Números 11:4 - Q'eqchi Bible

⁴ Sa' xyanqeb' laj Israel wankeb' laj ab'l tenamit li junes wa'ak neke'xk'oxla. Toja' naq eb' laj Israel ke'ok chi wech'ink rik'in xyeeb'al: “Ani tawi' tk'ehoq qatib' re tqatzeka?

Li Santil hu

⁴ Saꞌ xya̱nkeb laj Israel cuanqueb li jalaneb xtenamit. Eb aꞌan junes cha̱bil tzacae̱mk teꞌraj xtzacanquil. Ut eb laj Israel queꞌoc cuiꞌchic chi cuechꞌi̱nc ut queꞌxye: Cuan ta ani ta̱qꞌuehok katib re takatzaca.

Números 11:4 ပူးပေါင်းရင်းမြစ်များ

1 Corintios 10:6

Chixjunil a'an kik'ulmank jo' loq'laj eetalil cho'q qe, re naq ink'a' tqarahi ru li ink'a' us kama' naq eb' a'an ke'xrahi chaq ru.

Éxodo 12:38

Ke'elk ajwi' rochb'eeneb' naab'al chik tenamit ut k'ajo' xk'ihaleb' li karneer ut li wakax.

Salmos 106:14

Naq wankeb' aran sa' li chaqich'och', k'ajo' naq ke'ok chi atawank, ut ke'xyal rix li Qaawa' sa' li junesal na'ajej.

1 Corintios 15:33

Meeb'alaq'i eerib': “Eb' li yib' aj seeraq' neke'xpo' ru li chaab'il na'leb'”.

Nehemías 13:3

Naq eb' laj Israel ke'rab'i li tz'iib'anb'il sa' xChaq'rab' laj Moisés, tikto ke'risi sa' li komonil chixjunileb' laj ab'l tenamit.

Romanos 13:14

Tiqib'omaq eerib' rik'in li Qaawa' Jesukriist, ut mixik eech'ool chirix li maa'usilal re xb'aanunkil li nalajxrahi ru li qach'ool.

Éxodo 16:3

ke'xye reheb': “Us raj xqak'ul li kamk sa' ruq' li Qaawa' aran Ejiipt, naq nokook'ojlaak chi xk'atqeb' ruk'alil li tib' ut nokoowa'ak toj reetal nak'ojlaak li qach'ool! Ab'an laa'ex xooheek'am chaq sa' li chaqich'och' a'in, re naq tookamq chiqajunilo xb'aan li nimla we'ej”.

Números 14:22

tinye aawe naq maajun reheb' li xe'ilok linloq'al ut eb' li xninqal eetalil kinb'aanu aran Ejiipt ut sa' li chaqich'och', a'eb' li xe'yalok wix chiru lajeeb' wa ut ink'a' xe'raj rab'inkil xyaab' linkux,

Números 16:13

Ma ink'a' tz'aqal cho'q aawe rik'in naq xoohaawisi chaq sa' li xq'emal ch'och' re naq tookamq sa' li chaqich'och'? Ma toj taawaj taqlank sa' qab'een?

Jeremías 42:14

rik'in xyeeb'al: «Jwal us tooxik Ejiipt, b'arwi' ink'a' chik tqil li raaxiik' chi moko tqab'i xyaab'eb' li pur, chi moko tookamq xb'aan li we'ej»,

Éxodo 16:12

“Xwab'i naq eb' laj Israel yookeb' chi wech'ink. Taaye reheb': «Hoon ewu tib' teetiw ut wulaj eq'la texnujaq chi wa. Chi jo'kan teenaw naq laa'in li Qaawa' leeYos»”.

Números 11:18

Taaye ajwi' reheb' li tenamit: Santob'resiiq eerib' xb'aan naq wulaj textzekanq tib'. Xexwab'i chi q'oqonk rik'in xyeeb'al: «Ani taak'ehoq tib' chiqatzeka? Q'axal sa chik naq xoowank aran Ejiipt». Jo'kan naq li Qaawa' tixk'e eetib' re teetzeka.

Números 14:1

Toja' naq chixjunil li komonil ke'ok chi xjapb'al reheb' ut ke'xnumsi q'oqyink chi yaab'ak.

Deuteronomio 9:22

“Aran Taberá, Masá ut Kibrot-Atabá, laa'ex kechiq' xjosq'il li Qaawa'.