Nehemías 4:8 - Q'eqchi Bible

⁸ ut ke'xk'amchi'i rib' sa' junajil re naq junchalikaqeb' chi yalok rik'in Jerusalén ut xpoqoqinkil li tenamit.

Li Santil hu

⁸ Chixjunileb queꞌxjunaji ribeb chixcꞌu̱banquil chanru nak ta̱ru̱k teꞌcha̱lk chi pletic kiqꞌuin re kaqꞌuebal saꞌ chꞌaꞌajquilal.

Nehemías 4:8 ပူးပေါင်းရင်းမြစ်များ

Jeremías 20:10

Nawab'i naq neke'hashotk eb' li poyanam: “Yalaq b'ar wank li rahilal. Kimqex ut qajitaq”, chankeb'. Eb' li wamiiw yookeb' ajwi' royb'eninkil naq tinluktaaq, ut neke'xye: “Mare tixkanab' rib' chi b'alaq'iik; toja' naq toonumtaaq sa' xb'een ut tqak'e reeqaj re li naxye”, chankeb'.

Nehemías 4:7

Naq laj Sanbalat, laj Tobías, eb' laj Arabia, eb' laj Amón ut eb' laj Asdod ke'rab'i resil naq kaw yookeb' chi xwaklesinkil wi' chik li xsuttz'akil Jerusalén jo'wi' xtz'apb'al eb' li hopox, q'axal ke'chalk xjosq'il

Deuteronomio 1:29

“Toja' naq laa'in kinye eere: «Mexxiwak, meexiwa ruheb'.

2 Samuel 10:12

Kawaq aach'ool ut qayalaq qaq'e sa' xk'ab'a' li qatenamit ut sa' xk'ab'a'eb' li xtenamit li qaYos. Ut li Qaawa' taxaq tixb'aanu li k'aru us chiru”.

2 Crónicas 32:7

“Kawaq eerib' ut chiwanq xkawub' eech'ool! Mexxiwak ut meexib'e eerib' chiru li awab'ej re Asiria, chi moko chiruheb' li k'iila o'q'ob' chi aj puub' rochb'een chaq, xb'aan naq li ani qochb'een laa'o, q'axal kaw rib' chiru li wan chaq rochb'een laj Senakerib.

Nehemías 1:5

Ut kinye re: “At Qaawa', at Eechal re li choxa, laa'at li Nimajwal Yos ut xiwajel aawu! Junelik wank sa' laach'ool li loq'laj sumwank ut laarahom cho'q reheb' li neke'rahok aawe ut neke'xpaab' laachaq'rab'.

Daniel 9:25

Ab'i li yookin xyeeb'al aawe ut chatawaq ru: Chalen naq x'elk li chaq'rab' re xwaklesinkil wi' chik Jerusalén toj taawulaq xkutankil li xk'ulunik laj jolominel sik'b'il ru, tento taanume'q wuqub' xamaan. Chirix chik a'an te'yiib'amanq wi' chik eb' li b'e jo'wi' eb' li tz'ak chiru wiib' xkaak'aal xamaan; ab'anan q'axal rahaq xnumsinkileb' li kutan a'an.