Números 15:39 - Q'eqchi Bible

³⁹ Te'wanq xmach li raq'eb', re naq jo'q'e te'ril, taanaq sa' xch'ooleb' chixjunil li xchaq'rab' li Qaawa'. Chi jo'kan te'xpaab' ut ink'a' te'xb'aanu li naraj xch'ooleb' chi moko taaxik xch'ooleb' chirix li k'aru neke'ril, a' li tz'aqal neke'xmux wi' rib'eb'.

Li Santil hu

³⁹ Nak te̱ril lix sahob ru le̱ rakꞌ ta̱julticokꞌ e̱re chixjunil li chakꞌrab li quinqꞌue e̱re re te̱ba̱nu. Ut incꞌaꞌ te̱mux e̱rib riqꞌuin xba̱nunquil li nequeraj e̱junes joꞌ nequeꞌxba̱nu eb li ixk li nequeꞌxcꞌayi ribeb.

Números 15:39 ပူးပေါင်းရင်းမြစ်များ

Salmos 106:39

ke'xtz'ajni rib' rik'in li xb'aanuhomeb', ke'xmux rib' rik'in li maa'usilal ke'xb'aanu.

Salmos 73:27

Eb' li neke'najto'k aawik'in, te'oso'q; laa'at tatsachoq ruheb' li neke'xmux laarahom.

Ezequiel 6:9

Eb' li te'kole'q tinjultiko'q reheb' sa'eb' li tenamit xe'k'ame'k wi'. Te'jultiko'q reheb' chanru naq xinrahob'tesiheb' xb'aan naq xe'xmux li xpaab'aaleb' ut xkoheb' xch'ool chirixeb' li jalanil yos. Eb' a'an te'xyib' rib' xb'aan li k'iila maa'usilal xe'xb'aanu jo'wi' xb'aan li jo'maajo'il b'aanuhem.

Proverbios 28:26

Li naxkawu xch'ool xjunes rib', a'an maak'a' xna'leb'; ab'an li nab'eresiik xyu'am xb'aan li chaab'il na'leb', a'an tixkol rib'.

Santiago 4:4

Ex aj muxul paab'aal! Ma ink'a' nekenaw naq li wank sa' usilal rik'in li ruuchich'och', a'an wank sa' raaxiik' rik'in li Yos? Yalaq ani naraj wank sa' usilal rik'in li ruuchich'och', tixk'e rib' sa' raaxiik' rik'in li Yos.

Eclesiastés 11:9

Laa'ex li toj saajex, cheyal xsahil leesaajilal; sahaq taxaq eech'ool anaqwan. B'aanuhomaq li k'aru nekerahi ut nawulak cheru. Ab'anan misachk sa' eech'ool naq sa' jun kutan li Yos tixraq aatin sa' eeb'een chirix chixjunil leeb'aanuhom.

Proverbios 3:1

At walal ink'ajol, misachk sa' laach'ool link'utum ut k'uula sa' laawaanm linchaq'rab';

Li xHu LAJ JOB 31:7

Wi ink'a' chik xinb'aanu li tiikilal ut xkoho linch'ool chirix li maa'usilal, wi wank k'a'aq re ru xwelq'a laa'in,

Deuteronomio 29:19

“Wi ani sa' eeyanq taarab'i li teneb'anb'il sa' qab'een sa' xk'ab'a' li jurament a'in ut ink'a' tixk'e xwankil, tixye b'an sa' xch'ool xjunes rib': «Laa'in us tin'elq sa' chixjunil, us ta tinb'aanu jo' naxye linjipilal», xmaak li winq a'an te'sache'q chixjunileb'.

Oseas 2:2

Li Qaawa' kixye chi jo'ka'in: “Q'usumaq leena', jitomaq, xb'aan naq moko insum'aatin ta chik, ut moko laa'in ta chik li xb'eelom. Xkanab'aq li yumb'eetak ut mixsik'eb' chik li xsum.

Jeremías 9:14

ke'xb'aanu b'an chik li nawulak chiruheb' jo' chanru xkawilal li xjolomeb', ut ke'xloq'oni ru laj Bahal, jo' ke'tzole'k wi' chaq xb'aaneb' li xna' xyuwa'eb'.

Deuteronomio 6:12

Naq akaq xatwa'ak ut xk'ojlaak laach'ool, misachk sa' laach'ool li Qaawa' li ki'isink chaq aawe sa' li tenamit Ejiipt, b'arwi' katwank chaq chi munil.

Deuteronomio 4:23

Chek'e b'i' reetal, misachk sa' leech'ool li Sumwank li kixk'ojob' eerik'in li Qaawa' leeYos ut meeyiib' junaq reetalil chixjunil li k'aru xram cheru li Qaawa' leeYos,

Éxodo 13:9

Ut a'an taak'anjelaq aawe cho'q reetalil sa' laawuq', jo' jun inpatz'b'al chawu, re naq li xchaq'rab' li Qaawa' chiwanq sa' laawe, xb'aan naq rik'in xkawilal li ruq' katrisi chaq li Qaawa' aran Ejiipt.

Deuteronomio 8:11

“K'e reetal, maatz'eq chirix aach'ool li Qaawa' laaYos. Misachk sa' aach'ool xpaab'ankil li chaq'rab', eb' li aatin ut taqlahom xinye aawe sa' li kutan a'in.

Deuteronomio 8:14

“Mare anchal taasachq sa' laach'ool li Qaawa' laaYos li ki'isink chaq aawe sa' li tenamit Ejiipt, b'arwi' katwank chaq chi munil.

1 Reyes 12:33

Sa' li kutan o'laju xb'e li xwaqxaq po koho laj Jerobohán chi mayejak chiru li artal kixyiib' Betel (sa' li po yal kixk'oxla junes rib' a'an ut kixxaqab' cho'q xninq'eheb' laj Israel). Koho aran Betel ut kixmayeja pom chiru li artal.