Números 15:27 - Q'eqchi Bible

²⁷ “Ab'anan wi jun ajwi' xmaakob'k chi ink'a' xk'ehom reetal, tento tixk'e cho'q xmayej jun tuq'ixq chib'aat aj jun chihab'.

Li Santil hu

²⁷ Abanan cui jun ajcuiꞌ naxkꞌet li chakꞌrab chi incꞌaꞌ yal xraj xchꞌo̱l, li jun aꞌan tixcꞌam jun li ixki chiba̱t jun chihab cuan re, re xtzꞌa̱manquil xcuybal lix ma̱c.

Números 15:27 ပူးပေါင်းရင်းမြစ်များ

1 Timoteo 1:13

Ut laa'in aj majewanel naq kinwank chaq junxil, aj rahob'tesinel ut aj hob'onel; ab'an li Yos kiruxtaana wu xb'aan naq xmajelal inna'leb' kinb'aanu wi' a'in, naq toj maji' nin'ok chaq chi paab'ank.

Hechos 17:30

Anaqwan li Yos xtz'eq chirix xch'ool eb' li kutan xe'numje'k, naq eb' li tenamit xe'wank sa' xmajelal xna'leb'eb', ut naxye resil naq yalaq b'ar tento naq chixjunileb' te'xyot' xch'ool te'xjal xk'a'uxl.

Hechos 3:17

“Ak ninnaw, ex was wiitz'in, naq xmaak'a'il eena'leb' xeb'aanu wi' a'an, jo' ajwi' eb' laj k'amol eeb'e.

San Lucas 12:48

Ut li ink'a' naxnaw ut xb'aanu li xk'ulub' wi sak'e'k, yal kach'in ajwi' xlob' tixk'ul. Ani xk'eemank wi' naab'al, naab'al ajwi' taatitz'manq re; a'ut ani xk'uluk naab'al, q'axal naab'al chik taapatz'manq re.

Levítico 4:2

“Ye reheb' laj Israel: Wi ani taamaakob'q chi moko rajom ta xch'ool, tixq'et junaq xchaq'rab' li Qaawa' ut tixb'aanu li ink'a' raj naru xb'aanunkil, kama'in taab'aanumanq chirix:

Números 6:14

ut tixq'axtesi li xmayej re li Qaawa': jun karneer aj jun chihab' chi maak'a'aq reek', cho'q k'atb'il mayej; jun li ixqi karneer aj jun chihab' chi maak'a'aq reek', re xtojb'al rix li xmaak; jun karneer chi maak'a'aq reek', re k'amok ib' sa' usilal rik'in li Qaawa';