Nehemías 7:1 - Q'eqchi Bible

¹ Naq ak xyaalo'k li suttz'ak ut k'eeb'ileb' chik sa' xna'ajeb' li tz'apb'a-okeb'aal, ke'xaqab'aak chi k'anjelak eb' laj k'aak'alenel, laj b'ichanel ut laj Leví.

Li Santil hu

¹ Ut nak ac xya̱loꞌ li tzꞌac ut nak ac xeꞌqꞌueheꞌ saꞌ xnaꞌajeb li puerta re li oqueba̱l, queꞌxakaba̱c laj levita chi cꞌanjelac saꞌ li templo. Cuan li queꞌqꞌueheꞌ chi cꞌacꞌale̱nc saꞌ eb li oqueba̱l, ut cuan li queꞌqꞌueheꞌ chokꞌ aj bichanel.

Nehemías 7:1 ပူးပေါင်းရင်းမြစ်များ

Nehemías 6:15

Kiyaalo'k li suttz'ak sa' li oob' xka'k'aal xb'e li po Elul: kab'laju roxk'aal kutan kiyaalo'k wi'.

Nehemías 6:1

Laj Sanbalat, laj Tobías, laj Kesen aj Arabia ut eb' li xkomon li xik' neke'ilok qe ke'rab'i resil naq laa'in xinwaklesi wi' chik li xsuttz'akil li tenamit ut maak'a' chik xhopoxil, us ta maji' k'eeb'il li tz'apb'a-okeb'aal sa' xna'aj.

2 Crónicas 31:2

Moqon laj Esekías kixk'eheb' chi ch'uut eb' laj tij ut eb' laj Leví, a' yaal chanru xk'anjel li junjunq, ma chirix k'atok mayej malaj mayejak re li k'amok ib' sa' usilal rik'in li Yos, ma re loq'onink malaj b'anyoxink, malaj ut re b'ichank sa'eb' rokeb'aal li xloq'laj muheb'aal li Qaawa'.

Nehemías 12:24

Li xjolomileb' laj Leví a'aneb' a'in: laj Jasabías, laj Serebías, laj Josué, laj Binuy, laj Kadmiel ut eb' li rech'alaleb', wankeb' chiruheb' re xnimankil ut xb'anyoxinkil li Yos, sa' xkutankil li xk'anjeleb', jo' chanru chaq'rab'inb'ileb' wi' xb'aan laj David, laj k'anjel chiru li Yos.

Nehemías 11:3

A'aneb' a'in li xjolomileb' li tenamit ke'kanaak Jerusalén. Sa' xteepal Judá koxe'na'ajunq eb' laj Israel, eb' laj tij, eb' laj Leví, eb' laj k'anjel sa' rochoch li Yos ut eb' li ralal xk'ajol li ke'k'anjelak chiru laj Salomón, li junjunq wank xtenamit ut li xch'och'.

Nehemías 10:39

xb'aan naq eb' laj Israel ut eb' laj Leví tento te'xk'am li triiw, li b'iin ut li aseeyt sa'eb' li k'uuleb'aal a'an. Aran wankeb' ajwi' li xk'anjelob'aal li rochoch li Yos, jo' ajwi' eb' laj tij li neke'k'anjelak, eb' laj k'aak'alenel okeb'aal ut eb' laj b'ichanel. Ut kiqaye ajwi' naq ink'a' tqakanab' li rochoch li qaYos.

Esdras 3:8

Naq ak wiib' chihab' chik xwulajikeb' sa' rochoch li Yos aran Jerusalén, sa' xkab' li po, ke'xtikib' k'anjelak laj Sorobabel, ralal laj Sehaltiel, ut laj Josué, ralal laj Josadak, rochb'eeneb' li ras riitz'ineb', eb' laj tij, eb' laj Leví ut jo'k'ihaleb' li ke'sutq'iik Jerusalén. Wankeb' aj Leví aj junmay chihab' ut li ak numenaq ke'xaqab'aak chi xjolominkil li xk'anjelankil li rochoch li Qaawa'.

2 Reyes 7:10

Ke'elk sa' li na'ajej a'an ut naq ke'wulak sa' li rokeb'aal li tenamit, ke'xb'oqeb' laj k'aak'alenel ut ke'xye reheb': “Xoowulak sa' xmuheb'aaleb' laj Aram, ut aran maa'ani chik wank; chi moko xyaab' xkux junaq poyanam na'ab'imank. Ka'ajwi' eb' li kawaay ut eb' li b'uur b'ak'b'ookeb' xqataw aran, ut eb' li muheb'aal toj xaqxookeb' sa' li xna'ajeb'”.

Nehemías 6:19

Chiwu laa'in neke'xye naq q'axal us xb'aanu laj Tobías, ut li k'aru ninye, neke'xye wi' chik re. Ut laj Tobías naxtaqla naab'al li hu wik'in re inxib'esinkil.