Números 11:25 - Q'eqchi Bible

²⁵ Li Qaawa' kikub'e chaq sa' li choql, kiraatina laj Moisés ut kixk'e reheb' li lajeeb' xkaak'aal chi tiixil winq kach'inatq li musiq'ej wank rik'in laj Moisés. Sa' li honal a'an, naq ki'ok li musiq'ej rik'ineb', ke'xtikib' aatinak jo' propeet; ab'anan ink'a' chik ke'aatinak chi jo'kan moqon.

Li Santil hu

²⁵ Ut li Ka̱cuaꞌ quicube chak saꞌ jun li chok ut quia̱tinac riqꞌuin laj Moisés. Ut quixqꞌue lix musikꞌ reheb li laje̱b xca̱cꞌa̱l li cui̱nk li nequeꞌcꞌamoc be joꞌ li cuan riqꞌuin laj Moisés. Nak li musikꞌ cuan riqꞌuineb, queꞌoc chi a̱tinac joꞌ profetas. Abanan incꞌaꞌ chic quicꞌulman chi joꞌcan mokon.

Números 11:25 ပူးပေါင်းရင်းမြစ်များ

Números 11:17

Laa'in tinkub'eeq chi aatinak aawik'in aran; tink'e reheb' kach'inaq li musiq'ej wank aawik'in re naq tate'xtenq'a chi rilb'al li tenamit a'in. Chi jo'kan ink'a' wanqat aajunes.

1 Samuel 10:10

Moqon chik naq ke'wulak aran Kibehá, jun ch'uuteb' chi propeet yookeb' chaq chi chalk. Toja' naq laj Saúl ki'eechaniik xb'aan li xmusiq' li Yos ut ki'ok chi aatinak jo' propeet sa' xyanqeb' a'an.

Números 12:5

Toja' naq li Qaawa' kikub'e chaq sa' li choql ut kikanaak chire li Loq'laj Muheb'aal. Kixb'oq laj Aharón ut lix María, ut eb' a'an ke'jilok chi xk'atq li Qaawa':

2 Pedro 1:21

xb'aan naq maajun raatin propeet kichalk ta yal sa' xch'ool junaq winq, kichalk b'an rik'in naq ke'wank winq eek'asinb'ileb' xb'aan li Santil Musiq'ej, ke'aatinak jo' kiyehe'k chaq reheb' xb'aan li Yos.

2 Reyes 2:15

Naq eb' li propeet ke'ril laj Eliseo chi sutq'iik wankeb' wi' junpak'al, ke'xye: “Li xmusiq' laj Elías xkanaak rik'in laj Eliseo”, chankeb'. Ut koheb' chi xk'ulb'al, koxe'xwiq'ib' chiru ut ke'xye re:

Santiago 1:17

chixjunil li usilal k'eeb'il qe ut chixjunil li qamaatan li tz'aqal re ru, taqe'q nachalk chaq, ut nakub'e chaq rik'in li xYuwa'ileb' li chahim, li ink'a' najalaak chi moko naq'oqyino'k ru.

1 Corintios 14:32

Li maatan re aatinak jo' propeet wank rub'el xwankil eb' li propeet,

Hechos 11:28

Jun reheb' a'an, aj Agabo xk'ab'a', kixaqliik ut kixye resil sa' Santil Musiq'ej naq taawanq jun nimla we'ej sa' chixjunil li ruuchich'och' (ut a'an kik'ulmank sa'eb' li kutan ki'awab'ejink wi' laj Klawdio).

Salmos 99:7

Kiraatinaheb' chaq toj sa' li choql, ut eb' a'an ke'xpaab' li raatin ut li xloq'laj chaq'rab' k'eeb'il reheb'.

Éxodo 40:38

Xb'aan naq chi kutan nahilank li xchoql li Qaawa' sa' xb'een li Loq'laj Muheb'aal, ut chi q'eq xam chik nak'utunk chiruheb' chixjunil li ralal xk'ajol laj Israel. Jo'ka'in kik'ulmank chiru chixjunil li xb'eenikeb' laj Israel.

Éxodo 34:5

Toja' naq li Qaawa' kama' li choql naq kikub'e chaq ut kolkanaaq aran, chi xk'atq laj Moisés, ut a'in kixyaab'a xk'ab'a' li Qaawa'.

Números 27:18

Kichaq'ok li Qaawa' ut kixye re laj Moisés: “B'oq laj Josué, ralal laj Nun, a'an jun li winq nujenaq chi musiq'ej. K'e laawuq' sa' xb'een xjolom

Jueces 3:10

Li xmusiq' li Qaawa' kichalk sa' xb'een laj Otoniel ut a'an kikanaak cho'q aj k'amol xb'eheb' laj Israel: koho chi yalok ut li Qaawa' kixq'axtesi sa' ruq' a'an laj Kusán Risatáhin, awab'ej re Edom, li kiq'axe'k ru.

Isaías 63:11

Toja' naq kijultiko'k reheb' li kutan junxil chaq naq laj Moisés kixkol li xtenamit ut ke'xpatz'i rib' chirib'ileb' rib': “B'ar wank li Yos li ki'isink chaq re laj Moisés sa' li nima' ut kixkol laj k'aak'alehom re li xketomq? B'ar wank li Qaawa' li kixk'e li xsantil musiq' re laj Moisés

Ezequiel 8:11

Wankeb' ajwi' lajeeb' xkaak'aal chi cheekel winq aj Israel li yookeb' chi xloq'oninkil ru eb' li jalanil yos; li junjunq wank xxanxaar sa' ruq' ut najt nawulak xsununkil li k'ajpom. Sa' xyanqeb' a'an wank laj Jasanías, ralal laj Safán.

Éxodo 32:32

Ab'anan, us raj taakuyeb' xmaak. Wi ut ink'a', sach ink'ab'a' sa' li hu tz'iib'anb'il aab'aan”.

Números 16:25

Kiwakliik laj Moisés ut koho wankeb' wi' laj Datán ut laj Abirón; ut li xcheekelaleb' laj Israel koheb' chirix.

Números 24:2

Ut sa' xtaqsinkil li rilob'aal, laj Balaham kirileb' li xmuheb'aaleb' laj Israel ch'utch'uukeb' chi teep. Toja' naq li xmusiq' li Qaawa' ki'ok rik'in

Nehemías 9:20

Kak'e ajwi' laachaab'il musiq' re xtijb'aleb'; junelik kataqla chaq li maná re xch'oolaninkileb', ut kak'e ha' reheb' re naq ink'a' te'chaqiq re.