Números 14:9 - Q'eqchi Bible

⁹ Jo'kan utan, meeq'etq'eti eerib' chiru li Qaawa', chi moko chexiwa ru li tenamit a'an, xb'aan naq sa tqaq'ax ruheb'. Maa'ani nakolok reheb', a'ut laa'o wank li Qaawa' qik'in. Mexxiwak b'i'”, chankeb'.

Li Santil hu

⁹ Joꞌcan nak me̱kꞌetkꞌeti e̱rib chiru li Ka̱cuaꞌ ut mexxucuac chiruheb li tenamit li cuanqueb saꞌ li naꞌajej aꞌan xban nak la̱o tonumta̱k saꞌ xbe̱neb ut take̱chaniheb. Eb aꞌan ma̱ ani natenkꞌan reheb, abanan la̱o cuan li Ka̱cuaꞌ li nimajcual Dios kiqꞌuin chikatenkꞌanquil. Joꞌcan nak mexxucuac, chanqueb laj Josué ut laj Caleb.

Números 14:9 ပူးပေါင်းရင်းမြစ်များ

Deuteronomio 7:18

Ab'an matxiwak chiruheb', jultiko'q aawe li kixb'aanu li Qaawa' laaYos rik'in laj Parahón ut chixjunil Ejiipt,

Romanos 8:31

K'aru tqaye chirix a'an? Wi li Yos na'okenk chiqix, ani truuq twanq sa' xiik'ilal qik'in?

Deuteronomio 31:6

Kawaq eerib' ut chiwanq xkawub' eech'ool! Mexxiwak ut mexsiksotk chiruheb', xb'aan naq a' li Qaawa' laaYos nab'eresink eere ut ink'a' texxkanab' eejunes”, chan laj Moisés.

Salmos 74:14

Laa'at katputz'ink re xjolom li Lebiatán ut kak'e chi xtiweb' li ninqi xul sa' palaw.

2 Crónicas 32:8

Yal winqeb' li rochb'een chaq, a'ut li qochb'een laa'o a'an li Qaawa' li qaYos, re qatenq'ankil chi yalok”, chan laj Esekías. Q'axal ke'ajk xch'ooleb' li tenamit naq ke'rab'i li aatin kixye laj Esekías, awab'ej re Judá.

2 Crónicas 20:17

Moko laa'ex ta texyaloq wulaj. Sik'omaq eena'aj, mex'eek'ank ut teeril naq li Qaawa' taakoloq eere. Ex aj Judá ut aj Jerusalén, mexxiwak ut mich'inank leech'ool. Elqex wulaj chi xk'ulb'aleb', xb'aan naq li Qaawa' eerochb'eenaq»”, chan laj Yajasiel.

Deuteronomio 31:8

Li Qaawa' aj k'amolb'ehaq chawu; a'anaq aawochb'een. Moko tatxkanab' ta aajunes. Matxiwak b'i' ut mich'inank aach'ool”, chan laj Moisés.

Números 24:8

Li Yos ki'isink chaq reheb' sa' li na'ajej Ejiipt, jo' jun josq' aj b'ooyx li wank sa' k'iche'. Tixtiweb' li xik' neke'ilok re ut tixtoqi li xb'aqeleb'.

Josué 1:5

Maa'ani truuq taanumtaaq sa' aab'een chiru chixjunil laayu'am. Jo' naq kinwank rik'in laj Moisés, jo'kan ajwi' naq wanqin aawik'in: ink'a' tatinkanab' aajunes chi moko tatintz'eq chirix linch'ool.

Salmos 121:5

Li Qaawa' a'an na'ilok ut namuheelank aawe; li Qaawa' wank chak'atq.

Salmos 14:4

Ma ink'a' te'xtaw xyaalal eb' laj b'aanuhom maa'usilal, li wankeb' aran chi k'ajo'eb' xxiw, chixjunileb' li neke'xlow lintenamit jo' nawa'e'k li wa, eb' li ink'a' neke'xpatz' xk'ab'a' li Qaawa'?

Deuteronomio 9:7

“Chijultiko'q eere ut misachk sa' leech'ool naq kechiq' xjosq'il li Qaawa' leeYos sa' li chaqich'och': chalen naq kex'elk chaq Ejiipt toj reetal kexk'ulunk sa' li na'ajej a'in, junelik keq'etq'eti eerib' chiru li Qaawa'.

