Números 19:2 - Q'eqchi Bible

² “A'an a'in jun chaq'rab' xaqab'anb'il xwankil xb'aan li Qaawa'. Naxye chi jo'ka'in: Ye reheb' laj Israel naq te'xk'am chaq aawik'in jun li wakax kaq rix, maak'a'aq reek', maak'a'aq xmuxul ut toj maji' na'iiqank.

Li Santil hu

² —Aꞌin jun li chakꞌrab li yo̱quin chixtenebanquil saꞌ xbe̱neb laj Israel re teꞌxba̱nu. Te̱ye reheb laj Israel chi joꞌcaꞌin. Cꞌamomak chak jun li ba̱c cak rix ut ma̱cꞌaꞌ re̱cꞌ, li ma̱ jun sut qꞌuebil yugo chirix xcux re ta̱trabajik.

Números 19:2 ပူးပေါင်းရင်းမြစ်များ

Deuteronomio 21:3

Toja' naq eb' li cheekel winq re li tenamit li jwal nach' wank rik'in li kamenaq, te'xchap junaq ral li wakax li toj maji' xyalom k'anjelak chi moko ak k'eeb'il b'itche' chirix xkux.

1 Pedro 1:19

xexkole'k b'an rik'in li xloq'laj kik'el li karneer maak'a' reek' ut maak'a' xmuxul, a'an li Kriist.

1 Samuel 6:7

Kawresihomaq jun ak'il kareet anaqwan ut sik'omaq wiib' li xna' wakax li wankeb' ral, li maajun sut wanjenaq b'itche' chirix xkuxeb'. Teek'eheb' chi xkelonkil li kareet, ab'anan meekanab'eb' li ral chi xik chirixeb', teesutq'isiheb' b'an sa' li xkoraleb'.

Apocalipsis 1:5

ut sa' xk'ab'a' li Jesukriist, laj ch'olob'anel xyaalal, li paab'ajel, li xb'een li kiwakliik chi yo'yo sa' xyanqeb' li kamenaq, li nim xwankil sa' xb'eeneb' chixjunil li awab'ej re li ruuchich'och'. A'an narahok qe ut kooxch'ajob'resi chiru li qamaak rik'in li xkik'el.

1 Pedro 2:22

A'an ink'a' kimaakob'k chi moko ki'ab'iik b'alaq'il aatin sa' xtz'uumal re.

Hebreos 9:10

chixjunil a'an yal ruuchich'och'il chaq'rab' li na'aatinak chirix tzekemq, uk'a', jo'wi' chirix li k'iila paay chi ch'ajob'resink ib', ut kiwank xwankil toj kiwulak xq'ehil xjalb'al chixjunil.

Hebreos 7:26

A'an a'in li xyuwa'il aj tij li tz'aqal aajel ru cho'q qe: sant, maak'a' xmaak, maak'a' xmuxul, jek'b'il rik'ineb' laj maak, kitaqsiik toj sa xb'een li choxa.

San Lucas 1:35

Kichaq'ok li ánjel ut kixye re: —Li Santil Musiq'ej taachalq sa' aab'een ut li xwankil li Nimajwal Yos taamuheelanq aawe. Jo'kan naq santaq li k'uula'al taayo'laaq aawik'in, ut Ralal li Yos tixk'ab'a'in.

Lamentaciones 1:14

Li Qaawa' xch'utub' ru chixjunileb' linmaak sa' inb'een, kama' najit'mank junaq iiq chinkux. Maak'a' chik inmetz'ew ut ink'a' chik ninkuy. Li Qaawa' xq'axtesink we sa' ruq'eb' a'an, ut ink'a' ninkuy xsumenkileb'.

Isaías 1:18

“Kimqex ut aatinanqo -chan li Qaawa'-. Us ta kaqeb' leemaak kama' li kik' ut li kaqi b'on, ab'an saq chik te'kanaaq jo' li tuuxil isb' ut li ratz'amke.

Números 31:21

Chirix chik a'an laj Elehasar laj tij kixye reheb' li ke'wulak chaq chi yalok: “A'an a'in li chaq'rab' xk'e li Qaawa' re laj Moisés:

Números 19:6

Laj tij tixk'e li yaw cho'q xsi'il; tixchap ajwi' jun xmach palaw ut kaqi t'ikr, ut tixkut chixjunil sa' xxamlel li wakax.

Levítico 14:6

Chirix chik a'an tixk'am li ch'ina xik'anel xul chi yo'yo, li xche'el li yaw, li kaqi t'ikr ut li hisoop, ut tixt'aqresi chixjunil a'in rochb'een li ch'ina xik'anel xul yo'yo, tixt'aqresi sa' xkik'el li xik'anel xul xkamsiik sa' li chaab'il ha'.

Éxodo 12:5

Tento naq li xul maak'a'aq reek', teelomaq ut junchihab'aq xyu'am. Teesik' a'an sa' xyanqeb' li kok' karneer malaj chib'aat,

Números 19:1

Li Qaawa' kixye re laj Moisés ut laj Aharón:

Levítico 1:3

“Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xwakax, tento naq a'anaq jun teelom wakax li maak'a' reek'. Ut tento tixyeechi'i sa' rokeb'aal li Loq'laj Muheb'aal, re naq k'ulb'ilaq xb'aan li Qaawa',

Levítico 1:10

“Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xkarneer malaj ut xchib'aat, tento naq teelomaq chi maak'a' reek'.