Números 16:39 - Q'eqchi Bible

³⁹ Laj Elehasar kixxokeb' li xxanxaareb' li ke'kamk sa' li xam ut kixyiib' perpookil ch'iich' re xletzb'al chiru li artal.

Números 16:39 ပူးပေါင်းရင်းမြစ်များ

Números 16:38

Li xxanxaareb' li winq a'in li xe'kamk xb'aan naq xe'maakob'k, santob'resinb'ileb' chik anaqwan xb'aan naq xe'oksiik chiwu laa'in. Rik'ineb' li xanxaar a'in teeyiib' perpookil ch'iich' ut letzomaq chiru li artal. A'anaq ajwi' jun li reetalil chiruheb' laj Israel”, chan li Qaawa'.

Números 16:40

A'an jun reetalil chiruheb' laj Israel naq maajun junaq li maawa' aj tij taamayejaq pom chiru li Qaawa'; juneseb' li ralal xk'ajol laj Aharón truuq te'xb'aanu a'an. Mare anchal te'xk'ul jo' laj Koré ut eb' li xkomon, jo' yeeb'il chaq xb'aan li Qaawa' re laj Moisés.

2 Crónicas 26:18

Eb' a'in ink'a' kiwulak chiruheb' li kixb'aanu li awab'ej ut ke'xye re: “At Osías, moko xaqab'anb'ilat ta laa'at chi k'atok k'ajpom chiru li Qaawa'; a'eb' b'an laj tij, li ralal xk'ajoleb' laj Aharón, a'aneb' li xaqab'anb'ileb' chi xk'atb'al li k'ajpom. Jo'kan b'i', elen sa' li Loq'laj Na'ajej xb'aan naq xatmaakob'k ut moko aak'ulub' ta xk'ulb'al xloq'al li Qaawa' Yos!”.

Esdras 2:62

Eb' a'in ke'xtz'ili rix sa' xhuhil li xyo'lajikeb', ab'an ink'a' ke'tawe'k xk'ab'a'. Jo'kan naq ink'a' ke'ruuk ok cho'q aj tij.

1 Crónicas 24:2

Laj Nadab ut laj Abihú ke'kamk xb'enwa chiru li xyuwa'eb', chi ink'a' ke'wank ralal xk'ajoleb'. Jo'kan naq laj Elehasar ut laj Itamar, a'aneb' chik li ke'ok chi k'anjelak cho'q aj tij.