Números 10:10 - Q'eqchi Bible

¹⁰ Sa' xkutankil li sahil ch'oolej, sa'atqeb' leeninq'e ut sa' xyo'lajikeb' li po, yaab'asihomaq li tronpeet sa' xhonalil xk'atb'al leemayej ut xq'axtesinkil leeyeechi'om re li k'amok ib' sa' usilal rik'in li Yos. Chi jo'kan texjultiko'q re li Qaawa'. Laa'in li Qaawa', leeYos”.

Li Santil hu

¹⁰ Teꞌya̱basi̱k li trompetas saꞌ eb li cutan nak sahak saꞌ e̱chꞌo̱l ut nak nequexninkꞌei̱c saꞌ xkꞌehil ut re li xyoꞌlajic li po. Teꞌya̱basi̱k li trompeta nak nequeqꞌue le̱ cꞌatbil mayej ut eb li mayej re xcꞌambal e̱rib saꞌ usilal cuiqꞌuin. Ut la̱in li Ka̱cuaꞌ texjulticokꞌ cue. La̱in li Ka̱cuaꞌ le̱ Dios, chan.

Números 10:10 ပူးပေါင်းရင်းမြစ်များ

Salmos 81:3

Chexb'ichanq, chetoch' leekok' tun, ch'e'omaq li loq'laj aarp ut li kitaar!

1 Ts 4:16

A' ajwi' li Qaawa' taakub'eeq chaq sa' choxa sa' xq'ehil, naq jun li arkánjel taataqlanq rik'in xyaab' xkux ut taayaab'asiiq xtronpeet li Yos: toja' naq eb' li xe'kamk sa' xk'ab'a' li Kriist, xb'enwa te'wakliiq chaq chi yo'yo.

Nehemías 12:35

Ut wankeb' ajwi' aj tij li wankeb' xtronpeet naq yookeb' chi xik: laj Sakarías, ralal laj Jonatán, ralal laj Semaías, ralal laj Matanías, ralal laj Miká, ralal laj Sakur, ralal laj Asaf,

Esdras 3:10

Naq eb' laj tz'ak ke'xk'e li rub'elankil li rochoch li Qaawa', kule'elq eb' laj tij chi tiqtookeb' chaq rik'in chaab'il liin, wankeb' chaq xtronpeet; xaqxookeb' ajwi' aran eb' laj Leví, ralaleb' laj Asaf, wankeb' chaq xtzojtzoj, re xnimankil ru li Qaawa' jo' kixtz'iib'a laj David, awab'ej re Israel.

2 Crónicas 29:28

Wiq'wookeb' chixjunil li komonil, yookeb' chi b'ichank ut xyaab'asinkileb' li pur. Chixjunil a'in ki'uxmank toj ki'oso'k xk'atik li mayej.

2 Crónicas 29:26

Naq eb' laj Leví ke'xtaw xna'ajeb' chi wankeb' li wajb' yiib'anb'ileb' xb'aan laj David rik'ineb', ut eb' laj tij xaqxookeb' sa' xna'ajeb' rik'ineb' li xpur,

Números 10:9

“Naq akaq wanqex sa' leech'och' ut texxik chi yalok rik'ineb' li xik' neke'ilok eere, yaab'asihomaq li tronpeet chi yo'oon xyaab'; chi jo'kan texjultiko'q re li Qaawa' leeYos ut texxkol chiruheb' li xik' neke'ilok eere.

Hechos 10:4

Laj Kornelio kixka'ya ut k'ajo' xxiw naq kixpatz': “K'aru, at Qaawa'?”, chan. Kichaq'ok li ánjel, ut kixye: “Laatij ut laalemoox xe'taqe'k chajultikankil chiru li Yos.

San Mateo 11:28

“Chalqex wik'in chejunilex li lub'luukex ut tawajenaqex xb'aan leeriiq, ut laa'in texinhiltasi.

Salmos 89:15

Li tiikilal ut li yaal a'aneb' li xkuut laa'awab'ejihom, li usilal ut li chaab'ilal aj k'amol b'eheb' chawu.

2 Crónicas 7:6

Eb' laj tij wankeb' sa' li xna'ajeb', ut eb' laj Leví yookeb' chi xnimankil ru li Qaawa' rik'ineb' li wajb' xyiib'ahom laj David li awab'ej re rochb'eeninkil li b'ichank chiru li Yos: “Xb'aan naq li xrahom wank chi junelik”, chankeb'. Ke'xb'aanu jo' kik'ute'k chiruheb' xb'aan laj David. Ut eb' laj tij yookeb' chi xyaab'asinkil li tronpeet chi uub'ej, ut chixjunileb' laj Israel wankeb' chi xaqxo.

1 Crónicas 16:42

Eb' a'in neke'xyaab'asi li tronpeet, neke'toch'ok li tzojtzoj ut wank chik xkomon re xb'ichankil ru li Yos. Eb' li ralal laj Jedutún a'aneb' aj ilol re li okeb'aal.

