Números 10:12 - Q'eqchi Bible

¹² ut eb' laj Israel ke'elk sa' li chaqich'och' re Sinaí. Li choql koxxaqliiq toj sa' li chaqich'och' re Parán.

Li Santil hu

¹² Joꞌcan nak eb laj Israel queꞌel saꞌ li chaki chꞌochꞌ li cuan Sinaí ut queꞌco̱eb. Ut li chok yo̱ chi cꞌamoc be chiruheb toj retal quicuulac saꞌ li chaki chꞌochꞌ Parán ut aran quixakli.

Números 10:12 ပူးပေါင်းရင်းမြစ်များ

Números 12:16

Chirix chik a'an ke'elk aran Jaserot ut koxe'kanaaq sa' li chaqich'och' re Parán.

Génesis 21:21

Kiwank sa' li chaqich'och' Parán xk'ab'a', ut li xna' kisik'ok re li rixaqil sa' li tenamit Ejiipt.

Deuteronomio 1:1

A'aneb' a'in li aatin kixye laj Moisés reheb' chixjunil laj Israel junpak'al li nima' Jordán, sa' li chaqich'och' re Arabá, sa' xjayal Suf, sa' xyanq Parán ut Tófel, Labán, Jaserot ut Dixab.

Números 13:26

ut kole'xk'ut rib' chiruheb' laj Moisés, laj Aharón ut chixjunil li xkomonileb' laj Israel aran Kadés, sa' li chaqich'och' re Parán. Ke'xseeraq'i reheb' chi tustu ru chixjunil li k'a'aq re ru koxe'ril chaq sa' li na'ajej, ut ke'xk'ut ru li awimq ke'xk'am chaq.

Números 13:3

Laj Moisés kixtaqlaheb' jo' chanru yeeb'il re xb'aan li Qaawa': kixtaqlaheb' li wankeb' xwankil sa' xyanqeb' laj Israel. Kixchaq'rab'iheb' naq toj wankeb' chaq sa' li chaqich'och' re Parán.

Números 9:5

Ut eb' a'an ke'xninq'ehi li Paswa sa' li chaqich'och' re Sinaí, sa' li kaalaju xb'e li xb'een po, sa' xyanq wiib' saqenk. Eb' laj Israel ke'xb'aanu tz'aqal jo' kiyehe'k re laj Moisés xb'aan li Qaawa'.

Números 1:1

Li Qaawa' kiraatina laj Moisés sa' li chaqich'och' re Sinaí, sa' li Loq'laj Muheb'aal, sa' li xb'een kutan re li xkab' po, ak wank chik xkab' chihab' relikeb' chaq laj Israel aran Ejiipt, ut kixye re:

Habacuc 3:3

Yo chi chalk li Qaawa' toj aran Temán; toj sa' li tzuul Parán yo chi chalk li jwal nim xsantilal. Li xnimal xwankil naxkupu li choxa ut nujenaq li ruuchich'och' rik'in li xloq'al.

1 Samuel 25:1

Naq laj Samuel kikamk, chixjunileb' laj Israel ke'xch'utub' rib' re xyaab'ankil ut ke'xmuq sa' li xch'och', aran Ramá.

Deuteronomio 33:2

ut kixye chi jo'ka'in: “Li Qaawa' xchalk chaq toj Sinaí; toj Seír kik'utunk chaq li xsaqenk, ak xkutano'k chaq chalen chiru li tzuul Parán. Rochb'een chaq k'iila o'q'ob' chi aj k'anjel chiru; sa' xnim uq' wan chaq li xxamlel li Chaq'rab'.

Deuteronomio 1:19

“Naq koo'elk Horeb, kiqab'eeni chixjunil li nimla ut xiwajel na'ajej eerilom, a' li wank sa' xb'ehil li xteepaleb' laj Amor, jo' kooxtaqla wi' li Qaawa' li qaYos, ut koowulak Kadés-Barné.

Números 9:1

Li Qaawa' kiraatina laj Moisés sa' li chaqich'och' re Sinaí, sa' li xb'een po re li xkab' chihab' relikeb' chaq laj Israel aran Ejiipt, ut kixye re:

Éxodo 13:20

Ke'elk eb' laj Israel aran Sukot ut koxe'hilanq Etán, chire li chaqich'och':

Génesis 14:6

ut eb' laj Horí sa'eb' li tzuul re Seír toj El-Parán, li wank chi xk'atq li chaqich'och'.

Números 9:17

Naq li choql na'elk sa' xb'een li Loq'laj Na'ajej, eb' laj Israel neke'risi li xmuheb'aaleb'; ut sa' li na'ajej b'arwi' nakanaak li choql, aran neke'xyiib' wi' chik li xmuheb'aaleb'.

Números 10:33

Jo'kan naq ke'elk sa' li xtzuul li Qaawa', ut oxib' kutan ke'b'eek. Li xLoq'laj Kaaxil li Sumwank k'amol b'e chiruheb', chiru li oxib' kutan, yo xsik'b'al b'ar naru te'hilanq.

1 Reyes 11:18

Ke'elk Madián ut ke'wulak Parán. Aran ke'xsik'eb' winq aj tenq'ahom reheb' ut koheb' Ejiipt; koxe'okaq rik'in laj Parahón, awab'ej re Ejiipt, ut a'an kixk'e rochocheb', kixyeechi'i xtzekemqeb' ut kixk'e ajwi' xch'och'eb'.

Números 2:34

Eb' laj Israel ke'xb'aanu chixjunil jo' tz'aqal kixye li Qaawa' re laj Moisés: li junjunq kixyiib' li xmuheb'aal rub'el li reetalil li xteepal ut, naq ki'elk, koho rochb'een li xch'uutal ut li xjunkab'al.

Deuteronomio 1:7

Xaqlinqex! Ayuqex ut okanqex sa' li na'ajej li tzuul ru wankeb' wi' eb' laj Amor ut sa' chixjunil li ch'och' wank chi rechkab'al: aran Arabá, chiru li tzuul, chiruheb' li taq'a, aran Nejeb, chire li palaw, sa' xteepal Kanahán ut Líbano, toj chire li nimla nima', a' li Éwfrates.