Nehemías 8:9 - Q'eqchi Bible

⁹ Toja' naq chixjunil li tenamit ke'ok chi yaab'ak naq ke'rab'i li aatin li wank sa' li Chaq'rab'. Ut laj Nehemías laj taqlanel sa' xb'een li tenamit, laj Esdras laj tij ut laj tz'iib', ut eb' laj Leví li yookeb' chi ch'olob'ank chiru chixjunileb' li tenamit, ke'xye: “Li kutan a'in jwal loq' ut q'axtesinb'il cho'q re li Qaawa' leeYos. Miraho'k leech'ool ut mexyaab'ak”, chankeb'.

Li Santil hu

⁹ Nak queꞌrabi cꞌaꞌru naxye saꞌ li chakꞌrab queꞌoc chi ya̱bac. Ut laj Nehemías li gobernador, ut laj Esdras laj tij, ut laj tzꞌi̱b, ut eb laj levita li yo̱queb chixchꞌolobanquil lix ya̱lal reheb li tenamit, queꞌxye reheb: —Miyotꞌeꞌ e̱chꞌo̱l ut mexya̱bac xban nak li cutan aꞌin kꞌaxal lokꞌ chiru li Ka̱cuaꞌ li kaDios.—

Nehemías 8:9 ပူးပေါင်းရင်းမြစ်များ

Nehemías 7:70

“Wan reheb' li xjolomileb' li junkab'al ke'kub'sink cho'q re li k'anjel. Laj taqlanel sa' xb'een li tenamit kixq'axtesi numenaq wuqlaju liib'r chi oor, lajeeb' roxk'aal chi uk'leb' sek' ut lajeeb' xka'k'aal raq'eb' laj tij, cho'q re li rochoch li Yos.

Nehemías 7:65

Laj taqlanel sa' xb'een li tenamit kixram chiruheb' xtzekankil li k'aru jwal loq' toj reetal junaq aj tij taatz'iloq aatin chirix a'in rik'in li Urim ut li Tumim.

Deuteronomio 12:12

Aran taasaho'q eech'ool chiru li Qaawa' eerochb'eeneb' leeralal eek'ajol, eb' laj k'anjel cheru jo' winq ut ixq, jo' ajwi' eb' laj Leví li wankeb' sa' eeyanq, xb'aan naq ink'a' xk'ulumeb' li xna'ajeb'.

Nehemías 8:2

Sa' li xb'een kutan re li xwuq po laj Esdras laj tij kixk'am chaq xHuhil li xChaq'rab' li Qaawa' chiru li komonil, ch'utch'uukeb' aran jo' winq, jo' ixq ut li jo'k'ihaleb' te'ruhanq chi xtawb'al xyaalal.

Deuteronomio 16:11

Ut taasaho'q laawaanm chiru li Qaawa' laaYos, laa'at, laawalal ut laarab'in, laamoos winq ut laamoos ixq, laj Leví li wank sa' laatenamit ut laj ab'l tenamit, li neb'a'yox ut li xmalka'an li wankeb' sa' eeyanq, sa' li na'ajej sik'b'il ru xb'aan li Qaawa' laaYos re naq aran taana'ajunq li xk'ab'a'.

Isaías 61:3

Ut laa'in tento tink'e xkorooneb' laj Sión li ra wankeb', ruuchil li cha; tinhoy li sununkil b'an sa' xb'eeneb', jo' ruuchil li tz'uyink; tento teb'intiqib' rik'in chaab'il aq'ej, jo' ruuchil li rahil ch'oolej. “Xche'el li tiikilal” chik te'xk'ab'a'in, awb'ileb' xb'aan li Qaawa' re xk'utb'al li xloq'al.

Eclesiastés 3:4

Wank xq'ehil li yaab'ak, ut wank xq'ehil li se'ek. Wank xq'ehil li rahil ch'oolej, ut wank xq'ehil li xajok.

Esdras 2:63

Ut laj taqlanel sa' xb'een li tenamit kixram chiruheb' xtzekankil li k'aru jwal loq' toj reetal junaq aj tij taapatz'oq chirixeb' rik'in li Urim ut li Tumim.

Deuteronomio 12:7

Aran textzekanq chiru li Qaawa' leeYos ut taasaho'q leech'ool, eerochb'een leejunkab'al, sa' xk'ab'a' chixjunil li k'anjel xexrosob'tesi wi' li Qaawa' leeYos.

Levítico 23:24

“Ye a'in reheb' laj Israel: Li xb'een kutan re li xwuq po, a'anaq li hilob'aal kutan cho'q eere, ut teeb'aanu leeloq'laj ch'utam re inninq'ehinkil rik'in xyaab' tronpeet.

Romanos 7:9

Junxil yo'yookin chaq naq maak'a' li chaq'rab'. Ab'an naq kol'elq li chaq'rab', xtiklaak li maak,

Romanos 3:20

Xb'aan naq maa'ani taatiikob'resiiq xch'ool chiru li Yos yal sa' xk'ab'a' xpaab'ankil li Chaq'rab'; a'in b'an li naxb'aanu li Chaq'rab': naxk'e chi nawe'k naq laa'o aj maak.

