Nehemías 7:2 - Q'eqchi Bible

² Kinxaqab'eb' chi xjolominkil Jerusalén laj Jananí li wiitz'in jo' ajwi' laj Jananías, xjolomil li kawub'resinb'il na'ajej, xb'aan naq a'an tiik xch'ool ut q'axal naxxiwa ru li Yos.

Li Santil hu

² Quinxakab li cui̱tzꞌin laj Hanani ut laj Hananías re nak eb aꞌan teꞌilok re li tenamit Jerusalén. Laj Hananías aꞌan li nataklan saꞌ xbe̱neb li soldados. Quinxakab aꞌan xban nak aꞌan kꞌaxal ti̱c xchꞌo̱l chiruheb li jun chꞌol chic ut naxxucua ru li Dios.

Nehemías 7:2 ပူးပေါင်းရင်းမြစ်များ

Nehemías 1:2

naq kiwulak laj Jananí, li wiitz'in, rochb'eeneb' wiib' oxib' chi winq chalenaqeb' Judá. Toja' naq kinpatz' reheb' chirix Jerusalén ut chanru wankeb' laj Judiiy li ink'a' koheb' chi preexil aran Babilonia.

San Mateo 25:21

Ut laj eechal re kixye: «Us, chaab'il aj k'anjelat ut tiik aach'ool! Tiik aach'ool naq xatwank rik'in li b'a'b'ay, tink'e aawankil sa' xb'een naab'al chik. Tattz'aqonq sa' xsahilal xch'ool laj eechal aawe».

Salmos 101:6

Taasaho'q li waanm rik'ineb' li tiikeb' xch'ool re naq te'wanq wik'in. A' li nab'eek sa' li b'e jwal chaab'il a'an taakanaaq cho'q aj k'anjel chiwu.

Nehemías 10:23

laj Oseas, laj Jananías, laj Jasub,

Nehemías 2:8

Jo'wi' anchal tz'iib'a junaq hu cho'q re laj Asaf, laj k'aak'alehom reheb' li k'iche' re li awab'ej, re naq tixk'e inche' tinyiib' wi' rokeb'aal li kawub'resinb'il na'ajej chi xk'atq li Loq'laj Ochoch, jo' ajwi' li xsuttz'akil li tenamit ut li ochoch tinhilanq wi'”. Li awab'ej kixk'e we chixjunil li kintz'aama, xb'aan naq li rusilal linYos wank wik'in.

1 Reyes 18:3

Toja' naq laj Ajab kixtaqla xb'oqb'al laj Abdías, laj ilol re li rochoch li awab'ej. Laj Abdías k'ajo' naq naxloq'oni ru li Qaawa',

2 Timoteo 2:2

ut jo'ch'inal jo'nimal li xawab'i wik'in chiruheb' naab'al chi testiiw, a'an ajwi' chaq'axtesi reheb' winq aj paab'anel li te'xnaw moqon xtzolb'al jalaneb' chik.

1 Corintios 4:2

Li na'ajmank ru rik'ineb' laj k'anjel, a'an naq tiikaqeb' xch'ool.

Daniel 6:4

Toja' naq li xjolomileb' li junq teep chi tenamit jo'wi' eb' li ninqeb' xwankil ke'ok chi xsik'b'al k'aru te'xjit wi' laj Daniel chirix li xk'anjel; ab'anan maak'a' k'aru ke'xtaw xb'aan naq jwal tiik xch'ool laj Daniel ut maak'a' xmaak, maak'a' k'aru taaq'use'q wi'.

Li xHu LAJ JOB 1:1

Sa' li tenamit Us kiwank jun li winq aj Job xk'ab'a', tiik xch'ool ut chaab'il xk'a'uxl: naroxloq'i li Yos ut naxtz'eqtaana li ink'a' us.

Nehemías 13:13

Moqon kinxaqab' oxib' chi winq re rilb'aleb' li k'uuleb'aal: a' laj Selemías laj tij, laj Sadok aj tz'iib' ut laj Pedaías aj Leví; kink'e ajwi' xk'anjel laj Janán, ralal laj Sakur ut xmam laj Matanías, cho'q aj tenq' re, xb'aan naq tiikeb' xch'ool chixjunileb'.

Nehemías 5:15

Ab'anan eb' laj taqlanel li ke'wank xb'een chiwu laa'in, ke'numtaak chi taqlank sa' xb'een li tenamit: rajlal kutan neke'xpatz' reheb' ka'k'aal chi tumin plaat jo' xkub'siil cho'q re li xwa ruk'a'eb'. Jo'kan ajwi' ke'xb'aanu eb' laj k'anjel chiruheb'. A'ut laa'in maajun wa kinb'aanu a'an xb'aan naq ninxiwa ru li Yos.

1 Reyes 18:12

Naq tin'elq chawu, li xmusiq' li Qaawa' tatxk'am sa' junaq na'ajej li ink'a' ninnaw laa'in. Ut naq akaq xo'inye re laj Ajab naq wankat arin, taachalq li awab'ej chasik'b'al; ab'anan ink'a' tatxtaw, jo'kan naq tinxkamsi. Laa'in ninpaab'ank chiru li Qaawa' chalen chaq sa' insaajilal.

2 Samuel 23:3

Li xYos laj Israel x'aatinak, laj Kolol re laj Israel xye we: «Li nataqlank sa' xb'eeneb' li tenamit sa' tiikilal ut na'awab'ejink chi k'ojk'o xch'ool rik'in li Yos,

Números 12:7

Ab'an moko jo'kan ta ninb'aanu re laj Moisés laj k'anjel chiwu; chixjunil lintenamit q'axtesinb'il re.

Éxodo 18:21

Ab'an sik'eb' ru li winq seeb'eb' xch'ool sa' xyanq li tenamit, li neke'xxiwa ru li Yos, tiikeb' xch'ool ut aj tz'eqtaanahom re tuminaak, ut k'eheb' xwankil sa' xb'een li tenamit: wan te'xjolomi lajeetqk'aal rox o'q'ob' (1,000), wan o'taqk'aal (100), wan lajeetq roxk'aal (50) ut wan chik lajeetq.

Génesis 42:18

Sa' rox li kutan laj José kixye reheb': “Laa'in ajwi' ninxiwa ru li Yos. B'aanuhomaq li tinye ut texkole'q.

San Mateo 24:45

“Ani li moosej tiik xch'ool ut wank xna'leb' li kik'ehe'k xwankil xb'aan laj eechal re sa' xb'eeneb' li rech moosil re xk'eeb'al xwaheb' sa' xq'ehil?

Nehemías 7:3

Ut kinye reheb': “Ink'a' taateemanq li rokeb'aal Jerusalén toj reetal taa'ok chi tiqwok li saq'e. Ut taatz'apmanq ut taanat'manq rix chi us naq toj wanqeb' laj k'aak'alenel. Xaqab'omaqeb' aj k'aak'alenel sa' xyanqeb' laj Jerusalén, wan te'kanaaq sa' li k'aak'aleb'aal ut wankeb' chik chiru li rochocheb'”.