Números 16:5 - Q'eqchi Bible

⁵ ut kixye re laj Koré ut chixjunileb' li rochb'een: “Wulaj eq'la li Qaawa' tixk'e chi nawe'k ani li sik'b'il ru, ani li xsantob'resihom, li taaruhanq chi nach'ok rik'in. Li sik'b'il ru xb'aan li Qaawa', a'an truuq taanach'oq rik'in.

Li Santil hu

⁵ Ut quixye reheb laj Coré ut eb li nequeꞌoquen chirix: —Chiru li ekꞌela cuulaj li Ka̱cuaꞌ tixcꞌut chiku ani li sicꞌbil ru ut ani li santobresinbil ut tixqꞌue li jun aꞌan chi nachꞌoc riqꞌuin. Li ani tixsicꞌ ru li Ka̱cuaꞌ tixqꞌue chi nachꞌoc riqꞌuin.

Números 16:5 ပူးပေါင်းရင်းမြစ်များ

Salmos 65:4

Us ta nanumtaak li maa'usilal sa' qab'een, ab'an laa'at nakakuy, nakasach chixjunil.

Números 17:5

Li winq taatuxmeq li xxuq', a'an li sik'b'il ru inb'aan. Chi jo'kan eb' laj Israel te'xkanab' eewech'b'al”, chan li Qaawa'.

Levítico 10:3

Chirix chik a'an laj Moisés kixye re laj Aharón: “A'an a'in li kixye li Qaawa': «Eb' li te'jiloq chaq wik'in tink'ut chiruheb' linsantilal, ut chiruheb' chixjunil laj Israel tink'ut linloq'al»”. Ut laj Aharón kikanaak chi maak'a' chik kixye.

2 Timoteo 2:19

Ab'anan li rub'elankil li xk'ehom li Yos a'an kaw rib', xaqxo sa' xna'aj ut kaaxtinb'il rik'in li aatin a'in: “Li Qaawa' naxnaw ruheb' li re”, ut: “Chixjunil li nayaab'ank re xk'ab'a' li Qaawa', chirisihaq rib' sa' li maa'usilal”.

Números 16:3

Ke'xch'utub' rib' chi xwech'b'al laj Moisés ut laj Aharón, ut ke'xye reheb': “Jwal naxik wi' chik xb'een nekeb'aanu. Chixjunileb' li komonil santob'resinb'ileb' ut li Qaawa' wank sa' xyanqeb'. K'a'ut naq laa'ex nekek'e eewankil sa' xb'een li xkomonil li Qaawa'?”, chankeb'.

Apocalipsis 1:6

A'an kik'ehok qe chi awab'ejink rochb'een a'an cho'q aj tij chiru li Yos li xYuwa'. Rehaq taxaq li loq'al ut li wankilal chi junelik q'e kutan! Jo'kan taxaq!

Hechos 22:14

Toja' naq laj Ananías kixye we: «Li xYos eb' li qana' qayuwa' xatxxaqab' re naq taanaw li rajom, taawil ru li Tiik xch'ool ut taawab'i ajwi' li aatin chi xtz'uumal re.

Hechos 13:2

Sa' jun li kutan, naq yookeb' chi k'anjelak chiru li Qaawa' ut chi ayuunik, kixye li Santil Musiq'ej: “K'ehomaqeb' cho'q we laj Bernabé ut laj Sawlo re te'xb'aanu li k'anjel xinb'oqeb' wi'”.

Hechos 1:24

Ut ke'tijok chi jo'ka'in: “At Qaawa', laa'at nakatnawok re xch'ooleb' chixjunileb', chak'ut chiqu ani reheb' li wiib' a'in xasik' ru.

Hechos 1:2

toj sa' li kutan naq kik'ame'k sa' choxa, naq ak kixchaq'rab'iheb', rik'in Santil Musiq'ej, eb' li apóstol sik'b'ileb' ru xb'aan.

San Juan 15:16

“Moko laa'ex ta xexsik'ok wu; laa'in b'an xinsik'ok eeru ut xexinxaqab' re texxik ut chi'uuchinq leepaab'aal, ut li taaruuchin leepaab'aal wanq chi junelik. Chi jo'kan chixjunil li teetz'aama chiru li Yuwa'b'ej sa' ink'ab'a', taak'eemanq eere.

Malaquías 3:18

Toja' naq laa'ex teenaw wi' chik b'ar wank li tiik xch'ool ut li ink'a' us xna'leb', li nak'anjelak chiru li Yos ut li ink'a' napaab'ank chiru”.

Ezequiel 40:46

Ut li na'ajej na'ilok sa' xjayal releb'l iq', a'an xna'ajeb' laj tij neke'k'anjelak sa' li artal. A'aneb' li ralal xk'ajol laj Sadok; ut sa' xyanqeb' laj Leví, ka'ajeb' wi' a'an naru te'nach'oq rik'in li Qaawa' chi k'anjelak chiru”.

Salmos 105:26

Chirix chik a'an kixtaqla laj Moisés, laj k'anjel chiru, jo'wi' laj Aharón, li sik'b'il ru xb'aan.

1 Samuel 2:28

Sa' xyanqeb' chixjunileb' li xteepal laj Israel kinsik' ru laajunkab'al, re naq a'anaqeb' aj tij chiwu, re te'mayejaq sa' xb'een lin'artal, jo'wi' te'k'atoq pom ut te'xk'am li efod chiwu. Kink'e ajwi' reheb' laaxe'toonil yuwa' naq te'tz'aq sa' chixjunileb' li xmayejeb' laj Israel.

