Números 20:12 - Q'eqchi Bible

¹² Ab'an li Qaawa' kixye re laj Moisés ut laj Aharón: “Laa'ex ink'a' k'ojk'o eech'ool chiwix ut ink'a' xek'e inloq'al chiruheb' laj Israel. Jo'kan naq ninye eere naq ink'a' tex'ok, eerochb'een li tenamit a'in, sa' li na'ajej li tink'e reheb'”, chan.

Li Santil hu

¹² Ut li Ka̱cuaꞌ quixye re laj Moisés rochben laj Aarón: —La̱ex incꞌaꞌ xex-abin chicuu. Incꞌaꞌ xeba̱nu joꞌ xinye e̱re ut incꞌaꞌ xeqꞌue inlokꞌal chiruheb li tenamit. Joꞌcan nak la̱ex incꞌaꞌ chic texcꞌamok be chiruheb li tenamit nak teꞌoc saꞌ li naꞌajej li quinyechiꞌi reheb, chan li Dios.

Números 20:12 ပူးပေါင်းရင်းမြစ်များ

Deuteronomio 1:37

“Eemaak ajwi' laa'ex naq li Qaawa' kijosq'o'k wik'in ut kixye we: «Chi moko laa'at tat-ok aran.

Ezequiel 36:23

Laa'in tink'ut chiruheb' li tenamit naq q'axal sant link'ab'a' li muxb'il eeb'aan sa' xyanqeb' li xninqal ru tenamit. Ut naq tinb'aanu a'in, eb' a'an te'xnaw naq laa'in li Qaawa' -chan li Qaawa'-.

Números 27:14

Xb'aan naq laa'ex keq'etq'eti eerib' sa' li chaqich'och' re Sin, naq eb' li tenamit kine'xwech' ut laa'ex ink'a' kek'ut linsantilal chiruheb', chire li ha'”, chan li Qaawa'. A'an li ha' re Meribá, sa' xteepal Kadés, aran sa' li chaqich'och' re Sin.

Números 20:24

“Laj Aharón taakamq: toxtaweb' li xna' xyuwa' ut ink'a' taa'ok sa' li ch'och' li xink'e reheb' laj Israel, xb'aan naq ink'a' kepaab' li waatin chire li ha' Meribá.

Romanos 4:20

Tik ink'a' kiwiib'ank xch'ool chiru li xyeechi'om li Yos, kawuuk b'an chik kixb'aanu sa' li xpaab'aal ut kixloq'oni ru li Yos,

San Lucas 1:45

Us xaq aawe li xapaab' li xtz'aqlojik ru li yeeb'il aawe xb'aan li Qaawa'!

San Lucas 1:20

Anaqwan mem chik tatkanaaq ut ink'a' tatruhanq chi aatinak toj sa' chik li kutan taak'ulmanq wi' a'in, xb'aan naq ink'a' xapaab' li waatin, li relik chi yaal naq taatz'aqloq ru sa' xq'ehil.

San Mateo 17:20

Kixye reheb': —Xb'aan naq kach'in leepaab'aal. Relik chi yaal ninye eere: wi ta li xnimal leepaab'aal a'an jo' jun t'orol chi mostaas, teeye raj re li tzuul a'in: «Elen arin ut q'axon le'», ut a'an taaq'axonq raj; ut maak'a' raj k'aru ink'a' truuq teeb'aanu.

Isaías 8:13

A' li Nimajwal Yos, li q'axal Sant, A'an teexiwa ut teeroxloq'i ru.

1 Pedro 3:15

Cheloq'oni b'an ru li Qaawa', li Kriist, sa' leech'ool, ut yo'oon wanqex chi junelik re xsumenkil chixjunileb' li te'patz'oq eere xyaalal li oyb'enink wank eerik'in.

San Juan 1:17

Xb'aan naq li Chaq'rab' k'eeb'il chaq qe sa' xk'ab'a' laj Moisés, a'ut li usilal ut li yaal xk'ulunk sa' xk'ab'a' li Jesus li Kriist.

San Mateo 17:17

Kichaq'ok li Jesus ut kixye: —Ex tenamit tik maak'a' eepaab'aal ut sachenaqex sa' li maak, jo' najtil chik tinwanq eerik'in? Jo' najtil chik texinkuy? K'amomaq chaq arin.

Ezequiel 38:10

«Laa'in, li Qaawa', ninye chi jo'ka'in: Chiruheb' li kutan a'an taa'alaaq sa' laach'ool xb'aanunkil li ink'a' us.

Ezequiel 20:41

Texink'ul jo' li sununkil mayej, naq texwisi chaq sa' xyanqeb' li tenamit b'arwi' cha'cha'inb'ilex; texinch'utub' ut, sa' eek'ab'a' laa'ex, tink'ut linsantilal chiru chixjunileb' li poyanam.

2 Crónicas 20:20

Wulajaq chik ke'wakliik eq'la ut ke'xk'am xb'eheb' re xik sa' li chaqich'och' re Tékoha. Ut naq ak elkeb' re aran Jerusalén, laj Josafat kixaqliik ut kixye reheb': “Ab'ihomaqin, ex aj Judá ut aj Jerusalén! K'ojk'ooq eech'ool rik'in li Qaawa' leeYos, ut maak'a' teek'ul. Paab'omaqeb' li xpropeet, ut us tex'elq”, chan.

Josué 1:2

“Kamenaq chik laj Moisés, aj k'anjel chiwu. Ayu ut numen junpak'al li nima' Jordán aawochb'een chixjunileb' li tenamit a'in. Texxik sa' li na'ajej li tinq'axtesi eere laa'ex aj Israel.

Deuteronomio 34:4

Ut li Qaawa' kixye re laj Moisés: “A'an a'in li ch'och' li kinyeechi'i sa' jurament re laj Abrahán, laj Isahak ut laj Jakob, naq kinye: A'eb' laawalal aak'ajol tink'e wi'. Xink'e chawil rik'in aawu, ab'anan ink'a' tat-ok chisa'”, chan li Yos.

Levítico 10:3

Chirix chik a'an laj Moisés kixye re laj Aharón: “A'an a'in li kixye li Qaawa': «Eb' li te'jiloq chaq wik'in tink'ut chiruheb' linsantilal, ut chiruheb' chixjunil laj Israel tink'ut linloq'al»”. Ut laj Aharón kikanaak chi maak'a' chik kixye.

Números 11:15

Wi jo'kan yooqat we, q'axal us naq taawisi linyu'am, wi yaal naq nikinaara. Chi jo'kan ink'a' chik tin'iloq rahilal jo' li yookin chi xk'ulb'al anaqwan”, chan laj Moisés.

Deuteronomio 4:21

Eemaak laa'ex kijosq'o'k li Qaawa' wik'in ut kixye naq ink'a' tinnume'q junpak'al li nima' Jordán chi moko tin'ok sa' li xchaq'alil ru na'ajej li tixk'e li Qaawa' leeYos chereechani.

Salmos 99:8

At Qaawa', at qaYos, laa'at kasumeheb' ut kak'ut naq laa'at jun Yos aj uxtaan rik'ineb', us ta kak'eheb' chi xtojb'al li xmaakeb'.

Salmos 106:32

Ke'xjosq'i li Qaawa' chire li ha' Meribá, ut laj Moisés kik'uluk rahilal xmaakeb' a'an: