Nehemías 4:6 - Q'eqchi Bible

⁶ Jo'ka'in naq kiqawaklesi li xsuttz'akil Jerusalén li kiwulak sa' xyiitoq li xteram. K'ajo' naq ke'xk'e xch'ool li tenamit chi k'anjelak.

Li Santil hu

⁶ Quicuulac yitok xteram li tzꞌac kayi̱b xban nak li tenamit queꞌxqꞌue xchꞌo̱l chi cꞌanjelac.

Nehemías 4:6 ပူးပေါင်းရင်းမြစ်များ

Filipenses 2:13

xb'aan naq a' li Yos na'eek'asink eere chi rahok ut chi k'anjelak, jo' chanru na'alaak sa' xch'ool.

Hebreos 13:21

a'an taxaq chik'uub'anq re leeyu'am rik'in chixjunil li chaab'ilal re xb'aanunkil li rajom. A'an taxaq chib'aanunq qik'in li nawulak chiru sa' xk'ab'a' li Jesukriist: rehaq taxaq li loq'al junq'e junq'e kutan. Jo'kan taxaq.

Nehemías 6:15

Kiyaalo'k li suttz'ak sa' li oob' xka'k'aal xb'e li po Elul: kab'laju roxk'aal kutan kiyaalo'k wi'.

1 Crónicas 29:14

Anihin laa'in ut k'aru lintenamit re naq tqaq'axtesi aawe li yeechi'om a'in? Li xyaalalil, naq chixjunil nachalk aawik'in: chixjunil li naqak'e aawe, laa'at ajwi' xatk'ehok qe.

1 Crónicas 29:3

Ak xch'utlaak chixjunil a'in. Ab'an anaqwan tink'e ajwi' cho'q re li rochoch linYos li plaat ut li oor eechaninb'il inb'aan:

Salmos 110:3

Aawe li nimajwal wankilal chalen chaq sa' xkutankil laayo'lajik. Sa' li loq'laj muheb'aal, naq toj maji' nahik'e'k, xatinyoob'tesi.

2 Crónicas 29:36

K'ajo' naq laj Esekías ut chixjunileb' li tenamit ke'saho'k xch'ool xb'aan naq li Qaawa' kixtenq'a li xtenamit chi xb'aanunkil chixjunil a'in sa' junpaat.

Nehemías 4:5

Ink'a' taxaq taakuy xmaa'usilaleb' chi moko chisachq sa' aach'ool li xmaakeb', xb'aan naq xe'xhob' li yookeb' chi xwaklesinkil li xtz'akil laatenamit”.

Nehemías 4:7

Naq laj Sanbalat, laj Tobías, eb' laj Arabia, eb' laj Amón ut eb' laj Asdod ke'rab'i resil naq kaw yookeb' chi xwaklesinkil wi' chik li xsuttz'akil Jerusalén jo'wi' xtz'apb'al eb' li hopox, q'axal ke'chalk xjosq'il

Salmos 122:3

Jerusalén a'an kab'lanb'il chi us ut xchapom rib' chi kaw.

Hageo 1:14

Chi jo'kan li Qaawa' kixwaklesi xch'ool laj Sorobabel, ralal laj Salatiel, aj jolominel re Judá, ut laj Josué, ralal laj Josadak, xyuwa'il laj tij, jo'wi' kixk'e xkawub' xch'ool chixjunileb' li tenamit. Sa' li kaahib' xka'k'aal xb'e li xwaq po naq ak wiib' chihab' rokik chi awab'ejink laj Darío, chixjunileb' ke'xtikib' xyiib'ankil wi' chik li rochoch li Qaawa', li xYoseb' nim xwankil.