Números 14:33 - Q'eqchi Bible

³³ ut eb' leeralal eek'ajol te'xb'eeni rib' sa' li chaqich'och' chiru ka'k'aal chihab' ut te'xtoj rix leeq'etq'etil, toj reetal tex'oso'q chejunilex chi junwaakaj sa' li chaqich'och'.

Li Santil hu

³³ Eb le̱ ralal e̱cꞌajol teꞌcua̱nk saꞌ li chaki chꞌochꞌ. Chiru caꞌcꞌa̱l chihab teꞌxbeni ribeb. Teꞌxcꞌul chi joꞌcan toj ta̱cuulak xkꞌehil nak texca̱mk che̱junilex saꞌ li chaki chꞌochꞌ xban nak xekꞌetkꞌeti e̱rib.

Números 14:33 ပူးပေါင်းရင်းမြစ်များ

Ezequiel 23:35

“Jo'kan naq laa'in, li Qaawa', ninye chi jo'ka'in: Sa' xk'ab'a' naq xinaatz'eq chirix laach'ool ut xinaakanab', jo'kan naq taatoj rix laamaa'usilal ut laayib' aj b'aanuhom”.

Números 32:13

Q'axal kijosq'o'k li Qaawa' rik'ineb' laj Israel ut kixk'eheb' chi xb'eeninkil rib'eb' sa' li chaqich'och' chiru ka'k'aal chihab', toj reetal ke'oso'k chixjunileb' li ke'xb'aanu li ink'a' us chiru.

Salmos 107:40

Ab'an li Yos kik'ehok majewank sa' xb'eeneb' li xninqal ru winq ut kixyoolesiheb' chi xb'eeninkileb' rib' sa' chaqich'och' b'arwi' maak'a' li b'e.

Deuteronomio 2:14

“Chalen chaq Kadés-Barné toj re naq kooq'axonk junpak'al li nima' Séred, koob'eek waqxaqlaju xka'k'aal chihab', toj reetal ke'oso'k chixjunileb' li winq neke'yalok, jo' tz'aqal xyehom li Qaawa'.

Oseas 9:1

Misaho'k aach'ool, a Israel; matpisk'ok xb'aan xsahilal aawaanm jo'eb' li tenamit junch'ol, xb'aan naq xab'alaq'i laaYos ut q'axal chik xarahi ru li xtuminal li maakob'k sa'atqeb' li na'ajej na'isiik wi' li rix li triiw.

Salmos 107:4

Ke'xb'eeni rib' sa' li chaqich'och', sa' junesal na'ajej, chi ink'a' neke'xtaw xb'ehil junaq tenamit te'wanq wi'.

Josué 14:10

K'e reetal chanru naq li Qaawa' xk'e inyu'am jo' xyeechi'om sa' jurament. Wank oob' roxk'aal chihab' xyeeb'al a'in re laj Moisés naq toj yookeb' chaq chi b'eek sa' li chaqich'och' eb' laj Israel, ut anaqwan oob' ro'k'aal chihab'in chik.

Deuteronomio 1:3

Sa' xtiklajik li xjunlaju po, ka'k'aal chihab'aq relikeb' aran Ejiipt, laj Moisés kixye reheb' laj Israel chixjunil li k'aru chaq'rab'inb'ileb' wi' xb'aan li Qaawa'.

Números 33:38

Laj Aharón laj tij kitaqe'k sa' xb'een li tzuul Hor, jo' kiyehe'k re xb'aan li Qaawa', ut aran kikamk, akaq ka'k'aal chihab' chaq relikeb' laj Israel sa' li tenamit Ejiipt, sa' li xb'een kutan re li ro' po.

Números 5:31

Chi jo'kan li winq taakanaaq chi maak'a' xmaak, ab'an li ixq tixtoj rix li xmaak, wi xmaakob'k”.

Hechos 7:36

Ut laj Moisés kirisiheb' laj Israel rik'in b'aanunk sachb'ach'oolej ut xninqal ru eetalil sa' xteepal Ejiipt, sa' li Kaqi Palaw ut sa' li chaqich'och', chiru ka'k'aal chihab'.

Éxodo 20:5

“Maahupub' aawib' chiruheb' chi moko taaloq'oniheb' ru. Xb'aan naq laa'in li Qaawa' laaYos, laa'in jun Yos aj sowen: ninteneb' li xmaak li na'b'ej yuwa'b'ej sa' xb'eeneb' li ralal xk'ajol, sa' xb'eeneb' li ri xmam ut li xxikin i li xik' neke'ilok we;

Deuteronomio 2:7

Xb'aan naq li Qaawa' laaYos xatrosob'tesi sa' chixjunil laak'anjel; xatril chiru laab'eenik sa' li nimla chaqich'och' a'in, ut ak ka'k'aal chihab' anaqwan naq li Qaawa' laaYos wank aawik'in chi maak'a' xmajelo'k aawe.

Deuteronomio 8:2

“Wanq sa' laach'ool chixjunil li b'e kixk'e chab'eeni li Qaawa' laaYos chiru li ka'k'aal chihab' a'in sa' li chaqich'och' re xkub'sinkil aawankil, re xyalb'al aawix ut xnawb'al k'aru wank sa' laach'ool: ma taapaab' li xchaq'rab' malaj ut ink'a'.

Deuteronomio 8:4

Ink'a' xq'eelo' laawaq' chawix chi moko xsipoje'k laawoq chiruheb' li ka'k'aal chihab' a'an.

Deuteronomio 29:5

Chiru ka'k'aal chihab' kexink'e chi b'eek sa' li chaqich'och', toj maji' na'oso'k leetiqib'ankil wan chaq cherix ut toj maji' ajwi' na'oso'k leeperxaab' cheroq.

Josué 5:6

Chiru ka'k'aal chihab' ke'b'eek eb' laj Israel sa' li chaqich'och' toj reetal ke'kamk chixjunileb' li winq elenaqeb' chaq Ejiipt ut kaweb' rib' chi yalok. Ink'a' ke'ab'ink chiru li Qaawa' ut A'an kixye reheb' sa' jurament naq ink'a' te'ril li ch'och' k'ajo' xq'emal, yeechi'inb'il reheb' li xna' xyuwa'eb'.

Salmos 78:33

Jo'kan naq li Yos kirisi li xyu'ameb' rik'in yal jun apusink, kixraq li xkutaneb' rik'in raxkamk.