Números 14:14 - Q'eqchi Bible

¹⁴ Ut ke'xseeraq'i reheb' li wankeb' Kanahán. At Qaawa', ak neke'xnaw naq laa'at wankat sa' qayanq ut nakak'ut aawib' chiqu. Neke'xnaw naq laa'at, at Qaawa', wankat junelik sa' xb'een li tenamit a'in sa' laachoql; k'amolb'ehat chiruheb' chi kutan sa' li choql, ut chiru li q'oqyink, sa' li xam.

Li Santil hu

¹⁴ Ut teꞌxye resil reheb li cuanqueb Canaán. Eb aꞌan ac xeꞌrabi a̱cuesil. Ac nequeꞌxnau nak cuancat kiqꞌuin ut xcuil a̱cuu. Nequeꞌxnau nak la̱at catcꞌamoc be chiku riqꞌuin li chok chi cutan ut riqꞌuin li xam chiru kꞌojyi̱n.

Números 14:14 ပူးပေါင်းရင်းမြစ်များ

Éxodo 15:14

Ke'rab'i a'an eb' li tenamit ut ke'xsiksiki rib'; chanchan xrahil alank kichalk sa' xb'eeneb' laj Filistea.

Deuteronomio 5:4

Li Qaawa' kexraatina chi xnaq' eeru chiru li tzuul, sa' xyi li xam.

Éxodo 33:11

Li Qaawa' na'aatinak tz'aqal chiru laj Moisés jo' na'aatinak junaq winq rik'in li ramiiw. Chirix chik a'an laj Moisés nasutq'iik sa' rochocheb' laj Israel; ab'an laj tenq' re, a' li xsaaj alal laj Nun, aj Josué xk'ab'a', toj nakanaak sa' li Muheb'aal.

San Juan 1:18

Li Yos maajun sut ki'ile'k ru xb'aan anihaq: li K'ajolb'ej jun chirib'il li kisutq'iik rik'in li Yuwa'b'ej, a'an kolk'utb'esinq re chiqu.

Salmos 78:14

Kixk'ameb' xb'e rik'in li choql chi kutan, ut rajlal q'oqyink a' chik li xam kib'eresink reheb'.

Nehemías 9:19

ab'anan laa'at, xb'aan xnimal laawusilal, ink'a' kakanab'eb' xjunes sa' li chaqi ch'och'; ink'a' ke'kanab'aak xb'aan li jun keel chi choql re xk'amb'al xb'eheb' chi kutan, chi moko ke'kanab'aak chi q'eq xb'aan li xam re xkutanob'resinkil chiruheb' li b'e b'arwi' te'xik.

Nehemías 9:12

Kak'ameb' xb'e chi kutan rik'in jun keel chi choql, ut chi q'eq rik'in jun keel chi xam, re xk'utb'al li b'e tento te'nume'q wi'.

Josué 5:1

Chixjunileb' li awab'ej re Amor li wankeb' junpak'al li nima' Jordán, sa' rokeb'l saq'e, ut chixjunileb' li awab'ej re Kanahán li wankeb' sa' xjayal li palaw ke'rab'i resil naq li Qaawa' kixchaqihob'resi li nima' Jordán re naq eb' laj Israel te'nume'q junpak'al. K'ajo' naq ke'ok xxiw ut ke'ch'inank xch'ool chiruheb' laj Israel.

Números 12:8

Rik'in a'an nin'aatinak chi naqaka'ya qib', chi ch'olch'o ru ut ink'a' sa' jaljookil ru aatin. Ut wi a'an naril wu, k'a'ut naq nekewech' rix?”.

Números 10:34

Ut chi kutan li xchoql li Qaawa' rochb'eeneb' chalen naq ke'elk sa' li xna'ajeb'.

Éxodo 40:38

Xb'aan naq chi kutan nahilank li xchoql li Qaawa' sa' xb'een li Loq'laj Muheb'aal, ut chi q'eq xam chik nak'utunk chiruheb' chixjunil li ralal xk'ajol laj Israel. Jo'ka'in kik'ulmank chiru chixjunil li xb'eenikeb' laj Israel.

Génesis 32:30

Laj Jakob kixk'e cho'q xk'ab'a' li na'ajej a'an Penuel, xb'aan naq kixye: “Xwil ru li Yos ut xkole'k linyu'am”.

1 Corintios 13:12

Anaqwan nokoo'ilok yal jo' sa' junaq lem moymoy ru, ab'anan sa' jun kutan toxqaka'ya li Yos jo' tz'aqal chanru na'ilok. Anaqwan kach'in ajwi' ninnaw, ab'anan sa' jun kutan toxinnaw ru, kama' naq li Yos naxnaw wu.

San Juan 14:9

Kixye li Jesus re: —Ak junxil nin'ok sa' eeyanq, a Felipe. Ma toj maji' nakanaw wu? Li x'ilok wu, xril ru li Yuwa'b'ej. K'a' put naq nakaye laa'at: «K'ut chiqu li Yuwa'b'ej»?

Salmos 105:39

Li Qaawa' kixhel jun li choql chi xmuheleb', ut rik'in jun li xam kixkutanob'resiheb' chiru q'oqyink.

Deuteronomio 34:10

Ab'anan arin Israel maajun chik propeet kiwakliik chaq jo' laj Moisés: li Qaawa' ut laj Moisés neke'xka'ya rib' naq neke'aatinak.

1 Juan 3:2

Ex inrahom, ralal xk'ajolo li Yos anaqwan, ut maji' nak'utunk chankaq ta qu. Naqanaw chi us naq, jo'q'e taak'utunq a'an, chanchanaqo ajwi' li Yos, xb'aan naq toxqil ru A'an chi tz'aqal re ru.

Éxodo 33:16

Xb'aan naq k'aru taanawmanq wi' naq usilal xintaw chawu wochb'een lintenamit? Ma ink'a' tab'i' rik'in naq laa'at nakoohaawochb'eeni? A'an reetalil naq sik'b'il qu aab'aan, chiruheb' chixjunil li tenamit junsut junrub'el choxa”.

Deuteronomio 1:19

“Naq koo'elk Horeb, kiqab'eeni chixjunil li nimla ut xiwajel na'ajej eerilom, a' li wank sa' xb'ehil li xteepaleb' laj Amor, jo' kooxtaqla wi' li Qaawa' li qaYos, ut koowulak Kadés-Barné.

Deuteronomio 5:24

ut keye we: «K'e reetal, li Qaawa' li qaYos xk'ut chiqu li xloq'al ut li xnimal xwankil ut xqab'i xyaab' li xkux sa' li xam. Sa' li kutan a'in xqil naq li Yos truuq traatina li winq ut a'in toj tyo'yooq.