Nehemías 4:2 - Q'eqchi Bible

² ut xyeeb'al chiruheb' li xkomon jo'wi' chiruheb' laj puub' re Samaria: “K'aru te'raj xb'aanunkil eb' aj Judiiy a'an li maak'a'eb' xmetz'ew? Ma te'xchoy tab'i' xyiib'ankil li tz'ak ut xyeechi'inkil xmayejeb' chiru jun kutan? Ma te'xyoob'tesi tab'i' eb' li k'atb'il pek a'an li wankeb' sa' jun tuub' chi juk'inb'il ochoch?”.

Li Santil hu

² Ut quixye reheb li rochben ut reheb li soldado aj Samaria: —¿Cꞌaꞌru yo̱queb chixba̱nunquil eb laj judío? ¿Ma cuan ta biꞌ xmetzꞌe̱u eb aꞌan? ¿Cꞌaꞌru yo̱queb chixcꞌoxlanquil? ¿Ma nequeꞌxcꞌoxla ta biꞌ nak ta̱ru̱k teꞌxqꞌue cuiꞌchic lix mayejeb? ¿Ma teꞌxchoy ta biꞌ xyi̱banquil li tzꞌac chiru jun cutan? ¿Ma ta̱ru̱k ta biꞌ teꞌrisi saꞌ li poks li pec ut teꞌxyi̱b cuiꞌchic li tzꞌac riqꞌuin li pec li ac xcꞌat? chan.

Nehemías 4:2 ပူးပေါင်းရင်းမြစ်များ

1 Corintios 1:27

Li Yos kixsik' ru li maak'a' xna'leb' sa' li ruuchich'och' re naq te'k'ute'q xxutaan li wankeb' xna'leb'; kixsik' ru li maak'a' xkawilal sa' ruuchich'och' re naq taak'ute'q xxutaan li jwal kaw rib'.

Zacarías 12:8

Sa' li kutan a'an tintenq'aheb' li wankeb' Jerusalén: li jwal lub'lub'eb' sa' xyanqeb', q'axal kawaqeb' chik rib' jo' laj David; ut eb' li ralal xk'ajol laj David, chanchanaqeb' li Yos, jo'kaqeb' li x'ánjel li Qaawa' chi k'amok b'e chiruheb'.

Habacuc 3:2

At Qaawa', xwab'i laawesil nayeemank, ut xwil xnimal laak'anjel xlajaab'aanu: k'ajo' naq ninloq'oni aawu! At Qaawa', b'aanu wi' chik sa' qayanq, k'e chi nawe'k laab'aanuhom anaqwan. Us ta yo aajosq'il sa' qab'een, jultikaq aawe laanimal aawuxtaan.

Nehemías 12:43

Naab'al li mayej kiyeechi'imank sa' li kutan a'an ut k'ajo'eb' li tenamit chi ninq'ehik, xb'aan naq jun nimla sahil ch'oolej xk'ehom li Yos reheb'. Ke'ninq'ehik ajwi' eb' li ixq ut eb' li kok'al; ut toj chi najt ki'ab'iik li xsahilal xch'ooleb' laj Jerusalén.

Nehemías 4:10

Ut eb' laj Judá ke'xye: “Yo chi lajk xmetz'eweb' laj iiqanel ut numtajenaq li puk'inb'il tz'ak isiik taaraj. Moko tooruuq ta xwaklesinkil wi' chik li suttz'ak”, chankeb'.

Nehemías 12:27

Naq kiwulak xq'ehil xninq'ehinkil li xsuttz'akil Jerusalén, ke'sik'je'k laj Leví sa' chixjunil li na'ajej re xk'amb'aleb' chaq Jerusalén, re xninq'ehinkil ut xq'axtesinkil li suttz'ak sa' ruq' li Yos rik'in sahil ch'oolej, b'ichank, b'anyoxink rik'in xyaab' aarp, tzojtzoj ut wajb'.

Nehemías 6:15

Kiyaalo'k li suttz'ak sa' li oob' xka'k'aal xb'e li po Elul: kab'laju roxk'aal kutan kiyaalo'k wi'.

Jeremías 26:18

“Chiru xyu'amil laj Esekías, awab'ej re Judá, laj Mikeas aj Moréset ki'aatinak sa' xk'ab'a' li Qaawa' naq kixye reheb' chixjunil li tenamit: «Jo'ka'in xye li Nimajwal Yos: Sión kama'aq chik li k'aleb'aal re awk, ut Jerusalén taakanaaq cho'q po'lem, ut taak'iche'o'q li xna'aj li rochoch li Yos».

Jeremías 33:24

“Ma ink'a' nakawab'i naq eb' li poyanam neke'xye naq xintz'eqtaanaheb' li wiib' teep chi tenamit insik'om ru, a' laj Israel ut laj Judá? Jo'kan naq neke'xtz'eqtaana lintenamit, chi moko neke'ril jo' junaq tenamit.

Zacarías 4:10

Li ink'a' xk'e xloq'al li xtiklajik li k'anjel, taasaho'q chik naq taaril chi yaalo'k li xk'anjel laj Sorobabel”. Chirix chik a'an li ánjel kixye: “Eb' li wuqub' chi eetalil a'in, a'aneb' xsa' ruheb' li Qaawa' li naril wi' chixjunil li ruuchich'och'”, chan.

Esdras 4:4

Toja' naq li tenamit li wankeb' sa' li na'ajej a'an ke'xyoob' xch'inankil xch'ooleb' laj Judá ut ke'roksi xxiweb' re naq te'xkanab' kab'lak.

Salmos 83:4

Neke'xk'uub' ch'a'ajkilal sa' muqmu chirix laatenamit, neke'xyoob' raaxiik' chirixeb' li sik'b'ileb' ru aab'aan:

Daniel 9:25

Ab'i li yookin xyeeb'al aawe ut chatawaq ru: Chalen naq x'elk li chaq'rab' re xwaklesinkil wi' chik Jerusalén toj taawulaq xkutankil li xk'ulunik laj jolominel sik'b'il ru, tento taanume'q wuqub' xamaan. Chirix chik a'an te'yiib'amanq wi' chik eb' li b'e jo'wi' eb' li tz'ak chiru wiib' xkaak'aal xamaan; ab'anan q'axal rahaq xnumsinkileb' li kutan a'an.