Números 12:6 - Q'eqchi Bible

⁶ “Ab'ihomaq li tinye eere -chan li Yos-. Wi wank sa' eeyanq junaq propeet, laa'in tink'ut wib' chiru sa' nab'uuch, ut tin'aatinaq rik'in sa' xmatk'.

Li Santil hu

⁶ Ut li Ka̱cuaꞌ quixye reheb: —Anakcuan cherabihak li cꞌaꞌru tinye e̱re. Nak ta̱cua̱nk junak profeta e̱riqꞌuin la̱in tincꞌutbesi cuib chiru saꞌ visión ut saꞌ xmatcꞌ tina̱tinak riqꞌuin.

Números 12:6 ပူးပေါင်းရင်းမြစ်များ

1 Reyes 3:5

Ut aran Gabahón li Qaawa' kixk'ut rib' chiru laj Salomón sa' xmatk' chiru q'oqyink, ut kixye re: “Tz'aama chiwu li k'aru taawaj ut laa'in tink'e aawe”.

Génesis 46:2

Sa' ajwi' li q'oqyink a'an li Yos kixk'ut rib' chiru laj Israel sa' moy u ut kixye re: “Jakob, Jakob”, chan re. Kichaq'ok a'an: “We'kin”, chan.

San Lucas 1:22

Ut naq ki'elk chaq, ink'a' chik naruhank chi raatinankileb', ut aran ke'xtaw ru naq x'ilok chaq moy u sa' rochoch li Yos; yal ruq' aj chik naxk'ut chiruheb', xb'aan naq mem kikanaak.

San Lucas 1:11

Toja' naq kixk'ut rib' li x'ánjel li Qaawa' chiru, xaqxo chi xk'atq x'artalil li pom, sa' xnim.

Daniel 10:8

Injunes kinkanaak chi rilb'al li moy u; kinlub'k naq kiweek'a, kinsaqkirino'k ut kinkanaak chi maak'a' chik inmetz'ew.

Ezequiel 1:1

Ak oob' kutan xtiklajik li xka po re li lajeeb' xka'k'aal chihab', naq wankin chaq chire li nima' Kebar, sa' xyanqeb' li ke'k'ame'k aran Babilonia, kitehonk li choxa chiwu ut kiwil ru li Yos sa' moy u.

Hechos 10:11

Kiril li choxa teeto ut chanchan jun nimla t'ikr b'ak'b'o sa' xkaaxukuutil, yo chaq chi kub'eek sa' ch'och'.

San Mateo 1:20

Ut naq ak k'uub'k'u sa' xch'ool xb'aanunkil a'in, li x'ánjel li Qaawa' kixk'ut rib' chiru sa' xmatk' ut kixye: “José, ralalat laj David, matk'oxlak chi xk'amb'al lix María cho'q aawixaqil, xb'aan naq li siyajenaq rik'in a'an re li Santil Musiq'ej.

Daniel 8:2

Kinmatk'e naq wankin aran Susa, li xnimal tenamit sa' xteepal Elam, chire li nima' Ulay.

San Mateo 2:19

Naq kikamk laj Herodes, li x'ánjel li Qaawa' kixk'ut rib' chiru laj José sa' xmatk' aran Ejiipt

Daniel 7:1

Sa' li xb'een xchihab' chi awab'ejink laj Baltasar sa' xb'eeneb' laj Babilonia, kiwank jun xmatk' laj Daniel naq yo chi wark. Ut sa' junpaat, naq ki'ajk ru, kixtz'iib'a li k'aru kik'utb'esiik chiru.

Jeremías 23:28

Wi junaq propeet xmatk'ek, xyehaq naq a'an jun matk'; ab'an li ani xk'ulum li waatin, xyehaq chi tz'aqal re ru. Ink'a' naru xjuntaq'eetankil li roq li triiw rik'in li ru. Li waatin a'an chanchan li xam, kama' li tenleb' li naxk'aji li pek -chan li Qaawa'-.

Salmos 105:15

“Meech'e' li sik'b'ileb' ru inb'aan, mik'a' eeb'aanu reheb' linpropeet”, chan.

Salmos 89:19

Tz'aqal yaal naq li Qaawa' a'an laj Tenq'ahom qe, li xSant laj Israel a'an li qaRey.