Deuteronomio 1:26

A'ut laa'ex ink'a' keraj xik aran, ketz'eqtaana b'an li xtaqlahom li Qaawa' leeYos,

Daniel 9:9

At Qaawa', at qaYos, laa'at aj uxtaanat ut nakatoq'ob'a qu, us ta xqaq'etq'eti qib' chawu

Deuteronomio 32:42

Tint'aqresiheb' sa' kik' linsimaj, ut linch'iich' taanujaq chi tib': xkik'el li kamenaqeb' ut eb' li preex, xjolomeb' aj k'amol xb'eheb' li xik' neke'ilok qe».

Deuteronomio 7:21

Jo'kan b'i', maaxiwa ruheb' xb'aan naq wank aawik'in li Qaawa' laaYos, li Yos nim xwankil ut xiwajel.

Deuteronomio 1:21

Chek'e reetal, li Qaawa' li qaYos xk'ehom sa' leeruq' li tenamit a'in. Ayuqex chi reechaninkil, kama' xyehom eere li Qaawa', xYoseb' leexe'toonal. Mexxiwak ut mich'inank eech'ool», chankin.

Filipenses 1:27

Ka'ajwi' a'in nawaj: naq wanqex taxaq sa' xyaalal jo' xk'ulub' li xChaab'il Esil li Kriist. Chi jo'kan, us ta tinxik cherilb'al us ta maa'anihaqin, twab'i eeresil naq kaw xaqxooqex sa' jun chi musiq'ej, ut wotz yooqex chi xyalb'al eeq'e chirix xpaab'ankil li Chaab'il Esilal,

San Mateo 1:23

“K'ehomaq reetal, li tuq'ixq taawanq sa' yu'am, taarala jun li k'uula'al, ut Emmanuel te'xk'e cho'q xk'ab'a'” (chi jalb'il ru naraj naxye: “Li Yos qik'in”).

Jeremías 48:45

“Eb' laj eelel te'xik chi tawajenaqeb' chi xkolb'al rib' sa' xmu Jesbón; ab'an x'elk chaq jun xam aran Jesbón, sa' rochoch laj Sijón, li awab'ej, ut xk'ateb' li xtzuulul Mohab, a'an jun tenamit q'etq'et ut aj po'ol ch'oolej.

Isaías 63:10

A'ut eb' a'an ke'xq'etq'eti rib' chiru ut ke'xmajewa li xsantil musiq'; jo'kan naq li Qaawa' xik' chik kirileb' ut ki'ok chi yalok rik'ineb'.

Isaías 41:14

Matxiwak, a Jakob, mich'inank aach'ool, a Israel: us ta jwal kach'inat ut maak'a' aametz'ew, laa'in nintenq'ank aawe -chan li Qaawa'-. Laa'in, li xSant laj Israel, laj Kolol aawe.

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

Isaías 32:2

Li junjunq sa' xyanqeb' jo'kaq li na'ajej nakolok chiru li kawil iq' ut li hab'; kama'aq li roq nima' sa' li chaqich'och', chanchanaq jun nimla saqoonak chi muheelank sa' tiqwal ch'och'.

Isaías 1:2

Ab'ihomaq, ex choxach'och', a' li Qaawa' yo chi aatinak: “Xink'iiresiheb' li walal ink'ajol, toj reetal xe'winqo'k; ab'an eb' a'an xe'xq'etq'eti rib' chiwu.

Salmos 91:1

Laa'at li nakathilank rub'el xwankil li Qaawa' ut nakatmuhenk rub'el xkupuhom li Nimajwal Yos,

Salmos 46:11

Ut xye: “Kanab'omaq yalok, chenawaq naq laa'in Yos, li nim inwankil sa' xb'eeneb' li tenamit, li nim inwankil junsut junrub'el choxa!”.

Salmos 46:7

Neke'xmululi rib' li tenamit, ut eb' li awab'ej neke'po' chirib'ileb' rib'; ab'an naq li Yos na'aatinak chi kaw, na'eek'ank li ruuchich'och'.

2 Crónicas 15:2

li ki'elk chi xk'ulb'al laj Asá ut kixye re: “Ab'ihomaqin, a Asá ut chejunilex laa'ex aj Judá ut aj Benjamín! Li Qaawa' taawanq eerik'in wi laa'ex wanqex rik'in. Wi nekesik' li Yos, A'an tixk'e rib' chi tawe'k; ab'anan wi' neketz'eqtaana, texxtz'eqtaana ajwi' A'an.

