Números 11:12 - Q'eqchi Bible

¹² Ma laa'in tab'i' xinsiyank re chixjunil li tenamit a'in? Ma laa'in tab'i' xin'alank reheb', re naq taaye we: «K'ameb' aawik'in jo' naq laj ilol k'uula'al naxq'alu li k'uula'al toj natu'uk; k'ameb' aawik'in toj sa' li ch'och' kinyeechi'i sa' jurament reheb' li xna' xyuwa'eb'?».

Li Santil hu

¹² ¿Ma la̱in ta biꞌ xyucuaꞌeb? Ut, ¿ma la̱in ta biꞌ xnaꞌeb nak ta̱ye cue nak tincꞌameb chi kꞌalkꞌo joꞌ nequeꞌkꞌalu̱c li cocꞌal li toj nequeꞌtuꞌuc? ¿Ma tento nak toj la̱in tincꞌamok reheb saꞌ li naꞌajej li cayechiꞌi reheb lix xeꞌto̱nil yucuaꞌeb?

Números 11:12 ပူးပေါင်းရင်းမြစ်များ

Isaías 49:23

Eb' li awab'ej a'anaqeb' laj ilol aawe, ut li xrab'ineb' a'anaqeb' ruuchil laana'. Te'xwiq'ib' rib' chawu toj chiru ch'och', ut chi ru'uj raq'eb' texmes li pojtz' chawoq. Chi jo'kan taanaw naq laa'in li Qaawa' ut maajoq'e te'xutaanaq li neke'yo'onink wik'in”.

Isaías 40:11

Jo' junaq aj ilol ketomq, naxb'eresiheb' li xkarneer; naxq'alu eb' li xkok' karneer ut naxq'uneb', ut naxk'eheb' chi hilank li toja' xe'alank.

1 Ts 2:7

Us ta xru raj xqaxaqab' qawankil xb'aan naq laa'o x'apóstol li Kriist, ab'anan xoowank sa' q'unil sa' eeyanq, jo' jun na'b'ej naxraheb' li ralal xk'ajol.

Éxodo 13:5

Ut naq li Qaawa' toxatroksi sa' li xch'och'eb' laj Kanahán, laj Hit, laj Amor, laj Jib ut laj Jebús, a' li xq'emal ch'och' kixyeechi'i chaq rik'in jurament reheb' laana' laayuwa', jo'ka'in naq taaninq'ehi sa' li po a'in.

Génesis 50:24

Sa' jun kutan laj José kixye reheb' li ras: “Kamk we, ab'anan ch'olch'o naq li Yos tulextenq'a ut texrisi sa' li tenamit a'in, re texxik sa' li ch'och' kixyeechi'i rik'in jurament re laj Abrahán, laj Isahak ut laj Jakob”.

Génesis 26:3

Wanqat jo' aj numel sa' li ch'och' a'in ut laa'in tatintenq'a ut tatwosob'tesi, xb'aan naq aawe ut reheb' laawalal aak'ajol tink'e chixjunil li na'ajej a'in, ut wank sa' inch'ool li jurament li kinb'aanu rik'in laj Abrahán laayuwa'.

Gálatas 4:19

Ex walal ink'ajol, eeb'aan laa'ex wankin wi' chik sa' xrahil li alank toj reetal naq li Kriist taatz'ejwalo'q eerik'in.

San Juan 10:11

Laa'in li chaab'il aj k'aak'alenel karneer. Li chaab'il aj k'aak'alenel naxk'e li xyu'am sa' xk'ab'a'eb' li xkarneer.

Ezequiel 34:23

“Tinxaqab' jun ajwi' aj k'aak'alehom reheb', a' laj David aj k'anjel chiwu. A'an taa'iloq ut taab'eresinq reheb'.

Isaías 49:15

Ab'anan, ma wank tab'i' junaq na'b'ej nasachk sa' xch'ool li xk'uula'al malaj naxkanab' xraab'al li tz'aqal ralal? Us ta jo'kan naxb'aanu junaq na'b'ej, a'ut laa'in ink'a' tatinsach sa' inch'ool.

Génesis 13:15

Chixjunil li ch'och' li yookat chi rilb'al tink'e aawe ut reheb' laawalal aak'ajol chi junajwa.

1 Corintios 4:15

Xb'aan naq us ta wanq lajeeb'aq mil aj ch'ilom eere sa' xk'ab'a' li Kriist, ab'an moko naab'aleb' ta leeyuwa'. Sa' xk'ab'a' li Kristo Jesus laa'in xinsiyank eere xb'aan li Chaab'il Esilal.

Génesis 24:7

Li Qaawa', li xYos li choxa, li ki'isink chaq we sa' rochoch linyuwa' ut sa' lintenamit, kinraatina ut kixye we rik'in jurament: «A'eb' laawalal tink'e wi' li na'ajej a'in». Ut a'an tixtaqla li x'ánjel k'amolb'ehaq chawu re naq aran taak'am chaq rixaqil li walal.

Éxodo 13:11

“Akaq xatroksi li Qaawa' sa' xch'och'eb' laj Kanahán ut akaq xq'axtesi aawe li na'ajej, jo' naq kixyeechi'i aawe ut reheb' laana' laayuwa',

Éxodo 33:1

Kixye li Qaawa' re laj Moisés: “Ayu, elen arin aawochb'eeneb' li tenamit li kawisiheb' chaq Ejiipt, ut ayuqex sa' li ch'och' kinyeechi'i rik'in jurament re laj Abrahán, laj Isahak ut laj Jakob, naq kinye: Eb' aawalal aak'ajol tink'e wi' li na'ajej a'in.

2 Reyes 10:1

Lajeeb' xkaak'aaleb' li ralal xk'ajol laj Ajab wankeb' sa' li tenamit Samaria. Jo'kan naq laj Jehú kitz'iib'ank hu ut kixtaqla rik'inatqeb' li xjolomileb' li tenamit, rik'ineb' li cheekel winq ut rik'ineb' ajwi' li neke'ilok reheb' li ralal xk'ajol laj Ajab, aran Samaria; ut kixye reheb':

2 Reyes 10:5

Toja' naq laj ilol kab'l, laj jolominel re li tenamit, eb' li cheekel winq ut eb' laj ilol reheb' li ralal li awab'ej ke'xtaqla xyeeb'al re laj Jehú: “Laa'o aj k'anjel chawu ut tqab'aanu li k'aru taaye qe. Ink'a' tooxaqab'ank awab'ej. B'aanu li k'aru us cho'q aawe”.

Éxodo 6:8

Laa'in texwoksi sa' li ch'och' xinyeechi'i rik'in jurament re laj Abrahán, laj Isahak ut laj Jakob; a'an li tink'e chereechani. Laa'in li Qaawa' Yos»”.

Deuteronomio 1:31

jo'wi' sa' li chaqich'och'. Laa'ex eerilom chaq naq li Qaawa' leeYos kexb'eres chaq chiru chixjunil leeb'eenik toj kexk'ulunk sa' li na'ajej a'in, kama' naxb'aanu junaq yuwa'b'ej naq naxq'alu li ralal», chankin eere.