Números 14:19 - Q'eqchi Bible

¹⁹ Jo'kan utan chakuy xmaakeb' li tenamit a'in jo' chanru xnimal xchaab'ilal laach'ool, jo' xakuy xmaakeb' chalen xe'elk chaq Ejiipt, toj xook'ulunk arin”, chan laj Moisés.

Li Santil hu

¹⁹ Xban xnimal la̱ cuuxta̱n chacuy taxak xma̱queb li tenamit aꞌin joꞌ nak xacuy xma̱queb chalen nak xeꞌel chak Egipto toj chalen anakcuan, chan laj Moisés.

Números 14:19 ပူးပေါင်းရင်းမြစ်များ

Éxodo 34:9

“At Qaawa', at inYos, wi relik chi yaal naq usilal xintaw chawu, chalqat qik'in, us ta laa'o jun tenamit kaw qajolom -chan laj Moisés-. Chakuy chasach li qamaak ut li qamaa'usilal, ut choohaak'ul cho'q tz'aqal aaweechanihom”.

Salmos 78:38

A'ut li Yos junelik naxtoq'ob'a ruheb': kixkuyeb' xmaak ut ink'a' kixsacheb', k'iila sut kixkuy rib' ut ink'a' kipo'k sa' xb'eeneb'.

Salmos 106:45

Kijultiko'k re li Sumwank kixk'ojob' rik'ineb', ut kixtoq'ob'a ruheb' jo' chanru li xnimal xrahom.

Éxodo 32:32

Ab'anan, us raj taakuyeb' xmaak. Wi ut ink'a', sach ink'ab'a' sa' li hu tz'iib'anb'il aab'aan”.

Santiago 5:15

Ut wi te'tijoq chi anchaleb' xpaab'aal, taakole'q li yaj; li Qaawa' taawaklesinq re. Ut wi wank xmaak, taakuymanq taasachmanq ajwi' li xmaak.

Miqueas 7:18

Maajun chik junaq Yos jo' laa'at, at Qaawa', xb'aan naq laa'at nakakuy nakasach li xmaakeb' li rela' laatenamit. Laa'at ink'a' nakatjosq'o'k chi junajwa, xb'aan naq nakara li uxtaanank.

Jonás 4:2

Jo'kan naq kitijok chiru li Yos: “At Qaawa', a'in tz'aqal li xink'oxla, naq toj wankin chaq sa' lintenamit. Jo'kan naq xwaj elelik chi junpaat toj Tarsis, xb'aan naq ninnaw naq laa'at jun Yos q'axal tuulanat, aj uxtaanat, nim aakuyum ut jwal chaab'ilat. Junelik kawal wankat chi xjalb'al laak'a'uxl ut ink'a' nakataqla li rahilal li xak'oxla xb'aanunkil.

Jonás 3:10

Naq li Yos kiril li yookeb' chi xb'aanunkil eb' li tenamit, naq yookatqeb' chi xkanab'ankil li xmaa'usilaleb', kixjal li xk'a'uxl ut ink'a' chik kixk'eheb' sa' tojb'amaak, jo' chanru kixye reheb' xb'enwa.

Daniel 9:19

At Qaawa', choohaawab'i taxaq! At qaYos, chakuy qamaak ut chawil xtoq'ob'aal qu! At inYos, chak'e reetal ut matb'ayk chaq chi qatenq'ankil sa' xk'ab'a' laaloq'al, xb'aan naq q'axtesinb'ileb' aawe Jerusalén ut laatenamit».

Isaías 55:7

Li ink'a' us xch'ool xkanab'aq xb'aanunkil li maa'usilal, ut li yib'ru xna'leb' mixk'oxla chik li ink'a' us. Sutq'iiq chaq rik'in li Qaawa' ut A'an taaruxtaana ru, sutq'iiq chaq rik'in li qaYos li jwal chaab'il chi kuyuk maak.

1 Reyes 8:34

chawab'iheb' toj sa' choxa; chakuy xmaakeb' laatenamit ut chasutq'isiheb' chaq laj Israel sa' li xch'och'eb' aak'ehom reheb' li xna' xyuwa'eb'.

Éxodo 33:17

Kichaq'ok li Qaawa' ut kixye re laj Moisés: “Tinb'aanu ajwi' a'in li toja' xapatz' we, xb'aan naq usilal xataw chiwu ut k'ojk'o linch'ool chawix”.

Números 23:21

Maak'a' maa'usilal nawil rik'in laj Jakob, maak'a' li ch'a'ajkilal xintaw rik'in laj Israel. Li Qaawa' a'an li xYos laj Israel, ut junelik wank rik'ineb'. Sa' xyanqeb' a'an na'ab'imank naq xaqxo xwankil jun li awab'ej.

Salmos 85:2

At Qaawa', k'ajo' laachaab'ilal rik'in laana'aj! Xak'e wi' chik xkawub' xch'ool laj Jakob.

Habacuc 3:2

At Qaawa', xwab'i laawesil nayeemank, ut xwil xnimal laak'anjel xlajaab'aanu: k'ajo' naq ninloq'oni aawu! At Qaawa', b'aanu wi' chik sa' qayanq, k'e chi nawe'k laab'aanuhom anaqwan. Us ta yo aajosq'il sa' qab'een, jultikaq aawe laanimal aawuxtaan.

Amós 7:2

Ut naq eb' laj saak' ak xe'raqe'k chi xsachb'al li raxpim, kinye: “At Qaawa' Yos, b'aanu usilal, chakuy qamaak. Chanru naq tqakuy? Xb'aan naq moko k'iho ta laa'o”.

Amós 7:5

Ut laa'in kinye: “At Qaawa', chakuy inmaak, kanab' xb'aanunkil a'an. Chanru naq tixkuy a'an laj Jakob, laatenamit li jwal kach'in?”.