Números 15:4 - Q'eqchi Bible

⁴ tento naq laj mayejanel tixyeechi'i re li Qaawa' kaahib' liib'r chi k'aj yoq'inb'il rik'in aseeyt.

Li Santil hu

⁴ Li ani tixcꞌam lix mayej tixqꞌue ajcuiꞌ rochben lix mayej numenak ca̱hib libra li cha̱bil cꞌaj junajinbil riqꞌuin numenak jun litro li aceite.

Números 15:4 ပူးပေါင်းရင်းမြစ်များ

Éxodo 29:40

Rochb'een li xb'een ch'ina karneer taayeechi'i ajwi' numenaq kaahib' liib'r li chaab'il xk'aj li triiw, yoq'b'ilaq rik'in kaahib' sek' chi chaab'il aseeyt; jo'kan ajwi' taayeechi'i jun litro li b'iin.

Levítico 23:13

Teek'am ajwi' numenaq waqxaqib' liib'r li k'aj triiw, a' li chaab'il ut yoq'lenb'ilaq rik'in aseeyt, re taaq'axtesimanq chiru li Qaawa' jo' k'atb'il mayej sununk xb'ook. Ut cho'q eemayej ha', tento teeq'axtesi jun meet li b'iin.

Levítico 6:14

“A'an a'in li chaq'rab' chirix li mayej k'aj. Eb' laj tij tento te'xyeechi'i sa' xb'een li artal, chiru li Qaawa'.

Levítico 2:1

“Wi junaq tixk'am chaq xmayej k'aj chiru li Qaawa', tento tixk'am chaq li xchaq'alil ru k'aj triiw, tixk'e aseeyt ut pom sa' xb'een.

Levítico 14:10

Sa' xwaqxaq li kutan tixchap wiib'aq li karneer li maak'a'eb' xyajel ut junaq ixqi karneer aj jun chihab', li maak'a'aq reek'. Tixchap ajwi' kaalaju liib'r li k'aj triiw li jwal chaab'il, cho'q mayej k'aj, yoq'inb'il rik'in aseeyt.

Hebreos 13:16

Misachk sa' eech'ool xb'aanunkil li usilal jo'wi' xwotzb'al chixjunil; a'an a'in li mayej nawulak chiru li Yos.

Romanos 15:16

naq laa'inaq aj k'anjel chiru li Kristo Jesus cho'q reheb' li maawa'eb' aj Judiiy. A'an a'in linloq'laj k'anjel: laa'in aj tij re xpuktesinkil li xChaab'il Esil li Yos re naq k'ulb'ilaqeb' li maawa'eb' aj Judiiy jo' chaab'il mayej, santob'resinb'il xb'aan li Santil Musiq'ej.

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

Ezequiel 46:14

Jo'kan ajwi', rajlal eq'la, taamayeja b'eleeb' meet chi k'aj ut kaahib' sek' chi aseeyt, re taayoq' wi' li k'aj. A'an jun chaq'rab' li xaqxo xwankil chi junajwa ut tento xpaab'ankil chi junelik.

Isaías 66:20

Ut te'xk'ameb' chaq leeras eeriitz'in li wankatqeb' sa' chixjunil li na'ajej, jo' mayej cho'q re li Qaawa': te'chalje'q chirixeb' kawaay, sa' b'eleb'aal ch'iich', chi paqonb'il, chirixatq muul ut kameey, toj Jerusalén sa' linsantil tzuul -chan li Qaawa'-, jo' neke'xb'aanu eb' li ralal xk'ajol laj Israel naq neke'xk'am chaq li xmayejeb' sa'eb' li sek' saq ru toj sa' li wochoch.

Jueces 9:9

Kichaq'ok li oliiw ut kixye: «Ma tinkanab' tab'i' xk'eeb'al li aseeyt li nanimaak wi' ruheb' li yos ut eb' li winq, re naq tinxik chi xb'eeninkil wib' sa' xb'eeneb' li che'?», chan.

Levítico 2:15

Sa' xb'een laamayej tento taak'e li aseeyt ut li pom, xb'aan naq a'an mayej k'aj.

Levítico 1:13

Ani tixyeechi'i xk'atb'il mayej tento tixch'aj rik'in ha' li xk'amk'ot ut li ra' li xul, ut laj tij tixk'at chixjunil sa' xb'een li artal cho'q k'atb'il mayej jwal sununk xb'ook chiru li Qaawa'.

Levítico 3:7

Wi tixyeechi'i junaq saaj karneer, naq tixq'axtesi chiru li Qaawa',

Números 28:4

Jun karneer teemayeja cho'q k'atb'il mayej eq'la, ut li jun chik teemayeja ewu.

Números 28:12

Teeyeechi'i ajwi' kab'laju liib'r chi k'aj yoq'inb'il rik'in aseeyt, rochb'een li junjunq chi mayej saaj wakax; lajeeb' liib'r chi k'aj yoq'inb'il rik'in aseeyt, rochb'een li junjunq chi mayej chib'aat;

Esdras 7:17

Chiru li tumin a'an taaloq' li saaj wakax, li chib'aat, li karneer, rochb'een li ru awimq ut li b'iin li na'ajmank ru re xyeechi'inkil chixjunil sa' xb'een x'artalil li rochoch leeYos aran Jerusalén.

Números 7:13

Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin ut jun uk'leb' sek' yiib'anb'il rik'in plaat aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq.

Números 29:6

Teeb'aanu a'in, ut teek'e ajwi' li k'atb'il mayej na'uxmank rajlal po, rochb'een leeyeechi'om ut li namayejamank rajlal kutan rochb'een leeyeechi'om ut li b'iin, jo' chanru leechaq'rab'inkil. A'anaq jun k'atb'il mayej li sununk xb'ook chiru li Qaawa'.