Números 18:19 - Q'eqchi Bible

¹⁹ Chixjunil li loq'laj mayej te'xyeechi'i we eb' laj Israel, tink'e aawe laa'at, eb' laawalal ut eb' laarab'in. A'an a'in jun chaq'rab' chi junajwa. A'an jun sumwank chi junelik li xink'ojob' rik'in atz'am aawik'in ut rik'ineb' laawalal aak'ajol”, chan li Qaawa'.

Li Santil hu

¹⁹ Chalen anakcuan ut chi junelic la̱in ninye nak a̱cue ut reheb la̱ cualal a̱cꞌajol li mayej li teꞌxqꞌue cue eb laj Israel. Aꞌin jun li contrato incꞌaꞌ najala li xinba̱nu a̱cuiqꞌuin ut riqꞌuineb la̱ cualal a̱cꞌajol chi junelic.—

Números 18:19 ပူးပေါင်းရင်းမြစ်များ

2 Crónicas 13:5

Ma ink'a' nekenaw naq li Qaawa', xYos laj Israel, kixk'e xwankil laj David sa' xb'een Israel chi junelik? Kixb'aanu jun sumwank rik'in a'an ut rik'ineb' li ralal xk'ajol, ut kixxaqab' xwankil li sumwank rik'in atz'am.

Números 18:11

“Tink'e ajwi' aawe li mayej te'xq'axtesi we eb' laj Israel rik'in xtaqsinkil li ruq'; tink'e cho'q aawe, cho'q reheb' laawalal ut eb' laarab'in chi junajwa. Yalaq ani li maak'a' xmuxul sa' laajunkab'al, naru tixtzeka.

Levítico 2:13

“Chixjunil laamayej k'aj, tento naq taak'e ratz'amil ut maak'ulub'a naq sa' laamayej k'aj triiw maak'a'aq li atz'am. Sa' chixjunil laamayej tento naq taayeechi'i li atz'am, xb'aan naq li atz'am a'an reetalil li xSumwank laaYos.

2 Crónicas 31:4

Kixye ajwi' reheb' laj Jerusalén naq te'xk'e li mayej li tento te'xk'ul eb' laj tij ut eb' laj Leví re naq eb' a'in te'xk'e xch'ool chi xpaab'ankil xChaq'rab' li Qaawa'.

Deuteronomio 12:6

Sa' li na'ajej a'an texmayejaq, teekamsi ut teek'at leexul; teek'am li xlajeetqil li k'a'aq re ru eere, leetenq'aal jo'wi' li na'alaak sa' leech'ool, eb' li xb'een ral leeninq ut kok' ketomq.

Números 31:41

Laj Moisés kixk'e re laj Elehasar laj tij li reechanihom li Qaawa', jo' chanru yeeb'il re xb'aan li Qaawa'.

Números 31:29

Taaq'axtesi re laj Elehasar li xyiijachil, cho'q mayej chiru li Qaawa'.

Números 18:8

Kixye li Qaawa' re laj Aharón: “Laa'in tink'e chawil li mayej nak'eemank we. Chixjunil li loq'laj mayej nayeechi'imank we xb'aaneb' laj Israel, tink'e aawe ut cho'q reheb' laawalal; a'anaq eereechanihom chi junajwa.

Levítico 7:14

Chisa' chixjunil li mayej, taa'isimanq kach'inaq ut taaq'axtesimanq chiru li Qaawa' jo' loq'laj yeechi'om, ut a'an rehaq chik laj tij li taarachoq xkik'el li mayej re k'amok ib' sa' usilal.

Deuteronomio 12:26

Li k'a'aq re ru ak q'axtesinb'il re li Yos ut ak aayeechi'om sa' jurament, tento taaq'axtesi sa' li na'ajej sik'b'il ru xb'aan li Qaawa'.

2 Reyes 12:16

Li tumin namayejamank re xtojb'al rix li maak jo' ajwi' chirix li maak, ink'a' nak'eemank sa' rochoch li Qaawa', reheb' b'an laj tij nakanaak.

Ezequiel 43:24

ut taamayejaheb' chiwu. Eb' laj tij te'ratz'ami ut te'xyeechi'i cho'q k'atb'il mayej sa' ink'ab'a'.

Éxodo 29:27

Chi jo'kan taasantob'resi li re xch'ool li eek'asinb'il mayej, jo'wi' li ra' li xul li xq'axtesiik: naraj naxye, li k'aru x'eek'asiik ut xq'axtesiik naq xmayejaak li karneer re xxaqab'ankil laj Aharón ut eb' li ralal cho'q aj tij.

Levítico 21:22

Naru tixtzeka li wa a'an jo'wi' li k'a'aq chik re ru loq' ut santob'resinb'il,