Números 14:3 - Q'eqchi Bible

³ K'a'ut naq li Qaawa' xooxk'am chaq sa' li na'ajej a'in? Ma yal re naq tookamq chiru q'esnal ch'iich'? Ma yal re naq eb' li qixqilal ut eb' li qalal qak'ajol te'k'anjelaq chiruheb' li xik' neke'ilok qe? Ma ink'a' raj us naq toosutq'iiq wi' chik Ejiipt?”, chankeb'.

Li Santil hu

³ ¿Cꞌaꞌut nak xoxcꞌam chak li Ka̱cuaꞌ saꞌ li naꞌajej aꞌin yal re nak tocamsi̱k? Ut, ¿cꞌaꞌut nak tixcanabeb chi chapecꞌ li kixakil ut eb li kacocꞌal? ¿Ma incꞌaꞌ raj us nak tosukꞌi̱k cuiꞌchic Egipto? chanqueb.

Números 14:3 ပူးပေါင်းရင်းမြစ်များ

Jeremías 9:3

yo'oon wankeb' chi yehok tik'ti', ut chanchan xq'esnal li simaj li ru'uj raq'eb'. Li tik'ti' nanumtaak sa' li tenamit a'in ut li yaal maak'a' na'ok wi'. Moko te'xtaw ta chik xna'leb'eb' ut ink'a' neke'xnaw ru li Qaawa'.

Salmos 78:40

K'ajo' naq ke'xq'etq'eti rib' sa' li chaqich'och', q'axal ke'xpo' xch'ool sa' li junesal na'ajej a'an.

Hechos 7:39

“A'ut eb' li qana' qayuwa' ink'a' ke'raj xpaab'ankil, ke'xtz'eqtaana b'an ut ke'xsutq'isi li xch'ooleb' re xik Ejiipt,

Éxodo 5:21

ut ke'xye reheb': “Li Qaawa' taxaq chik'ehoq reetal li k'aru xeb'aanu ut chiraqoq aatin sa' eeb'een. Eemaak laa'ex naq laj Parahón ut eb' laj k'anjel chiru yookeb' xjosq'il sa' qab'een. Tz'aqal laa'ex xexk'ehok jun ch'iich' sa' ruq'eb' re naq toohe'xkamsi”.

Éxodo 16:3

ke'xye reheb': “Us raj xqak'ul li kamk sa' ruq' li Qaawa' aran Ejiipt, naq nokook'ojlaak chi xk'atqeb' ruk'alil li tib' ut nokoowa'ak toj reetal nak'ojlaak li qach'ool! Ab'an laa'ex xooheek'am chaq sa' li chaqich'och' a'in, re naq tookamq chiqajunilo xb'aan li nimla we'ej”.

Números 16:13

Ma ink'a' tz'aqal cho'q aawe rik'in naq xoohaawisi chaq sa' li xq'emal ch'och' re naq tookamq sa' li chaqich'och'? Ma toj taawaj taqlank sa' qab'een?

Números 20:3

Eb' li tenamit ke'xchoqi laj Moisés ut ke'xye re: “Q'axal us raj naq kookamk chaq, jo' naq ke'kamk chiru li Qaawa' eb' li qakomon.

Números 21:5

ut ke'ok chi xwech'b'al rix li Qaawa' ut laj Moisés; ke'xye: “K'a'ut naq koohaawisi chaq Ejiipt yal re tookamq sa' li chaqich'och'? Arin maak'a' qawa quk'a' ut xootitz'k rik'in li tzekemq a'in maak'a' xsahil”, chankeb'.

Deuteronomio 1:39

Ab'an leekok'al li kek'oxla laa'ex naq te'sache'q ru, a'eb' leeralal eek'ajol li toj maji' neke'xnaw li us ut li ink'a' us, a'an yaal naq te'ok aran. A'aneb' li tinq'axtesi wi' li na'ajej, ut a'aneb' te'eechaninq re.

Números 11:20

jun po b'an textzekanq tib', toj reetal taa'elq sa' eeru'uj ut teexawa eerib', xb'aan naq xetz'eqtaana li Qaawa' li wank sa' eeyanq ut xexq'oqonk chiru rik'in xyeeb'al: «K'a'ut naq koo'elk chaq Ejiipt?»”.

Nehemías 9:17

Ink'a' ke'raj paab'ank chi moko xjultikankil eb' li sachb'ach'oolej kab'aanu sa' xyanqeb'; ke'xkawub'resi b'an xch'ooleb' ut ke'xxaqab' jun aj k'amol b'e re te'sutq'iiq wi' chik Ejiipt sa' li munil. Ab'anan laa'at li Yos aj kuyul maak, chaab'il laach'ool ut aj uxtaanat; ink'a' nakatjosq'o'k sa' junpaat ut k'ajo' laarahom. Ink'a' kakanab'eb' xjunes.

Jeremías 42:14

rik'in xyeeb'al: «Jwal us tooxik Ejiipt, b'arwi' ink'a' chik tqil li raaxiik' chi moko tqab'i xyaab'eb' li pur, chi moko tookamq xb'aan li we'ej»,

Jeremías 42:19

Laa'ex li toj wankex Judá, li Qaawa' naxye eere naq mexxik Ejiipt. K'ehomaq reetal, laa'in yookin chi xyeeb'al xyaalal eere anaqwan.