“Rik'ineb' li qana' qayuwa' kiwank chaq li xmuheb'aal li Sumwank sa' li chaqich'och', jo' chaq'rab'inb'ileb' wi' xb'aan li Yos naq kixye re laj Moisés naq chixb'aanuuq jo' chanru kik'ute'k chiru.
A'an a'in chixjunil li kik'anjelak re xyiib'ankil li Santil Muheb'aal, a' li xMuheb'aal li Sumwank, jo' chanru ke'xtz'iib'a eb' laj Leví xb'aan xtaqlahom laj Moisés, naq laj Itamar, ralal laj Aharón laj tij, kijolomink reheb'.
k'eheb' b'an chi k'anjelak sa' li Loq'laj Na'ajej, ut a'aneb' li te'iloq re chixjunileb' li k'anjelob'aal ut li k'a'aq re ru wank aran. Eb' a'an te'k'amoq re li Loq'laj Muheb'aal ut chixjunileb' li xk'anjelob'aal; te'k'anjelaq chisa' ut te'xk'ojob' li xmuheb'aaleb' chi xsutam li Loq'laj Muheb'aal.
ut eb' laj Leví te'xyiib' li xmuheb'aaleb' chi xsutam li Loq'laj Muheb'aal ut te'iloq re, re naq michalk xjosq'il li Qaawa' sa' xb'eeneb' laj Israel”, chan li Qaawa'.
Sa' li kutan naq kixaqab'aak li Loq'laj Na'ajej, kichalk jun li choql sa' xb'een xna'aj li Loq'laj Kaax ut kikanaak aran. Chalen ewu toj eq'la li choql wank sa' xb'een li Loq'laj Na'ajej kama' xam.
Laj Moisés kixye a'in reheb' laj Israel ut li junjunq chi xjolomil li junq teeq kixq'axtesi li xxuq': kab'laju chi xuq' ke'xk'e sa' xk'ab'a'eb' li kab'laju chi teep. Sa' xyanqeb' li xuq' a'an wank ajwi' li xxuq' laj Aharón.
Toja' naq chixjunil li komonil ke'ok raj chi xteninkileb' chi pek, ab'an li xloq'al li Qaawa' kixk'ut rib' chiruheb' chixjunil laj Israel sa' li Loq'laj Na'ajej.