1 Crónicas 15:28

Chixjunileb' laj Israel ke'xk'am li xLoq'laj Kaaxil li xSumwank li Qaawa', japjookeb' re xb'aan xsahilaleb' xch'ool, yookeb' ajwi' chi xyaab'asinkil li xukub', li tronpeet ut li sursuukil q'anch'iich'; yo ajwi' chi eek'ank li aarp li nim ut li kach'in xyaab'.

1 Crónicas 15:24

Ut eb' laj tij Sebanías, laj Josafat, laj Natanael, laj Amasay, laj Sakarías, laj Benaías ut laj Elieser a'aneb' li neke'toch'ok tronpeet chiru li xLoq'laj Kaax li Yos. Laj Obededón ut laj Yejías a'aneb' ajwi' aj k'aak'alenel re li Loq'laj Kaax.

Josué 4:7

teeye reheb': «Li xha'ul li nima' Jordán kixjach rib' chiru li xLoq'laj Kaaxil li Sumwank naq kinume'k junpak'al. Eb' li pek a'in a'an reetalil chiruheb' laj Israel, re naq jultikaq reheb' chi junelik li k'aru kixb'aanu li Yos»”.

Números 29:1

“Sa' xtiklajik li xwuq po teeb'aanu leeloq'laj ch'utam ut maajun taak'anjelaq. Li kutan a'an, a'anaq jun kutan naq teeyaab'asi li tronpeet.

Levítico 23:24

“Ye a'in reheb' laj Israel: Li xb'een kutan re li xwuq po, a'anaq li hilob'aal kutan cho'q eere, ut teeb'aanu leeloq'laj ch'utam re inninq'ehinkil rik'in xyaab' tronpeet.

Éxodo 28:29

Chi jo'kan laj Aharón tixk'am chire xch'ool li xk'ab'a'eb' li ralal xk'ajol laj Israel, chiru li pektoral re li q'ehink, rajlal naq taa'ok sa' li Loq'laj Na'ajej, re xpatz'b'aleb' junelik chiru li Qaawa'.

Apocalipsis 22:17

Li Musiq'ej ut li Ixaqilb'ej neke'xye: “Chalqat!”. Li taa'ab'inq re, chixyehaq: “Chalqat!”. Ut li taachaqiq re, chalqaq; li taa'ajoq re, chixk'ulaq chi maatan li ha' nak'ehok yu'am.

1 Ts 4:18

Chek'ojob'aq b'i' eech'ool cherib'il eerib' rik'ineb' li aatin a'in.

1 Corintios 15:52

Chiru junpaat, chiru jun mutz'ul, naq taayaab'asiiq li tronpeet sa' roso'jik (xb'aan naq taayaab'asiiq li tronpeet), te'wakliiq chi yo'yo eb' li kamenaq chi ink'a' chik te'q'aaq, ut laa'o toojalano'q.

Isaías 27:13

Sa' li kutan a'an taayaab'asiiq jun nimla pur, ut eb' li ke'xcha'cha'i rib' Asiria jo' ajwi' li ke'k'ame'k Ejiipt te'chalq chi xloq'oninkil ru li Qaawa', arin Jerusalén, sa' li santil tzuul.

Salmos 150:3

K'ehomaq xloq'al rik'in xyaab'asinkil li tronpeet, k'ehomaq xloq'al rik'in aarp ut kitaar.

Éxodo 30:16

Taaxok li tumin k'eeb'il re xkolb'al rix xyu'ameb' laj Israel, ut taaq'axtesi cho'q re li k'anjel taa'uxmanq sa' xMuheb'aal li ch'utam; ut a'anaq xpatz'b'aleb' laj Israel xb'aan li Qaawa' re naq te'xkol rix li xyu'ameb'”.

Números 28:11

“Sa' xtiklajik li junq po teeyeechi'i jun k'atb'il mayej chiru li Qaawa': wiib' saaj wakax, jun chib'aat ut wuqub' karneer aj junq chihab', chi maak'a'aq reek'eb'.

1 Samuel 20:5

Kichaq'ok laj David: “K'e reetal, wulaj xyo'lajik li po. Laa'in tento raj tink'ojlaaq chi tzekank wochb'een li awab'ej. Ab'anan kanab'in chi xik ut laa'in toxinmuq wib' sa' pim toj taaq'oqyino'q.

2 Reyes 4:23

“K'a'ut naq xik aawe rik'in anaqwan, naq maji' nayo'laak li po chi moko sábado ta?”, chan li b'eelomej. Ab'an li ixq kixye: “Matk'oxlak”.

Josué 6:4

Aj k'amolb'ehaqeb' chiru li Loq'laj Kaax wuqub' chi aj tij li te'k'amoq junjunq xxukub'eb' li karneer cho'q tronpeet. Sa' xwuq li kutan teesuti li tenamit wuqub' sut ut eb' laj tij te'xyaab'asiheb' li xtronpeet.

Salmos 81:4

Yaab'asihomaq leetronpeet sa' xtiklajik li po, sa' xxoronik li po, sa' xkutankil li qaninq'e!