Números 18:1 - Q'eqchi Bible

¹ Toja' naq li Qaawa' kixye re laj Aharón: “Wi junaq tixmux ru li Loq'laj Muheb'aal, li maak a'an taakanaaq sa' aab'een laa'at, sa' xb'eeneb' laawalal, aawochb'eeneb' li xjunkab'al laayuwa'. Ab'an sa' aab'een ut sa' xb'eeneb' laawalal taakanaaq li xmaak junaq aj tij.

Li Santil hu

¹ Li Ka̱cuaꞌ quixye re laj Aarón: —Cui junak tixmux ru li tabernáculo, li ma̱c aꞌan ta̱cana̱k saꞌ a̱be̱n la̱at ut saꞌ xbe̱neb la̱ cualal ut saꞌ xbe̱neb ajcuiꞌ laj levita. Abanan cui junak ta̱paltok nak yo̱k chixba̱nunquil lix cꞌanjel eb laj tij, li ma̱c ta̱cana̱k saꞌ a̱be̱n la̱at ut saꞌ xbe̱neb la̱ cualal.

Números 18:1 ပူးပေါင်းရင်းမြစ်များ

Éxodo 28:38

Taakanaaq sa' xb'een xpeekem laj Aharón, xb'aan naq laj Aharón taa'iiqaninq reheb' li maak li te'xb'aanu eb' laj Israel sa' xyeechi'inkil chixjunileb' li loq'laj mayej. Tento naq junelik wanq sa' xb'een xpeekem, re naq eb' laj Israel te'xtaw usilal chiru li Qaawa'.

1 Pedro 2:24

A'an ajwi' li kik'amok re li qamaak sa' xjunxaqalil chiru li krus re naq kamenaqaqo chiru li maak ut yo'yooqo cho'q re li tiikilal: rik'in li xtiq'ilal xexk'irtasiik laa'ex.

Hebreos 13:17

Chex'ab'inq chiruheb' laj k'amol eeb'e xb'aan naq eb' a'an neke'yo'lek chirix leeyu'am jo'eb' li toxe'xq'axtesi ru li xk'anjeleb' cherix laa'ex. Chepaab'aqeb' re naq te'xb'aanu a'in rik'in sahil ch'oolej, ut ink'a' chi rahaqeb' sa' xch'ool, xb'aan naq a'an moko tixk'am ta chaq usilal cho'q eere.

Hebreos 4:15

Xb'aan naq moko wank ta junaq xyuwa'il aj tij li ink'a' ta naxnaw ruxtaanankil ut xtoq'ob'ankil qu; wank b'an jun li kiyale'k rix rik'in chixjunil kama' ajwi' laa'o, ab'an ink'a' kimaakob'k jun sutaq.

Isaías 53:11

Sa' xk'ab'a' li k'iila rahilal kixk'ul taaril li saqenk ut taak'ojlaaq li xch'ool. Rik'in li xnawom, laj K'anjel chiwu naab'aleb' tixtiikob'resiheb' xch'ool, xb'aan naq xriiqani li xmaakeb' a'an.

Isaías 53:6

Chiqajunilo xoosachk jo'eb' li karneer, ak xb'e xb'e xk'am li junjunq. Ut li Qaawa' xk'e chiriiqani li qamaak chiqajunilo.

Números 17:13

Yalaq ani taajiloq chi xk'atq li xLoq'laj Muheb'aal li Qaawa', taakamq. Ma tookamq chiqajunilo?”, chankeb'.

Números 17:7

Ut laj Moisés kixkanab'eb' li xuq' chiru li Qaawa' sa' li Loq'laj Muheb'aal.

Números 17:3

Chiru li xxuq' laj Leví, taatz'iib'a li xk'ab'a' laj Aharón xb'aan naq a'an li xjolomil li xteepaleb' laj Leví.

Números 14:34

Chiru ka'k'aal kutan xeyal eeq'e chi xk'eeb'al reetal chanru li tenamit. Chiru ka'k'aal chihab' ajwi' teeriiqani leemaak, junq chihab' te'xtoj rix li junq kutan. Chi jo'kan teenaw k'aru naxk'ul li ani naxq'etq'eti rib' chiwu».

Levítico 22:9

“Ye reheb' naq xpaab'aqeb' linchaq'rab'; chi jo'kan ink'a' te'riiqani junaq maak chi moko te'kamq yal sa' xk'ab'a' naq xe'xq'etq'eti rib'eb'. Laa'in li Qaawa', li ninsantob'resink reheb'.

Levítico 10:17

—K'a'ut naq ink'a' xetzeka li mayej chirix li maak sa' junaq osob'tesinb'il na'ajej? Q'axal loq' li mayej a'an, ut li Qaawa' kixk'e eere re naq laa'ex tex'iiqaninq re xmaakeb' li komonil ut teetoj rix xmaakeb' chiru li Qaawa'.

Levítico 22:16

chi moko te'xk'e chiriiqani li xmaa'usilaleb' sa' xk'ab'a' xtzekankil li k'a'aq re ru osob'tesinb'il. Laa'in li Qaawa', li ninsantob'resink reheb'”.

Números 3:6

“Taqla xb'oqb'aleb' li xteepal laj Leví, re naq te'xtenq'a laj Aharón.

Números 16:10

Li Qaawa' xexb'oq chi k'anjelak rik'in, laa'at ut eb' laawas aawiitz'in, li ralalex laj Leví, ut toj teeraj wank cho'q aj tij!

Números 18:11

“Tink'e ajwi' aawe li mayej te'xq'axtesi we eb' laj Israel rik'in xtaqsinkil li ruq'; tink'e cho'q aawe, cho'q reheb' laawalal ut eb' laarab'in chi junajwa. Yalaq ani li maak'a' xmuxul sa' laajunkab'al, naru tixtzeka.

Deuteronomio 10:8

Sa'eb' li kutan a'an li Qaawa' kixxaqab'eb' li ralal xk'ajol laj Leví chi xpaqonkil li Loq'laj Kaax wan wi' li xSumwank li Qaawa', re naq wanqeb' chi k'anjelak chiru li Qaawa' ut te'xtz'aama li rosob'tesinkileb' li tenamit. Ut jo'kan ke'xb'aanu chalen toj anaqwan.

Jueces 17:12

Laj Mikaías kixxaqab' li saaj al cho'q aj tij, ut a'in kikanaak chi wank aran.

Ezequiel 4:4

“Laa'at tatyoklaaq sa' xb'een laatz'e ut taawiiqani li xmaakeb' laj Israel. Tento tatyoklaaq sa' xb'een laatz'e ut taawiiqani li xmaakeb'