Nehemías 7:5 - Q'eqchi Bible

⁵ Toja' naq li Yos kixk'ut chiwu naq tento teb'inch'utub' li xninqaleb' ru winq, eb' laj k'amol b'e ut chixjunileb' li tenamit re xtz'iib'ankil li xk'ab'a'eb'. Kintaw li hu tz'iib'anb'il wi' xk'ab'a'eb' li ke'sutq'iik chaq xb'enwa, ut aran tz'iib'anb'il chi jo'ka'in:

Li Santil hu

⁵ Li Dios quixcꞌut chicuu nak tento tebinchꞌutub li nequeꞌtaklan saꞌ li tenamit ut eb li nequeꞌcꞌamoc be joꞌqueb ajcuiꞌ chixjunileb li tenamit re nak teꞌajla̱k li junju̱nk cabal. Quintau li hu li tzꞌi̱banbil cuiꞌ lix cꞌabaꞌeb li queꞌsukꞌi chak xbe̱n cua. Tzꞌi̱banbil retalil chi joꞌcaꞌin:

Nehemías 7:5 ပူးပေါင်းရင်းမြစ်များ

Santiago 1:16

Ex was wiitz'in raarookex inb'aan, meeb'alaq'i eerib':

Colosenses 1:29

A'an aj e naq q'axal ninyal inq'e sa' link'anjel rik'in xnimal xwankil li Kriist, li kaw yo chi k'anjelak wik'in.

2 Corintios 8:16

B'anyox re li Yos naq xreek'asi xch'ool laj Tito cheraab'al jo' naq q'axal nekexinra laa'in:

2 Corintios 3:5

Maajun k'anjel naru naqayoob' qajunes, rik'in ta qawankil. Li Yos b'an nak'ehok qawankil chi xb'aanunkil li naqab'aanu:

1 Corintios 15:10

Ab'anan sa' xk'ab'a' li rusilal li Yos xinkanaak chi jo'ka'in jo' yookex chi rilb'al; ut li rusilal li Yos ink'a' xkanaak chi maak'a' rajb'al wik'in, xb'aan naq q'axal kaw wi' chik xink'anjelak chiru chixjunileb' a'an. Ab'an moko laa'in ta, a' b'an li rusilal li Yos li wank wik'in.

Nehemías 7:64

Eb' a'an kisik'e'k xk'ab'a'eb' sa' xhuhil li xyo'lajikeb', ab'an moko kitawe'k ta. Jo'kan naq ke'isiik sa' xyanqeb' laj tij.

Nehemías 6:14

Toja' naq kintijok chi jo'ka'in: “At inYos, chijultiko'q aawe laj Tobías ut laj Sanbalat rik'in li k'aru xe'xb'aanu. Misachk ajwi' sa' aach'ool lix Nohadía li propeet jo' ajwi' li junch'oleb' chik chi propeet li ke'raj roksinkil inxiw”.

Nehemías 5:19

Chirix chik a'an kintijok chi jo'ka'in: “Chinjultiko'q taxaq aawe, at inYos; chinaawosob'tesi sa' xk'ab'a' chixjunil li xinb'aanu cho'q re li tenamit a'in!”.

Esdras 7:27

Toja' naq laj Esdras kitijok chi kama'in: “Usilaatinanb'il taxaq li Qaawa', xYos eb' li qana' qayuwa', li xtoch'ok xch'ool li awab'ej re naq tixk'e xloq'al li rochoch li Qaawa' aran Jerusalén.

Esdras 2:62

Eb' a'in ke'xtz'ili rix sa' xhuhil li xyo'lajikeb', ab'an ink'a' ke'tawe'k xk'ab'a'. Jo'kan naq ink'a' ke'ruuk ok cho'q aj tij.

Nehemías 7:4

Q'axal nim li tenamit Jerusalén, ab'an ink'a' k'iheb' li wankeb' aran, xb'aan naq toj maji' yiib'anb'ileb' chixjunileb' li kab'l.

Proverbios 2:6

Xb'aan naq a' li Qaawa' nak'ehok re li chaab'il k'a'uxl; rik'in A'an nachalk li nawok ut li na'leb'ak.

Proverbios 3:6

Sa' chixjunil li k'aru taab'aanu wanq sa' aach'ool li Qaawa' Yos, ut A'an tixtiikob'resi laab'e.