Éxodo 28:1

“Sa' xyanqeb' laj Israel xinsik' ru laj Aharón laawas ut eb' li ralal, re te'k'anjelaq chiwu cho'q aj tij. A'aneb' laj Nadab, laj Abihú, laj Elehasar ut laj Itamar, ralaleb' laj Aharón. Chapatz' b'i' reheb' naq te'nach'oq aawik'in.

Hebreos 12:14

Cheyalaq eeq'e chi wank sa' tuqtuukilal rik'ineb' chixjunil, ut chexwanq sa' santilal, xb'aan naq wi maak'a'aq a'an, maa'ani taa'iloq ru li Qaawa'.

Efesios 2:13

A'ut anaqwan sa' xk'ab'a' li Kristo Jesus laa'ex li najt wankex chaq junxil, nach' chik wankex sa' xk'ab'a' xkik'el li Kriist.

Hechos 15:7

Ak naab'al wech'ink ke'xb'aanu chirix a'in, naq kixaqliik laj Pedro ut kixye reheb': —Ex was wiitz'in, laa'ex nekenaw naq ak najter kixsik' chaq wu li Yos sa' eeyanq re naq rik'in xtz'uumal we eb' li maawa'eb' aj Judiiy te'rab'i resil li Chaab'il Esilal ut te'ok sa' li paab'aal.

Levítico 8:2

“B'oq chaq laj Aharón ut eb' li ralal xk'ajol, ut k'am chaq li t'ikr li neke'roksi eb' laj tij, li aseeyt re osob'tesink, junaq saaj wakax li namayejamank chirix li maak, li wiib' chi karneer ut li xchakachil li kaxlan wa maak'a' xyu,

Éxodo 28:43

Tento naq laj Aharón ut eb' li ralal te'wanq xweexeb' naq te'ok sa' li xMuheb'aal li ch'utam malaj naq te'nach'oq rik'in li artal chi k'anjelak sa' li Loq'laj Na'ajej; chi jo'kan ink'a' te'paltoq ut ink'a' te'kamq. Teneb'anb'ilaq chi junajwa li chaq'rab' a'in sa' xb'een laj Aharón ut eb' li ralal xk'ajol.

Números 16:6

B'aanuhomaq chi jo'ka'in: teechap leexanxaar laa'at, a Koré, ut eb' laawochb'een.

Números 17:8

Chiru li kutan jun chik, naq ki'ok laj Moisés sa' li Loq'laj Muheb'aal, kixk'e reetal naq li xxuq' laj Aharón, ruuchil li xteepaleb' laj Leví, xtuxmek chik: ki'atz'umak ut ki'uuchink.

Jeremías 30:21

Sa' xyanqeb' a'an taawakliiq li taajolominq reheb'; rik'ineb' a'an taa'elq li taa'awab'ejinq reheb'. Tinb'oq chink'atq ut a'an taachalq wik'in, xb'aan naq ani tixkawu xch'ool chi jilok chink'atq? Laa'exaq lintenamit ut laa'inaq leeYos”, chan li Qaawa'.

Jeremías 49:19

“Laa'in tinchalq jo' li kaqkoj naq na'elk chaq sa' li k'iche' chire li nima' Jordán ut naxik sa' li raxalpim chiru taq'a; jo'kan ajwi' naq twaanilasiheb' chi junpaat eb' laj Edom, ut sa' li xna'ajeb' tink'e chi k'anjelak li ani nawulak chiwu. Xb'aan naq ani tixjuntaq'eeta rib' wik'in ut taanumtaaq chiwu? Ma wank tab'i' junaq aj k'aak'alenel li truuq tixkuy wank chiwu laa'in?

Jeremías 50:44

“Relik chi yaal naq tinchalq chi junpaat: jo' junaq kaqkoj li na'elk chaq sa' li k'iche' chire li nima' Jordán ut naxik sa' li raxal pim chiru taq'a, jo'kan naq tink'eheb' chi elelik eb' laj Babilonia ut aran tinxaqab' cho'q aj k'amol b'e li ani tixk'ul linch'ool. Xb'aan naq ani chik junaq kama' laa'in? Ani junaq awab'ej taawanq chi xaqxo chiwu?

Ezequiel 43:19

Eb' laj Leví, ralal xk'ajoleb' laj Sadok, li neke'nach'ok wik'in chi k'anjelak chiwu, taak'e junaq saaj wakax cho'q xmayejeb' chirix li maak -chan li Qaawa'-.

Ezequiel 45:4

A'anaq jun loq'laj na'ajej cho'q reheb' laj tij li neke'k'anjelak sa' rochoch li Qaawa' ut neke'jilok chi xk'atq chi mayejak. Rehaqeb' li na'ajej a'an, re naq te'xyiib' li rochocheb', ut a'anaq ajwi' li xloq'laj na'aj li rochoch li Yos.

Éxodo 28:41

“Jo'ka'in naq laa'at taatiqib' laj Aharón laawas ut eb' li ralal; taayuleb', taaxaqab'eb' cho'q aj tij ut taaq'axtesiheb' we.

Salmos 115:10

Ex ralal xk'ajol laj Aharón, kawaq eech'ool rik'in li Qaawa': a'an laj tenq'ahom qe, a'an li naqakol wi' qib'!