Números 18:13 - Q'eqchi Bible

¹³ Jo'kan ajwi' chixjunil li xb'een ru li awimq li na'elk chiru li ch'och' ut neke'xk'e re li Qaawa', tink'eheb' aawe. Chixjunileb' li ink'a' muxb'ileb' sa' laawochoch naru te'xtzeka.

Li Santil hu

¹³ Chixjunil li xbe̱n ru li acui̱mk li nequeꞌxqꞌue cue chokꞌ xmayejeb la̱in tinqꞌue e̱re. Chixjunileb li cuanqueb saꞌ le̱ rochoch, li incꞌaꞌ muxbileb ru, naru teꞌxtzaca li mayej aꞌin.

Números 18:13 ပူးပေါင်းရင်းမြစ်များ

Éxodo 22:29

“Matb'ayk chi xyeechi'inkil we li xchaab'ilal laaq'olom ut laa'uub'. Chak'e we li xb'een aawalal.

Miqueas 7:1

Toq'ob' xaq wu, chanchanin aj chik li nasakonink chirix xq'ehil li q'olok, ut ink'a' chik nintaw in'uub' chi moko in'iig; ink'a' chik nintaw ruheb' li awimq li q'axal nawulak chiwu.

Oseas 9:10

Jo'ka'in xye li Qaawa': “Naq kintaw laj Israel, kisaho'k linch'ool jo' naq natawmank li uub' sa' li chaqich'och'. Kisaho'k linch'ool rik'ineb' leena' leeyuwa' jo' naq natawmank li xb'een ru li ki'il q'een. Ab'an naq ke'wulak aran Bahal-Pehor, ke'xq'axtesi rib' reheb' li yal k'oxlanb'il yos, ut q'axal tz'eqtaananb'ileb' chik ke'kanaak jo'eb' li pek che' raarookeb' xb'aaneb'.

Jeremías 24:2

Sa' jun chakach q'axal chaab'il li iig wank chisa' jo' tz'aqal li xb'een ru li awimq; ab'an sa' li jun chik ink'a' us li iig wank chisa', tik ink'a' chaab'il ut ink'a' naru xtzekankil.

Éxodo 23:19

“Taak'am sa' rochoch li Qaawa' laaYos li xchaab'ilal li xb'een ru laawawimq. “Maachiq li ch'ina chib'aat sa' xya'al xtu' li xna'.

Éxodo 34:26

“Taak'am sa' rochoch li Qaawa' laaYos li xchaab'ilal li xb'een ru laawawimq li na'elk sa' laach'och'. “Maachiq li ch'ina chib'aat sa' xya'al xtu' li xna'”.

Deuteronomio 26:2

taaxok li xb'een ru chixjunil li awimq na'elk chiru li ch'och', taak'e sa' junaq chakach ut taak'am sa' li na'ajej sik'b'il ru xb'aan li Qaawa' laaYos cho'q xmuheb'aal li xk'ab'a'.

Ezequiel 44:30

Li k'aru jwal chaab'il re li xb'een ru li awimq ut re chixjunil li namayejaak, rehaqeb' laj tij. Ut naq laa'ex teeyiib' li q'em, tento teek'e reheb' li xb'een taa'elq. Chi jo'kan li wosob'tesihom wanq junelik sa' eeb'een sa' leerochoch.

Levítico 22:7

Sa' rokik li saq'e taakanaaq chi ch'ajob'resinb'il; toja' naq taaruuq chi xtzekankil li santob'resinb'il mayej, xb'aan naq a'an li xtzekemq.

Levítico 23:17

ut teek'am chaq sa' leerochoch ka'kab'aq li kaxlan wa, yiib'anb'ilaq rik'in xyu chaab'il k'aj triiw ut chiqb'ilaq chi wanq numenaq waqxaqib' liib'r li junjunq, jo' xb'een ru li awimq ut chaab'il mayej cho'q re li Qaawa'.

Deuteronomio 18:4

Taak'e reheb' li xb'een ru laatriiw, laa'uub', laa'aseeyt; jo'kan ajwi' li xb'een xb'esb'al rismal laakarneer.

2 Reyes 4:42

Moqon chik kiwulak jun li winq aj Bahal-Salisá rik'in li xtaql li Yos. Kixk'am chaq junmay chi ak'waj toja' yiib'anb'il chaq, jo'wi' ak' triiw, sa' li xjelool. “K'ehomaq reheb' li poyanam re te'xwa'”, chan laj Eliseo re laj tenq' re.

2 Crónicas 31:5

Ut naq eb' laj Israel ke'rab'i resil a'in, ke'xk'am chaq chi yo'oon li xb'een ru li triiw, li b'iin, li aseeyt, li xya'al kab' ut chixjunil li ru li awimq, rochb'eenatq li xlajeetqil li k'aru wank reheb'.