2 Crónicas 13:12

Chek'e reetal naq li Qaawa' a'an laj k'amol b'e chiqu; ut eb' laj tij okeb' re chi xyaab'asinkil li pur re taaqatikib' yalok eerik'in. Ex aj Israel, mexyalok rik'in li Qaawa', li xYos eb' leexe'toonil yuwa', xb'aan naq maak'a' aj e”, chan laj Abías.

Jueces 1:22

Eb' laj José ajwi' koheb' Betel, ut li Qaawa' wank rik'ineb'.

Éxodo 33:16

Xb'aan naq k'aru taanawmanq wi' naq usilal xintaw chawu wochb'een lintenamit? Ma ink'a' tab'i' rik'in naq laa'at nakoohaawochb'eeni? A'an reetalil naq sik'b'il qu aab'aan, chiruheb' chixjunil li tenamit junsut junrub'el choxa”.

Génesis 48:21

Toja' naq laj Israel kixye re laj José: “Kamk we laa'in; ab'anan li Qaawa' wanq eerik'in ut texxsutq'isi sa' li xna'ajeb' leexe'toonil yuwa'.

Daniel 9:5

Xoomaakob'k, ink'a' us xoowank ut xqab'aanu li maa'usilal. Xqaq'etq'eti qib' chawu naq xqatz'eq chirix li qach'ool laachaq'rab' ut laataqlahom.

Deuteronomio 1:29

“Toja' naq laa'in kinye eere: «Mexxiwak, meexiwa ruheb'.

Nehemías 4:14

Ut naq kink'e reetal naq yo xxiweb', kinxaqliik ut kinye reheb' li xninqaleb' ru winq, eb' laj k'amol b'e jo'wi' chixjunil li tenamit: “Meexiwa ruheb'. Jultikaq eere naq li Qaawa' nim xwankil ut xiwajel ru. Yalonqex re xkolb'aleb' leerech'alal, leeralal eek'ajol, leerixaqil ut leerochoch”.

Jeremías 1:19

Eb' a'an te'yaloq aawik'in, ab'an ink'a' te'ruuq xq'axb'al aawu xb'aan naq wanqin aawochb'een re aakolb'al”, chan li Qaawa'.

Jeremías 42:11

Meexiwa ru li awab'ej re Babilonia, li q'axal nekexxiwak xb'aan. Mexxiwak chiru xb'aan naq wankin eerik'in chekolb'al ut cherisinkil rub'el li xwankil.

Éxodo 14:13

Kichaq'ok laj Moisés ut kixye reheb' li tenamit: “Mexxiwak, kawaq eech'ool ut teeril li kolb'a ib' tixk'e eere li Qaawa' sa' li kutan a'in. Xb'aan naq eb' laj Ejiipt li yookex chi rilb'al anaqwan, maajun wa chik teerileb' ru.

Números 13:30

Toja' naq laj Kaleb ki'aatinak re te'xkanab' choqink chiru laj Moisés ut kixye: “Yo'qeb' ut qeechaniiq li tenamit, xb'aan naq naru taaqaq'ax ruheb'”, chan.

Números 17:6

Laj Moisés kixye a'in reheb' laj Israel ut li junjunq chi xjolomil li junq teeq kixq'axtesi li xxuq': kab'laju chi xuq' ke'xk'e sa' xk'ab'a'eb' li kab'laju chi teep. Sa' xyanqeb' li xuq' a'an wank ajwi' li xxuq' laj Aharón.

Números 20:2

Sa' li na'ajej a'an maak'a' ha' re te'ruk' li tenamit; jo'kan naq ke'ok chi xchoqinkil laj Moisés ut laj Aharón.

Josué 14:12

Jo'kan naq nintz'aama chawu naq taak'e we li tzuul a'in anaqwan, jo' yeeb'il chaq we sa' li kutan a'an. Ak nakanaw naq wankeb' aran laj Anak; wankeb' ajwi' ninqi tenamit li yo'oon wankeb' chi yalok. Wi li Qaawa' wanq wik'in, twaanilasiheb', jo' xyehom we li Qaawa'”, chan laj Kaleb.

Salmos 46:8

Qik'in wank li Qaawa', li Nimajwal Yos, li xYos laj Jakob a'an laj kolol qe.

Salmos 106:24

Ke'xtz'eqtaana li chaab'il ch'och' ut ink'a' ke'xpaab' raatin li Yos.