Números 13:17 - Q'eqchi Bible

¹⁷ Laj Moisés kixtaqlaheb' chi rilb'al li tenamit Kanahán, ut kixye reheb': “Taqenqex chiru Nejeb ut moqon chik toxex'okaq sa'eb' li k'iche'b'aal.

Li Santil hu

¹⁷ Nak quixtaklaheb li cui̱nk laj Moisés chixqꞌuebal retal chanru li naꞌajej Canaán, quixye reheb: —Ayukex saꞌ li naꞌajej Neguev ut texnumekꞌ saꞌ li naꞌajej li tzu̱l ru.

Números 13:17 ပူးပေါင်းရင်းမြစ်များ

Jueces 1:9

Chirix chik a'an eb' laj Judá koheb' chi yalok rik'ineb' laj Kanahán li wankeb' chiru li Tzuul, sa' xteepal Nejeb ut sa' li Ru Taq'a.

Génesis 12:9

Chirix chik a'an laj Abrán koho, naxjalihatq li xna'aj chi kok'aq xsa' toj kiwulak Nejeb.

Jueces 1:19

Ab'anan us ta li Qaawa' wank rik'ineb' laj Judá li ke'eechanink re li tzuul, ink'a' ke'ruuk risinkileb' li wankeb' sa' li taq'a ru, xb'aan naq eb' a'in wankeb' xb'eleb'aal ch'iich'.

Jueces 1:15

“K'e junaq inmaatan -chan lix Aksá-. Nintz'aama usilal chawu: jo' naq xak'e we li ch'och' li wank sa' xteepal Nejeb, jo'kan ajwi' taak'e inyo'leb'aal ha'”. Ut laj Kaleb kixk'e re eb' li xyo'leb'aal ha' li wankeb' taqe'q ut taq'a.

Josué 15:3

chirix a'an naxik sa' li Taqsink reheb' laj Xook', nanume'k toj Sin ut naxik sa' xjayal rokeb'l iq' re Kadés-Barné; nanume'k Jesrón, nataqe'k toj Adar ut nasutq'iik wi' chik Karká;

Génesis 13:1

Laj Abrán ki'elk chaq Ejiipt rochb'een li rixaqil, rochb'een laj Lot ut chixjunil li xjunkab'al, ut kitaqe'k toj Nejeb.

Deuteronomio 1:44

Chi jo'kan eb' laj Amor, li wankeb' sa' li na'ajej a'an, ke'elk chaq chek'ulb'al, kexraanilasiheb' jo' raj ajwi' ke'xb'aanu li saqk'aw, ut ke'numtaak sa' eeb'een aran Seír toj Jormá.

Números 14:40

Toj eq'la chi us ke'wakliik ut ke'taqe'k toj sa' ru'uj li tzuul; ke'xye: “Wanko arin. Taqe'qo sa' li na'ajej xyeechi'om qe li Qaawa', xb'aan naq xoomaakob'k”, chankeb'.

Números 13:29

Eb' laj Amalek wankeb' aran Nejeb; eb' laj Hit, laj Amor ut eb' laj Jebús wankeb' sa' li k'iche'b'aal; eb' laj Kanahán wankeb' chire li palaw ut chi junqre li nima' Jordán”, chankeb'.

Génesis 14:10

Li xtaq'ahil Sidim nujenaq chi xjulel li b'etuun; ut naq yookeb' chi elelik li awab'ej re Sodoom ut laj Gomoor, ke't'ane'k aran, ut eb' li rochb'een ke'elelik sa'atqeb' li tzuul.

Génesis 13:3

Ki'elk chaq Nejeb ut chi kok' hiil kiwulak Betel, toj sa' li na'ajej kiwank wi' xb'enwa sa' xyanq Betel rik'in Ay,

Génesis 13:17

Xaqlin, suti li ch'och' jo' najtil li roq ut jo' xnimal li ru, xb'aan naq aawe tink'e”, chan li Qaawa'.

Números 13:18

K'ehomaq reetal chi us li tenamit ut aniheb' li wankeb' aran, ma kaweb' rib' malaj ink'a', ma k'iheb' malaj ink'a',

Josué 2:1

Laj Josué, ralal laj Nun, toj Sitín kixtaqla chaq chi muqmu wiib' laj k'ehol eetal, ut kixye reheb': “Ayuqex ut k'ehomaq reetal li na'ajej ut li tenamit Jerikó”, chan. Eb' a'an koheb' ut koxe'okaq sa' rochoch jun aj yumb'eet, xRajab xk'ab'a', ut aran ke'wark.

Josué 10:40

Jo'ka'in naq laj Josué kireechani chixjunil li na'ajej: eb' li tzuul, Nejeb, eb' li ru taq'a ut li na'ajej wank chi xk'atq. Kixq'ax ruheb' chixjunil li awab'ej, kixsacheb' ru chixjunil li wankeb' xyu'am aran ut maajun chik kikanaak chi yo'yo, kama' yeeb'il reheb' xb'aan li Qaawa', xYos laj Israel.