Números 13:26 - Q'eqchi Bible

²⁶ ut kole'xk'ut rib' chiruheb' laj Moisés, laj Aharón ut chixjunil li xkomonileb' laj Israel aran Kadés, sa' li chaqich'och' re Parán. Ke'xseeraq'i reheb' chi tustu ru chixjunil li k'a'aq re ru koxe'ril chaq sa' li na'ajej, ut ke'xk'ut ru li awimq ke'xk'am chaq.

Li Santil hu

²⁶ Queꞌcuulac saꞌ li chaki chꞌochꞌ Parán li cuan cuiꞌ li tenamit Cades. Aran cuanqueb laj Moisés, laj Aarón ut chixjunileb laj Israel. Ut queꞌxserakꞌi reheb chixjunil li queꞌril chak saꞌ li naꞌajej. Ut queꞌxcꞌut chiruheb li ru li quiꞌil kꞌe̱n li queꞌxcꞌam chak.

Números 13:26 ပူးပေါင်းရင်းမြစ်များ

Números 32:8

Jo'kan ajwi' ke'xb'aanu leexe'toonil yuwa' naq kintaqlaheb' chaq chi rilb'al li na'ajej chalen chaq toj Kadés-Barné:

Números 20:1

Chixjunil li xkomonileb' laj Israel ke'wulak sa' li chaqich'och' re Sin sa' li xb'een po, ut ke'kanaak sa' li tenamit Kadés. Aran kikamk lix María ut aran ajwi' kimuqe'k.

Deuteronomio 1:19

“Naq koo'elk Horeb, kiqab'eeni chixjunil li nimla ut xiwajel na'ajej eerilom, a' li wank sa' xb'ehil li xteepaleb' laj Amor, jo' kooxtaqla wi' li Qaawa' li qaYos, ut koowulak Kadés-Barné.

Números 33:36

Ke'elk Esión-Kéber at koxe'hilanq sa' li chaqich'och' re Sin, malaj Kadés.

Números 20:16

Toja' naq laa'o kootz'aamank koo'elajink chiru li Qaawa' ut A'an kirab'i li xyaab' qakux: kixtaqla jun li x'ánjel qik'in ut koorisi chaq Ejiipt. Anaqwan wanko arin Kadés, li wank chi xnub'ajlil laana'aj.

Josué 14:6

Naq eb' li ralal xk'ajol laj Judá ke'jilok chi xk'atq laj Josué aran Kilkal, laj Kaleb, ralal laj Jefuné aj Kenís, kixye re: “Ak nakanaw li xyehom li Qaawa' re laj Moisés, laj k'anjel chiru li Yos, naq ki'aatinak chawix laa'at ut chiwix laa'in aran Kadés-Barné.

Génesis 14:7

Chirix chik a'an ke'sutq'iik chaq ut ke'wulak toj En-Mispat, Kadés ajwi' nayeemank re, ut ke'xchap chixjunil li xna'ajeb' laj Amalek, jo'ajwi' li xna'ajeb' laj Amor li wankeb' sa' li tenamit Hasesón-Tamar.

Números 13:25

Ka'k'aal kutan chik xtiklajik rilb'al li ch'och' a'an, naq ke'sutq'iik chaq eb' li winq

Números 20:14

Naq wankeb' Kadés, laj Moisés kixtaqlaheb' aj yehol esil rik'in li awab'ej re Edom; ke'xye re: “Jo'ka'in xe'xye chaq eb' laj Israel aawiitz'ineb': «Laa'at nakanaw chi us li rahilal qak'ulum chaq.

Deuteronomio 1:2

Chalen chaq Horeb toj Kadés-Barné, nab'eeniik chiru junlaju kutan sa' xb'ehil li tzuul Seír.

Salmos 29:8

li xyaab' xkux li Qaawa' naxchiq'chiq'i li chaqich'och', li Qaawa' naxchiq'chiq'i li chaqich'och' wank Kadés.

Números 13:3

Laj Moisés kixtaqlaheb' jo' chanru yeeb'il re xb'aan li Qaawa': kixtaqlaheb' li wankeb' xwankil sa' xyanqeb' laj Israel. Kixchaq'rab'iheb' naq toj wankeb' chaq sa' li chaqich'och' re Parán.

Números 32:9

koheb' toj sa' xtaq'ahil Eskol, ke'ril chaq li ch'och' ut ink'a' ke'raj naq eb' laj Israel ke'ok sa' li ch'och' xk'ehom li Qaawa' reheb'.

Josué 14:7

Ka'k'aal chihab' wank we naq laj Moisés, laj k'anjel chiru li Qaawa', kinxtaqla chaq Kadés-Barné chi rilb'al li ch'och' a'in. Ut naq kinsutq'iik, kinch'olob' chiru li k'aru wilom chaq, kinye resil chi tz'aqal re ru.