Li xHu LAJ JOB 33:15

Wan naq na'aatinak sa' li matk'ek, malaj sa' moy u chiru q'oqyink, naq nokookamk chi wark sa' li qach'aat.

Li xHu LAJ JOB 4:13

Naq chixjunileb' yookeb' chi wark chiru q'oqyink, sa' moy u,

Éxodo 7:1

Toja' naq li Qaawa' kixye re laj Moisés: “K'e reetal, xatinxaqab' cho'q wuuchil chiru laj Parahón. Ut laj Aharón laawas taa'aatinaq sa' aak'ab'a'.

Génesis 20:7

Anaqwan q'ajsi li ixq re li xb'eelom, xb'aan naq a'an propeet ut taatijoq chawix re naq toj tatyo'yooq. Ab'an, wi ink'a' taaq'ajsi, chanaw naq relik chi yaal tatkamq laa'at jo' ajwi' li wankeb' sa' laawochoch”, chan li Yos.

Génesis 15:1

Naq ak xk'ulmank chixjunil a'in, ki'aatinaak laj Abrán xb'aan li Qaawa' sa' moy u chi jo'ka'in: “Matxiwak, Abrán: laa'in laj kolol aawe. Q'axal nimaq laaq'ajkamunkil”, chan li Yos.

Apocalipsis 11:10

Toja' naq eb' li wankeb' sa' ruuchich'och' te'ninq'ehiq sa' xk'ab'a'eb' a'an, te'saho'q xch'ool ut te'sihinq chirib'ileb' rib' xb'aan naq eb' li wiib' chi propeet a'in ke'xrahob'tesiheb' li wankatqeb' sa' ruuchich'och'.

Apocalipsis 11:3

Ut laa'in tinb'aanu naq eb' linwiib' chi testiiw tiqtooqeb' rik'in saak, te'aatinaq jo' propeet chiru oxk'aal xka o'q'ob' (1,260) kutan”.

Efesios 4:11

Ut A'an wan ajwi' kixxaqab'eb' cho'q apóstol; wankeb' cho'q propeet; wankeb' cho'q aj puktesinel li Chaab'il Esilal; wankeb' chik cho'q aj k'aak'alenel ut aj tzolonel.

Hechos 10:17

Toj yo laj Pedro chi xk'oxlankil xjunes k'aru xyaalal li xk'utb'esiik chiru, naq ke'wulak eb' li winq ke'taqlaak chaq xb'aan laj Kornelio. Eb' a'an xb'enwa ke'xpatz'i b'ar wank rochoch laj Simón ut, naq kole'elq chire kab'l,

San Lucas 20:6

Ab'an wi tqaye naq reheb' li winq, chixjunil li tenamit toohe'xteni chi pek, xb'aan naq ch'olch'o chiruheb' naq laj Jwan a'an propeet”.

San Mateo 23:37

“At Jerusalén, Jerusalén, li nakakamsiheb' li propeet ut nakakuteb' chi pek li taqlanb'ileb' chaq aawik'in! K'ajo' naq xwaj raj xch'utub'ankileb' laawalal aak'ajol, kama' junaq kaxlan naxkupuheb' li ral rub'el li xxik', ut ink'a' xeraj!

San Mateo 23:34

Jo'kan utan laa'in tintaqlaheb' li propeet eerik'in, eb' laj k'ehol na'leb' ut eb' laj tz'iib': wan teekamsiheb' ut teek'eheb' chiru krus, wankeb' chik teerapeb' chi tz'uum sa'atqeb' leech'utleb'aal kab'l ut teesik'eb' sa' junjunq chi tenamit re xchapb'aleb',

San Mateo 23:31

Chi jo'kan nekejit eerib' ut nekeye naq laa'ex ralal xk'ajolex li xe'kamsink reheb' li propeet.

San Mateo 27:19

Ut naq k'ojk'o laj Pilato sa' li raqleb'aal aatin, li rixaqil kixtaqla xyeeb'al re: “Mik'a' aab'aanu re li tiikil winq a'an, xb'aan naq q'axal ra xinmatk'e ma'laq xb'aan a'an”.

Hebreos 1:1

Najter q'e kutan, k'iila wa ut yalaq chanru li Yos kiraatinaheb' li qana' qayuwa' chi xtz'uumal reheb' li propeet.

