Números 19:19 - Q'eqchi Bible

¹⁹ Jun li winq maak'a' xmuxul tixkirkiri chi ha' li muxb'il ru sa' rox ut xwuq li kutan. Ut chiru li xwuq kutan taach'ajob'resimanq li xmaak. Toja' naq li winq muxb'il tixpuch' li raq', taa'atinq rik'in ha', ut ch'ajob'resinb'ilaq chik toj ewu.

Li Santil hu

¹⁹ Li cui̱nk li incꞌaꞌ muxbil ru tixrachrachi li haꞌ saꞌ xbe̱n li muxbil ru saꞌ li rox cutan ut saꞌ li xcuuk li cutan. Saꞌ li xcuuk li cutan ta̱santobresi̱k li muxbil ru. Tento nak tixpuchꞌ li rakꞌ ut ta̱ati̱nk re nak santobresinbilak chic nak ta̱oc li kꞌojyi̱n.

Números 19:19 ပူးပေါင်းရင်းမြစ်များ

1 Juan 1:7

Ab'an wi nokoob'eek sa' li saqenk jo' naq A'an wank sa' li saqenk, nokoowank sa' komonil sa' junajil chiqib'il qib' ut li xkik'el li Jesus li Ralal nokooxch'ajob'resi chiru chixjunil li maak.

Hebreos 10:22

Jiloqo b'i' chi xk'atq chi anchal qach'ool, chi anchal qapaab'aal, ch'ajob'resinb'ilaq li qach'ool chiru li ink'a' us ut ch'ajb'ilaqo rik'in saq ru ha'.

Ezequiel 36:25

Texinkirkisi chi chaab'il ha', ut ch'ajob'resinb'il chik texkanaaq; twisi eerik'in chixjunil leemaa'usilal ut texinch'ajob'resi re naq ink'a' chik teeloq'oniheb' li jalanil yos.

Números 19:12

Tixch'ajob'resi rib' chiru li osob'tesinb'il ha' sa' rox ut xwuq kutan, ut ch'ajob'resinb'il taakanaaq.

Levítico 14:9

Sa' xwuq li kutan tixb'es li rismal xjolom, tixjo li xmach, li rismal wank sa' xb'een rilob'aal ut chixjunil sa' xtoon xkux; tixpuch' li raq' ut taa'atinq. Chi jo'kan taakanaaq chi ch'ajob'resinb'il.

San Judas 1:23

Chekoleb' li junch'ol rik'in risinkileb' sa' li xam, ut li junch'oleb' chik cheruxtaana ruheb'; ab'an chek'ehaq reetal: xik' cherilaq li raq'eb' tz'ajninb'il xb'aaneb', meeb'on eerib' rik'in li xb'aanuhomeb'.

Tito 2:14

A'an kixq'axtesi rib' sa' qak'ab'a' laa'o re qakolb'al chiru chixjunil li maa'usilal, jo'wi' re reechaninkil jun xtenamit saq ru xch'ool, q'axtesinb'ilaq chi xb'aanunkil li us.

Números 31:19

Ut chejunilex laa'ex li xexkamsink malaj xech'e' junaq kamenaq, kanaaqex chirixeb' li muheb'aal chiru wuqub' kutan. Ch'ajob'resiiq eerib' laa'ex jo'wi' eb' leepreex, sa' li rox ut sa' li xwuq li kutan.

Génesis 2:2

Sa' xwuq li kutan li Yos kixraq chixjunil li xk'anjel li xb'aanu, ut kihilank.

Éxodo 19:10

kiyehe'k re: “Ayu rik'ineb' li tenamit ut chataqlaheb' chi xsantob'resinkil rib' chiru li kutan a'in jo' ajwi' wulaj; xpuch'aqeb' li raq'

Números 19:13

Chixjunil li taach'e'oq junaq kamenaq ut ink'a' tixch'ajob'resi rib', tixmux xloq'al li xLoq'laj Muheb'aal li Qaawa'. Li winq a'an taa'isiiq sa' xyanqeb' laj Israel, xb'aan naq maji' xkirkiriik chi osob'tesinb'il ha': a'an muxb'il ut toj wank sa' xb'een li xmuxulal.

Números 19:18

Jun winq li maak'a' xmuxul tixchap li xmach palaw, tixtz'a sa' li ha' ut tixkirkiri sa' li muheb'aal ut sa' xb'een chixjunil li k'a'aq re ru jo'wi' sa' xb'eeneb' li poyanam wankeb' chisa'. Jo'kan ajwi' taa'uxmanq re li xch'e'ok xb'aqel kamenaq malaj li xmuqleb'aal kamenaq, ut li yal kikamsiik.

Levítico 14:7

Toja' naq wuqub' sut tixkirkiri sa' kik' li ani taach'ajob'resimanq chiru li saqlep, ut tixch'olob' naq a'an ink'a' chik muxb'il ru. Ut li yo'yookil xik'anel xul taa'ach'ab'aaq.

Números 31:24

Teepuch' leeraq' sa' xwuq li kutan ut ch'ajob'resinb'il texkanaaq. Toja' naq tex'okaq sa' li na'ajej wankeb' wi' eb' li muheb'aal”, chan laj Elehasar.