Malaquías 2:13

Ab'anan toj wank chik xkomon li nekeb'aanu: nekexyaab'ak sa' xb'een li x'artal li Yos ut neket'aqresi rik'in li xya'al leeru, nekexq'oqonk ut nekejiq' eech'ool, xb'aan naq li Qaawa' ink'a' chik naxk'ul leemayej chi sa sa' xch'ool.

Oseas 4:6

Yo chi kamk lintenamit xb'aan naq ink'a' neke'xnaw wu. Ut laa'at, aj tij, xatz'eqtaana xnawb'al wu, jo'kan naq tatwisi sa' laak'anjel. Xb'aan naq xatz'eqtaana li xchaq'rab' laaYos, laa'in ajwi' teb'intz'eq chirix inch'ool eb' laawalal aak'ajol.

Nehemías 12:26

Eb' a'an ke'k'anjelak sa'eb' li kutan naq kiwank cho'q xb'eenil aj tij laj Johakín, ralal laj Josué, ralal laj Josadak, ut naq kiwank laj Nehemías cho'q aj taqlanel sa' xb'een li tenamit ut laj Esdras cho'q aj tij ut aj tz'iib'.

Nehemías 10:1

A'aneb' a'in li ke'xk'e xk'ab'a'eb' sa' li hu tz'iib'anb'il wi' li sumwank kiqayiib': laj Nehemías laj taqlanel sa' xb'een li tenamit, ralal laj Jakalías; laj Sedekías,

Esdras 7:11

A'an a'in li tz'iib'anb'il sa' li hu kixq'axtesi li awab'ej Artajerjes re laj Esdras, aj tij ut aj tz'iib' tzolb'il chi us sa' chixjunileb' li xchaq'rab' ut raatin li Qaawa' cho'q re laj Israel:

2 Crónicas 35:3

Ut kixye reheb' laj Leví li neke'xtzol chixjunileb' laj Israel ut xq'axtesihomeb' rib' chi k'anjelak chiru li Qaawa': “K'ehomaq li Loq'laj Kaax sa' rochoch li Yos li kixyiib' laj Salomón, ralal laj David, awab'ej re Israel, xb'aan naq ink'a' chik teepaqo. Anaqwan k'anjelanqex chiru li Qaawa' leeYos ut chiruheb' laj Israel, li xtenamit.

2 Crónicas 34:21

“Ayuqex chi patz'ok rik'in li Qaawa' chiwix laa'in, chirixeb' laj Israel ut eb' laj Judá, k'aru naraj xyeeb'al eb' li aatin tz'iib'anb'ileb' sa' li hu xtawmank. Nim li xjosq'il li Qaawa' sa' qab'een, xb'aan naq eb' li qaxe' qatoon ink'a' ke'xpaab' li raatin li Qaawa' chi moko ke'xk'anjela ru li tz'iib'anb'il sa' li hu a'in”.

2 Crónicas 34:19

Naq li awab'ej kirab'i li naxye sa' li hu, kixq'ich li raq'

2 Crónicas 30:22

Naq kiril a'an, laj Esekías kixb'anyoxi reheb' chixjunileb' laj Leví naq ke'xb'aanu chi us li xk'anjel li Qaawa'. Chiru wuqub' kutan ke'xtzeka xmayejil li ninq'e, ke'mayejak re li k'amok ib' sa' usilal rik'in li Yos ut ke'xloq'oni ru li Qaawa', xYos eb' li xxe'toonil yuwa'eb'.

2 Crónicas 15:3

Chiru k'iila chihab' eb' laj Israel ke'wank chi maak'a' tz'aqal xYoseb', maak'a' junaq aj tij natzolok reheb' ut maak'a' li chaq'rab'.

2 Reyes 22:19

chirix li na'ajej a'in ut eb' li xpoyanamil li te'sache'q ru ut te'majewaaq. Xyot'e'k laach'ool, xakub'si laawankil chiru li Qaawa', xaq'ich laawaq' ut xatyaab'ak chiwu. Jo'kan naq laa'in xwab'i li k'aru xaye, chan li Qaawa'.

2 Reyes 22:11

Naq li awab'ej kirab'i li tz'iib'anb'il sa' li hu, kixq'ich li raq'

Deuteronomio 26:14

Ink'a' xintzeka a'an naq wankin sa' rahil ch'oolejil, maak'a' xinxok naq muxb'ilin, maak'a' xinyeechi'i re junaq kamenaq. Xwab'i xyaab' xkux li Qaawa' linYos ut xinb'aanu chixjunil jo' chanru lintaqlankil aab'aan.

Santiago 4:9

Tz'uyinqex chirix li xtoq'ob'aal eeru, chiraho'q sa' leeraanm ut yaab'anqex. Leese' chisutq'iiq cho'q yaab'ak, ut li xsahilal eech'ool cho'q rahil ch'oolej.