Números 20:11 - Q'eqchi Bible

¹¹ Laj Moisés kixtaqsi li ruq', ka'sut kixsak' li saqoonak chiru li xxuq' ut k'ajo' li ha' ki'elk chaq sa' li saqoonak: ke'uk'ak li komonil jo' ajwi' li xketomqeb'!

Li Santil hu

¹¹ Quixtaksi li xukꞌ ut quixsacꞌ li pec caꞌ sut ut nabal li haꞌ qui-el saꞌ li sako̱nac. Chixjunileb li tenamit queꞌucꞌac joꞌqueb ajcuiꞌ li queto̱mk.

Números 20:11 ပူးပေါင်းရင်းမြစ်များ

1 Corintios 10:4

Chixjunileb' ajwi' ke'uk'ak rik'in jun chi musiq'ejil uk'a', xb'aan naq neke'uk'ak rik'in li musiq'ejil saqoonak li yo chi taaqenk reheb'; ut li saqoonak, a'an li Kriist.

Éxodo 17:6

Laa'in wanqin chawu aran Horeb, sa' xb'een li nimla pek. Taasak' li raxpek ut taa'elq chaq ha' re naq te'uk'aq li tenamit”. Jo'kan kixb'aanu laj Moisés chiruheb' li xb'eenil laj Israel.

Deuteronomio 8:15

A' li Qaawa' kib'eresink aawe sa' li chaqich'och' a'an, jwal nim ut xiwajel, b'arwi' maak'a' li ha' ut nujenaq chi k'anti' neke'kamsink ut aj xook'. Ab'anan kixk'e chi elk li ha' sa' li raxpek

Números 20:8

“Chap laaxuq' ut ch'utub'eb' li komonil, aawochb'een laj Aharón laawiitz'in. Chiruheb' chixjunileb' teepatz' li ha' re li saqoonak, ut li saqoonak tixk'e eere. Taayo'laaq li ha' sa' li saqoonak re te'uk'aq li komonil jo'wi' li xketomqeb'”, chan li Qaawa'.

Santiago 1:20

Xb'aan naq li josq' aj winq ink'a' naxb'aanu li tiikilal li naraj li Yos.

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

Oseas 13:5

Laa'in kinch'oolanink chaq aawe sa' li chaqich'och', b'arwi' maak'a' nayo'laak.

Salmos 78:16

Kixk'e chi pujk'uk sa' li saqoonak, ut chanchan jun li nima' naq kikub'e chaq.

1 Crónicas 15:13

Sa' li xb'een sut moko xeb'aanu ta chi kama'an; jo'kan naq li Qaawa' li qaYos kirisi xyu'ameb' li junjunq sa' qayanq, xb'aan naq ink'a' xoopatz'ok chan raj ru naraj”.

1 Samuel 15:24

Toja' naq laj Saúl kixye re laj Samuel: “Xinmaakob'k, xinq'et xchaq'rab' li Qaawa' jo' ajwi' laawaatin, xb'aan naq xinxiwak chiru li tenamit ut xinb'aanu li xe'xye we.

1 Crónicas 15:2

Toja' naq kixye: “Maajun naru naxokok re li xLoq'laj Kaax li Yos, ka'ajeb' wi' laj Leví, xb'aan naq sik'b'ileb' ru xb'aan li Qaawa' re xk'amb'al li xLoq'laj Kaax ut re k'anjelak chiru chi junelik”.

1 Samuel 15:19

k'a'ut naq ink'a' xapaab' li Qaawa'? K'a'ut naq xachap li k'aru reheb' laj Amalek ut xab'aanu li ink'a' nawulak chiru li Qaawa'?”.

Levítico 10:1

Laj Nadab ut laj Abihú, ralaleb' laj Aharón, ke'xchap junjunqeb' xsansaar, ke'xk'e xam ut pom chisa' ut ke'xyeechi'i chiru li Qaawa' jun li xam moko xk'ulub' ta li Yos. Ink'a' ke'xb'aanu jo' kixye li Qaawa'.

Salmos 74:15

Laa'at kattehok xyo'leb'aal li ha' sa' pek, ut kachaqihob'resi li yu'amha' chi junajwa.

Salmos 78:15

Kixjor li saqoonak sa' li chaqich'och' ut kixk'eheb' chi uk'ak: k'ajo' li ha' ke'xtaw chaq!

Salmos 78:20

Yaal ajwi', kixjor li saqoonak ut ki'elk li ha'; chanchan li roq nima' naq kipujk'uk chaq. Ab'anan ma truuq ajwi' tixk'e qawa, ma truuq tixk'e qatib' chiqajunilo?”, chankeb'.

Salmos 105:41

Kixjor li saqoonak, ut ki'elk chaq ha': kama' jun nima' kib'eek roq sa' li chaqich'och'.

Salmos 114:8

A'an naxjaltesi li saqoonak chi kaq'nab', ut li nimla pek nakanaak chi yu'amha'.

Isaías 43:19

Jalan chik li k'aru tinb'aanu, ut ak xintikib' xb'aanunkil. Ma toj maji' nekek'e reetal? Yaal naq tinte junaq b'e sa' li chaqich'och', jo' junaq nimb'e sa' li junesal na'ajej.

Isaías 48:21

Naq yookeb' chi nume'k sa' li chaqich'och', ink'a' ke'chaqik re; li Qaawa' kixk'eheb' ruk'a' naq kixjor li saqoonak ut ki'elk roq nima'.

Jueces 15:19

Toja' naq li Yos kix'itz' li jul li wank Lejí ut ki'elk chaq ha' aran. Naq ki'uk'ak laj Sansón, kik'ulunk xch'ool ut kikawuuk li roq ruq'. Jo'kan naq En-Hakoré kikanaak cho'q xk'ab'a' li yo'leb'aal ha' li wank Lejí, toj sa'eb' li kutan anaqwan.