Números 19:22 - Q'eqchi Bible

²² Ut chixjunil li taach'e'eq xb'aan junaq muxb'il ru, muxb'ilaq chik ru taakanaaq; ut li ani taach'e'oq re li muxb'il ru, muxb'ilaq ru chalen toj ewu”.

Li Santil hu

²² Li cꞌaꞌak re ru ta̱chꞌeꞌekꞌ xban junak cristian muxbil ru, muxbilak chic ru ta̱cana̱k toj ta̱ecuu̱k.

Números 19:22 ပူးပေါင်းရင်းမြစ်များ

Hageo 2:13

Toja' naq laj Hageo kixye wi' chik: “Wi junaq muxb'il ru xb'aan xch'e'b'al junaq kamenaq, ut tixch'e' junaq reheb' li tzekemq a'in, ma muxb'il ru tkanaaq li tzekemq?”. Ut eb' laj tij ke'xye: “Muxb'il ru tkanaaq”.

Levítico 7:19

“Wi wank k'aru natz'ajnink taanaq chiru li tib', ink'a' chik taaruuq xtzekankil; yal rehaq aj chik k'ate'k. “Chixjunileb' li ink'a' muxb'ileb', te'ruuq chi tiwok tib'.

Levítico 15:5

“Yalaq ani taach'e'oq re li na'ajej b'arwi' xyoklaak li winq yaj, tento tixpuch' li raq' ut taa'atinq, ut muxb'il ru taakanaaq toj reetal taa'ok li q'oqyink.

Levítico 5:2

“Wi ani tixch'e' junaq k'a'aq re ru tz'ajn ru, qayehaq junaq kamenaq xul tz'ajn ru, us ta xxulel k'iche' malaj xxulel ochoch, malaj ut xkomoneb' li neke'xjukuki rib' chiru ch'och', a'an tixtz'ajni rib' ut taakanaaq li maak sa' xb'een, us ta ink'a' xk'e reetal.

Levítico 5:3

“Wi junaq tixch'e' xtz'ajnil poyanam, yalaq k'aru li namuxuk, ab'an ink'a' xk'e reetal sa' li honal a'an, li poyanam a'an wank xmaak, wi moqon tixk'e reetal naq ink'a' us xb'aanu.

Levítico 7:21

“Wi junaq poyanam tixch'e' k'a'aq re ru muxb'il (a' yaal k'aru xtz'ajnil poyanam malaj xtz'ajnil xul, malaj k'a'aq chik re ru ink'a' us) ut chirix a'an tixtzeka xtib'el li mayej re k'amok ib' sa' usilal li ak q'axtesinb'il re li Qaawa', li poyanam a'an tento taa'isiiq sa' li xtenamit”.

Levítico 22:5

malaj ani tixmux rib' yal sa' xk'ab'a' xch'e'b'al junaq xul li naxjukuki rib' chiru ch'och' malaj ut junaq winq muxb'il ut naxmux ru li ani nach'e'ok re,

Levítico 22:6

li winq a'an taakanaaq chi muxb'il ru toj reetal taa'ok li q'oqyink, ut ink'a' taaruuq chi xtzekankil li loq'laj mayej wi ink'a' taa'atinq.

Levítico 15:1

Li Qaawa' kiraatina laj Moisés ut laj Aharón, ut kixye reheb':

Levítico 15:6

“Yalaq ani taachunlaaq chiru li k'a'aq re ru b'arwi' xchunlaak li winq a'an, tento tixpuch' li raq' ut taa'atinq rik'in ha', ut muxb'il taakanaaq toj reetal taa'ok li q'oqyink.

Levítico 15:7

“Yalaq ani taach'e'oq re li yaj, tento tixpuch' li raq' ut taa'atinq rik'in ha', ut muxb'il ru taakanaaq toj reetal taa'ok li q'oqyink.

Levítico 15:8

“Wi li winq li na'elk xpojkel li xtz'ejwal taachuub'aq sa' xb'een junaq poyanam ink'a' muxb'il ru, a'in tento tixpuch' li raq' ut taa'atinq, ut muxb'il ru taakanaaq toj reetal taa'ok li q'oqyink.

Levítico 15:10

“Yalaq ani taach'e'oq re li k'a'aq re ru b'arwi' ak xchunlaak li na'elk xsam xtz'ejwal, muxb'il ru taakanaaq toj reetal taa'ok li q'oqyink. “Yalaq ani taak'amoq re a k'a'aq re ru a'in, tento tixpuch' li raq' ut taa'atinq, ut taakanaaq chi muxb'il ru toj reetal taa'ok li q'oqyink.

Levítico 15:11

“Yalaq ani taach'e'eq xb'aan li yo chi elk xsam xtz'ejwal chi ink'a' ch'ajb'il li ruq', tento tixpuch' li raq' ut taa'atinq, ut muxb'il ru taakanaaq toj reetal taa'ok li q'oqyink.

Levítico 15:21

“Yalaq ani taach'e'oq re li na'ajej b'arwi' xyoklaak li ixq a'an, tento tixpuch' li raq' ut taa'atinq, ut muxb'il ru taakanaaq toj reetal taa'ok li q'oqyink.

Levítico 15:22

“Yalaq ani taach'e'oq re junaq k'a'aq re ru b'arwi' xchunlaak li ixq a'an, tento tixpuch' li raq' ut taa'atinq, ut taakanaaq chi muxb'il ru toj reetal taa'ok li q'oqyink.

Levítico 15:23

Ani tixch'e' li na'ajej b'arwi' xyoklaak malaj xchunlaak wi' li ixq a'an, taakanaaq chi muxb'il ru toj reetal taa'ok li q'oqyink.

Levítico 15:27

“Yalaq ani taach'e'oq re a k'a'aq re ru a'in, taakanaaq chi muxb'il ru. Tento naq tixpuch' li raq' ut taa'atinq, ut muxb'il ru taakanaaq toj reetal taa'ok li q'oqyink.

Números 19:7

Laj tij tixpuch' li raq' ut taa'atinq rik'in ha'. Chirix chik a'an naru taa'ok sa'eb' li muheb'aal; ab'anan muxb'ilaq chalen toj ewu.