Números 16:26 - Q'eqchi Bible

²⁶ Toja' naq ki'aatinak rik'ineb' li komonil ut kixye reheb': “B'aanuuq usilal, elenqex chi xk'atq li xmuheb'aaleb' a reemaaru aj winqeb' a'in. Maak'a' li k'aru reheb' teech'e'. Mare anchal texkamq xb'aan chixjunileb' li xmaakeb'”, chan.

Li Santil hu

^26-27 Ut laj Moisés quixye reheb laj Israel: —Elenkex chixcꞌatk lix muheba̱leb li cui̱nk aꞌin li incꞌaꞌ useb xnaꞌleb. Ut me̱chꞌeꞌ li cꞌaꞌru reheb ma̱re anchal texca̱mk xban lix ma̱usilaleb, chan. Joꞌcan nak queꞌel chixcꞌatk lix muheba̱leb laj Coré, laj Datán ut laj Abiram. Laj Datán ut laj Abiram queꞌel chak saꞌ lix muheba̱leb. Xakxo̱queb chiru li oqueba̱l rochbeneb li rixakil ut eb lix cocꞌal.

Números 16:26 ပူးပေါင်းရင်းမြစ်များ

Isaías 52:11

Jo'kan naq elenqex, elenqex ut kanab'omaq Babilonia! Meech'e' li k'a'aq re ru tz'ajn ru. Elenqex chaq sa' li tenamit a'an! Ch'ajob'resiiq eerib' laa'ex li nekexk'amok li xsahil eechej li Qaawa'.

Apocalipsis 18:4

Moqon kiwab'i jun chik xyaab' kuxej yo chi xyeeb'al sa' choxa: “Elenqex chaq Babilonia, ex intenamit: mare anchal tex'okenq sa' li xmaakeb' ut toxexxtaw li xrahilaleb'.

2 Corintios 6:17

Jo'kan utan, “elenqex sa' xyanqeb' ut jek'omaq eerib' rik'ineb', chan li Qaawa'. Meech'e' li k'a'aq re ru tz'ajn ru. Toja' naq laa'in texink'ul:

1 Timoteo 5:22

Maaseeb'a aawib' chi xk'eeb'al laawuq' sa' xb'een anihaq. Mattz'aqonk rik'in xmaak anihaq ut wanqat chi saq ru laach'ool.

Hechos 13:51

Eb' a'in ke'xchiq'chiq'i li pojtz' chi roqeb' re xch'olob'ankil li xmaakeb' ut koheb' Ikonio.

Hechos 8:20

Toja' naq laj Pedro kixye re: —Chi'oso'q laatumin aawochb'een, xb'aan naq xak'oxla naq li xsimaatan li Yos naloq'mank rik'in tumin.

Deuteronomio 13:17

“Maak'a' k'a'aq re ru li ak q'axtesinb'il re sache'k taakanaaq aawik'in, re naq taanume'q xjosq'il li Qaawa' ut a'anaq taxaq aj uxtaan aawik'in ut chiril taxaq xtoq'ob'aal aawu jo'wi' tatxtamb'resi taxaq, jo' xyeechi'om reheb' laana' laayuwa'.

San Mateo 10:14

Ut wi junaq ink'a' texk'ul chi moko taarab'i leeraatin, naq tex'elq sa' li kab'l a'an malaj tenamit, chechiq'aq li pojtz' wank cheroq.

Génesis 19:17

Naq yo risinkileb', jun reheb' li ánjel kixye: “Elelin, kol aawib'! Mat-ilok chawix chi moko tatxaqliiq sa' li taq'a; ayu b'an sa' li tzuul re naq ink'a' tat-oso'q”, chankeb' li ánjel.

Números 16:25

Kiwakliik laj Moisés ut koho wankeb' wi' laj Datán ut laj Abirón; ut li xcheekelaleb' laj Israel koheb' chirix.

Jeremías 51:6

“Elenqex sa' li tenamit Babilonia ut kolomaq eerib', re naq ink'a' texkamq xb'aan li xmaa'usilal. Ak xkutankil li eeqajunk anaqwan, ut tinq'ajkamu Babilonia jo' chanru li xyehom ut xb'aanuhom.