌuin la̱ex. Xotakla̱c chak chixyebal a̱cue chi joꞌcaꞌin. La̱at nacanau chixjunil li raylal li yo̱co chixcꞌulbal.

Números 20:14 ပူးပေါင်းရင်းမြစ်များ

Deuteronomio 23:7

“Maatz'eqtaana laj Edom, xb'aan naq aawas aawiitz'in. Maatz'eqtaanaheb' laj Ejiipt, xb'aan naq katwank chaq sa' li xtenamiteb'.

Malaquías 1:2

“Laa'in jwal nekexinra”, chan li Qaawa'. Ab'an laa'ex nekeye: “K'aru nak'utunk wi' naq nokoohaara?”, chankex. Ut li Qaawa' naxye: “Ma ink'a' tab'i' riitz'in laj Esaú laj Jakob? Laa'in jwal kinra laj Jakob

Josué 9:9

“Sa' najtil tenamit xoochalk chaq sa' xk'ab'a' li Qaawa' laaYos -chankeb'-. Xqab'i resil li kilajxb'aanu chaq aran Ejiipt,

Éxodo 18:8

Toja' naq laj Moisés kixseeraq'i re li xyuwa' li rixaqil chixjunil li kilajxb'aanu li Qaawa' re laj Parahón ut reheb' laj Ejiipt sa' xk'ab'a'eb' laj Israel, jo' ajwi' chixjunil li ch'a'ajkilal ke'xk'ul chaq sa' b'e ut chanru li Qaawa' kixkoleb'.

Génesis 25:23

Ut li Qaawa' kixye re: “Wiib' tenamit wankeb' chaq aawik'in, wiib' amaq' li te'xjek'i rib' naq te'yo'laaq. Li jun taanumtaaq xwankil sa' xb'een li jun chik, ut li asb'ej taak'anjelaq chiru li iitz'inb'ej”.

Números 13:26

ut kole'xk'ut rib' chiruheb' laj Moisés, laj Aharón ut chixjunil li xkomonileb' laj Israel aran Kadés, sa' li chaqich'och' re Parán. Ke'xseeraq'i reheb' chi tustu ru chixjunil li k'a'aq re ru koxe'ril chaq sa' li na'ajej, ut ke'xk'ut ru li awimq ke'xk'am chaq.

Números 20:15

Eb' li qaxe' qatoonal ke'kub'eek Ejiipt ut najt koowank chaq aran. A'ut eb' laj Ejiipt jwal ra ke'xb'aanu chaq qe jo' ajwi' reheb' li qana' qayuwa'.

Números 20:22

Chixjunil li xkomonileb' laj Israel ke'elk Kadés ut ke'wulak toj sa' li tzuul Hor.

Josué 2:9

ut kixye reheb': —Ak ninnaw naq li Qaawa' xq'axtesi eere li tenamit. Laa'o xiw xiw wanko ut chixjunileb' li wankeb' sa' li na'ajej a'in neke'siksotk cheru.

Josué 2:10

Xqab'i resil naq kex'elk chaq Ejiipt ut li Qaawa' kixchaqihob'resi li Kaqi Palaw cheru. Naqanaw ajwi' naq kesach ruheb' chi junajwa laj Sijón ut laj Og, eb' li wiib' chi awab'ej aj Amor, junpak'al li nima' Jordán.

Josué 9:10

jo'wi' chixjunil li kixb'aanu reheb' li wiib' chi awab'ej aj Amor junpak'al li nima' Jordán, a' laj Sijón, awab'ej re Jesbón, ut laj Og, awab'ej re Basán, li kiwank aran Astarot.

Amós 1:11

Jo'ka'in kixye li Qaawa': “Ak k'iila sut xinkuy xmaakeb' laj Edom ut anaqwan maak'a' chik xkuyb'al, xb'aan naq rik'in ch'iich' xe'raanilasiheb' laj Israel li riitz'ineb' ut xe'xsach xwankil li uxtaanank u. Xe'xtz'eqtaanaheb' chi junwaakaj ut junelik xe'xk'uula sa' xch'ooleb' li josq'ink.

Génesis 25:25

Kiyo'laak li xb'een, q'an'is li xjolom, q'ol is chixjunil li rix, ut aj Esaú ke'xk'e cho'q xk'ab'a'.

Génesis 25:26

Moqon kiyo'laak li riitz'in, chapcho li xkux roq laj Esaú xb'aan, ut aj Jakob ke'xk'e cho'q xk'ab'a'. Oxk'aal (60) chihab' wank re laj Isahak naq ke'yo'laak eb' a'an.

Génesis 32:29

Kixpatz' laj Jakob: “B'aanu usilal, ye we laak'ab'a'”, chan. Ab'an li winq kixye: “K'a' aj e naq nakapatz' link'ab'a'?”. Ut kirosob'tesi aran.