Génesis 28:12

Ut kimatk'ek. Kiril sa' xmatk' jun taqleb'aal xaqxo sa' ch'och': li xmaril nawulak toj sa' choxa ut eb' li x'ánjel li Qaawa' neke'taqe'k neke'kub'eek chiru a'an.

Números 24:4

Raatin li ani narab'i li naxye li Qaawa', ut naril li xk'utb'esihom li Nimajwal; raatin li ani nak'uluk choxahil na'leb', ut sa' moy u nateemank xsa'eb' li ru.

1 Samuel 3:15

Laj Samuel kikanaak sa' xwarib' toj kisaqewk; chirix chik a'an kixteheb' li rokeb'aal li rochoch li Yos, ab'anan yo xxiw chi xseeraq'inkil li moy u re laj Elí.

1 Samuel 28:6

Kipatz'ok rik'in li Qaawa', ab'an ink'a' kisumeek xb'aan a'an, chi moko sa' xmatk', chi moko chi b'uulinb'il, chi moko rik'in propeet.

1 Reyes 3:15

Naq ki'ajk ru laj Salomón, kixk'e reetal naq a'an yal jun matk'! Toja' naq kiwakliik ut koho Jerusalén. Koxxaqab' rib' chiru li xLoq'laj Kaaxil li xSumwank li Qaawa', kixyeechi'i xk'atb'il mayej ut kimayejak ajwi' chirix li k'amok ib' sa' usilal rik'in li Yos; chirix chik a'an kixk'uub' jun ninq'e cho'q reheb' chixjunileb' laj k'anjel chiru.

Jeremías 23:25

“Ak wab'ihom li xtik'ti'eb' li propeet a'an aj b'alaq'. Neke'tik'ti'ik ut neke'xye naq neke'aatinak wik'in sa' xmatk'eb'.

Daniel 2:19

Ut chiru ajwi' li q'oqyink a'an li Qaawa' kixk'utb'esi chiru laj Daniel li xyaalalil li matk', ut laj Daniel kiyoxink chiru li xYos li choxa,

Génesis 28:16

Naq laj Jakob ki'ajk ru sa' xmatk', kixye: “Relik chi yaal naq wank li Qaawa' sa' li na'ajej a'in, ut laa'in ink'a' xinnaw!”.

Génesis 37:5

Sa' jun q'oqyink laj José kimatk'ek ut kixseeraq'i a'an reheb' li ras, ut q'axal chik ke'ok chi xxik'b'al rilb'al.

Génesis 37:9

Chirix chik a'an kimatk'ek wi' chik ut kixseeraq'i a'an reheb' li ras. Kixye reheb': “Xinmatk'ek wi' chik. Xwil naq li saq'e, li po ut junlaju chi chahim xe'xk'utzub' rib' chiwu”.

Deuteronomio 18:15

“Li Qaawa' laaYos tixwaklesi jun li propeet kama' laa'in sa' eeyanq, sa' xyanqeb' laawas ut laawiitz'in: a'an cherab'ihaq.

Deuteronomio 18:18

Laa'in tinwaklesi sa' xyanqeb' li ras riitz'in jun li propeet kama' laa'at; tink'eheb' li waatin sa' re, ut a'an taayehoq reheb' chixjunil li k'aru tinye laa'in.

1 Samuel 3:21

Li Qaawa' kixk'utb'esi wi' chik rib' aran Siló, xb'aan naq aran na'aatinak rik'in laj Samuel.

2 Samuel 7:4

Ab'anan sa' ajwi' li q'oqyink a'an li raatin li Yos kik'ulunk rik'in laj Natán ut kixye re:

Oseas 12:11

Eb' laj Galahad wankeb' xmaak; jo'kan naq teb'insach. Aran Kilkal neke'mayejak wakax; jo'kan naq li x'artaleb' chanchanaqeb' li pek li neke'kanaak chi tub'tu sa' li awimq”.

Joel 3:1

“Naq taawulaq xkutankil ut xq'ehil, tinsutq'isiheb' chaq wi' chik sa' li xna'ajeb' eb' laj Judá ut eb' laj Jerusalén.

Zacarías 1:8

Kiwil sa' moy u chiru li q'oqyink a'in jun li winq k'ojk'o sa' xb'een jun kawaay kaq rix ut xaqxo sa' xyanqeb' li waa'uut sa' roq taq'a; ut wankeb' chik kawaay kaq rix, chaacha rixeb' ut saqikawaayeb'.