Números 14:43 - Q'eqchi Bible

⁴³ Xb'aan naq eb' laj Amalek ut eb' laj Kanahán wankeb' aran: te'raj yalok eerik'in ut eekamsinkil chi q'esnal ch'iich'. Laa'ex xekanab' li Qaawa', ut A'an moko wank ta chik sa' eeyanq”, chan laj Moisés reheb'.

Li Santil hu

⁴³ Cui texpletik riqꞌuineb laj Amalec ut riqꞌuineb laj Canaán texcamsi̱k xbaneb. Li Dios incꞌaꞌ textenkꞌa xban nak xekꞌet li cꞌaꞌru quixye, chan laj Moisés reheb.

Números 14:43 ပူးပေါင်းရင်းမြစ်များ

2 Crónicas 15:2

li ki'elk chi xk'ulb'al laj Asá ut kixye re: “Ab'ihomaqin, a Asá ut chejunilex laa'ex aj Judá ut aj Benjamín! Li Qaawa' taawanq eerik'in wi laa'ex wanqex rik'in. Wi nekesik' li Yos, A'an tixk'e rib' chi tawe'k; ab'anan wi' neketz'eqtaana, texxtz'eqtaana ajwi' A'an.

Números 14:25

(Eb' laj Amalek ut aj Kanahán wankeb' chiru taq'a). Tento naq wulaj texsutq'iiq ut texxik sa' li chaqich'och', sa' xb'ehil li Kaqi Palaw”, chan li Yos.

Números 13:29

Eb' laj Amalek wankeb' aran Nejeb; eb' laj Hit, laj Amor ut eb' laj Jebús wankeb' sa' li k'iche'b'aal; eb' laj Kanahán wankeb' chire li palaw ut chi junqre li nima' Jordán”, chankeb'.

Oseas 9:12

Us ta toxe'xk'iiresi junaq ralal xk'ajol, laa'in tinmaq'oq re chiruheb'. Ra chaalel sa' xb'eeneb' li poyanam a'an naq teb'inkanab' laa'in!

Isaías 63:10

A'ut eb' a'an ke'xq'etq'eti rib' chiru ut ke'xmajewa li xsantil musiq'; jo'kan naq li Qaawa' xik' chik kirileb' ut ki'ok chi yalok rik'ineb'.

1 Crónicas 28:9

Ut laa'at Salomón, at walal, chanaw ru li xYos laayuwa' ut tatk'anjelaq chiru chi chaab'il ut chi anchal aach'ool, xb'aan naq li Qaawa' nalajxtz'ili li xch'ool chixjunileb' ut ch'olch'o chiru li xk'a'uxl ut xna'leb' li junjunq. Wi laa'at taasik' li Yos, a'an tixk'ut rib' chawu; ab'an wi taatz'eqtaana, a'an tatxtz'eqtaana ajwi' laa'at chi junajwa.

Jueces 16:20

“We'keb' laj Filistea sa' aab'een, a Sansón!”, chan li ixq. Naq laj Sansón ki'ajk ru sa' xwara, kixye sa' xch'ool: “Tinkol wib' wi' chik kama' ninb'aanu rajlal, ut teb'insach”, chan. Ab'anan ink'a' naxnaw naq maak'a' chik li Qaawa' rik'in.

Deuteronomio 28:25

Li Qaawa' tixk'e naq eb' li xik' neke'ilok aawe te'xq'ax aawu: sa' jun ruq'b'e toxaak'uleb' ut sa' wuqub' chik ruq'b'e tat-eleliq chiruheb', ut laa'at xiwajelaqat chiruheb' chixjunil li awab'ejilal sa' ruuchich'och'.

Levítico 26:17

Laa'in tinjosq'o'q eerik'in ut eb' li xik' neke'ilok eere te'xq'ax eeru; te'numtaaq sa' eeb'een eb' li neke'kaqalink eere, ut tento tex'eleliq chi maajun taa'aanilasinq eere.

Números 14:42

Mextaqe'k, xb'aan naq li Qaawa' moko wank ta sa' eeyanq. Mare anchal texsache'q xb'aaneb' li xik' neke'ilok eere.

Números 14:44

Ab'anan eb' a'an ke'kawuuk xch'ool chi taqe'k chiru li tzuul. Ka'ajwi' li Loq'laj Kaax ut laj Moisés ink'a' ke'eek'ank sa' li xmuheb'aaleb'.

Josué 7:12

Jo'kan naq eb' laj Israel ink'a' te'xkuy sa' ruq'eb' li xik' neke'ilok reheb'; te'eleliq b'an chiruheb', xb'aan naq relik chi yaal xk'ulub'eb' naq te'sache'q. Wi laa'ex ink'a' teesach ru li k'aru xexok, ink'a' chik tinwanq eerik'in.

Josué 22:15

Ut naq eb' a'in ke'wulak wankeb' wi' laj Rubén, eb' laj Gad ut li xyiijachil xteepal laj Manasés, sa' li na'ajej Galahad, ke'raatinaheb' chi jo'ka'in:

Salmos 44:10

A'ut anaqwan xoohaakanab' qajunes ut xak'ut qaxutaan, ink'a' chik nokoohaawochb'eeni naq nokooxik chi yalok.