Números 12:3 - Q'eqchi Bible

³ Laj Moisés a'an jun li winq tuulan, q'axal tuulan chik chiruheb' chixjunil li wankeb' sa' ruuchich'och'.

Li Santil hu

³ Laj Moisés, aꞌan jun cui̱nk kꞌaxal tu̱lan chiruheb chixjunileb li cui̱nk li cuanqueb saꞌ ruchichꞌochꞌ.

Números 12:3 ပူးပေါင်းရင်းမြစ်များ

San Mateo 11:29

Chek'ulub'a linchaq'rab' nink'e sa' eeb'een ut tzolomaq eerib' wik'in, xb'aan naq tuulanin ut q'un linch'ool, ut sa texwanq.

Santiago 3:13

Ma wank junaq sa' eeyanq wank xna'leb' ut xk'a'uxl? Chixk'utaq rik'in xtiikilal li xyu'am, rik'ineb' li xb'aanuhom uxb'ileb' sa' tuulanil jo' li wank xna'leb'.

2 Corintios 12:11

Xkaano' wu, ab'an laa'ex xexminok wu. Laa'ex raj li xexnimank inloq'al, xb'aan naq tik moko kub'enaq ta inwankil chiruheb' li “xninqaleb' ru apóstol” a'an, us ta laa'in maak'a' inwankil.

2 Corintios 11:5

Ab'an laa'in nink'oxla naq moko kub'enaq ta inwankil chiruheb' li “xninqaleb' ru apóstol” a'an.

San Mateo 5:5

Us xaq reheb' li tuulaneb', xb'aan naq te'reechani li loq'laj na'ajej yeechi'inb'il xb'aan li Yos.

1 Pedro 3:4

Chiwanq b'an leech'ina'usal sa' xchamal leech'ool, a' li wank sa' q'unil ut tuqtuukil ch'oolejil li ink'a' na'oso'k; a'an q'axal loq' chiru li Yos.

1 Ts 2:7

Us ta xru raj xqaxaqab' qawankil xb'aan naq laa'o x'apóstol li Kriist, ab'anan xoowank sa' q'unil sa' eeyanq, jo' jun na'b'ej naxraheb' li ralal xk'ajol.

2 Corintios 10:1

Wan neke'yehok naq laa'in laj Pablo q'axal q'un inch'ool naq wankin eerik'in, ut jwal kaw inch'ool naq maa'anihin sa' eeyanq. Sa' xk'ab'a' li xtuulanil ut xchaab'ilal li Kriist, nintz'aama cheru naq meemin wu chi kawil'aatinak rik'ineb' li nikine'xjit chi jo'ka'in, naq tinwulaq sa' eeyanq. Eb' a'an neke'xye naq li k'aru yooko chi xb'aanunkil, a'an yal xna'leb' li ruuchich'och'.

San Mateo 21:5

“Yehomaq re li xrab'in Sión: «We' chaq aawik'in laaRey, tuulan ut k'ojk'o chaq chirix jun li b'uur ut chirix ral jun li xul aj iiqonel»”.

Salmos 149:4

Xb'aan naq li Qaawa' naxra li xtenamit ut naroxloq'iheb' li tuulan rik'in li kolb'a ib'.

Salmos 147:6

Li Qaawa' naxwaklesi li kub'enaq xwankil; ab'an naxk'utzub' toj sa' pojtz' li ink'a' us xch'ool.

Números 12:4

Tikto li Qaawa' kiraatinaheb' laj Moisés, laj Aharón ut lix María ut kixye reheb': “Ayuqex eeroxichal sa' li Loq'laj Na'ajej”, chan. Ut koheb' roxichaleb' aran.