Nehemías 2:8 - Q'eqchi Bible

⁸ Jo'wi' anchal tz'iib'a junaq hu cho'q re laj Asaf, laj k'aak'alehom reheb' li k'iche' re li awab'ej, re naq tixk'e inche' tinyiib' wi' rokeb'aal li kawub'resinb'il na'ajej chi xk'atq li Loq'laj Ochoch, jo' ajwi' li xsuttz'akil li tenamit ut li ochoch tinhilanq wi'”. Li awab'ej kixk'e we chixjunil li kintz'aama, xb'aan naq li rusilal linYos wank wik'in.

Li Santil hu

⁸ Ut quinye ajcuiꞌ re nak tixtzꞌi̱ba junak li hu re laj Asaf li na-iloc re li qꞌuicheꞌ bar narisi cuiꞌ xcheꞌ li rey. Tixye re nak tixqꞌue incheꞌ re tinyi̱b cuiꞌchic xpuertil li oqueba̱l re li tenamit joꞌ ajcuiꞌ li tzꞌac li sutsu cuiꞌ li tenamit ut re nak tinyi̱b ajcuiꞌ li cuochoch bar tincua̱nk cuiꞌ la̱in. Ut li rey quixqꞌue cue chixjunil li quintzꞌa̱ma xban nak li Ka̱cuaꞌ Dios yo̱ chi tenkꞌa̱nc cue.

Nehemías 2:8 ပူးပေါင်းရင်းမြစ်များ

Esdras 7:6

Laj Esdras a'an jun li winq tzolb'il chi us sa' li Chaq'rab' li kik'ehe'k re laj Moisés xb'aan li Qaawa', xYos laj Israel. Li ruq' li Qaawa' li xYos wank sa' xb'een; jo'kan naq chixjunil li k'aru naxpatz', nak'ehe'k re xb'aan li awab'ej. Laj Esdras ki'elk Babilonia ut koho Jerusalén.

Isaías 66:14

Naq teeril a'in, q'axal taasaho'q leeraanm ut taak'ulunq wi' chik leech'ool jo' li raxpim. Li Qaawa' tixk'ut li xwankilal sa' xyanqeb' laj k'anjel chiru, ut li xjosq'il taak'utunq sa' xyanqeb' li xik' neke'ilok re.

Nehemías 7:2

Kinxaqab'eb' chi xjolominkil Jerusalén laj Jananí li wiitz'in jo' ajwi' laj Jananías, xjolomil li kawub'resinb'il na'ajej, xb'aan naq a'an tiik xch'ool ut q'axal naxxiwa ru li Yos.

Daniel 1:9

Li Qaawa' kirusila ru laj Daniel ut kixk'e naq li xtz'aamahom taak'ulub'aaq xb'aan laj Aspenas, xjolomileb' laj k'anjel.

Esdras 5:5

Ab'anan li Yos yo chi ilok reheb' laj k'amol xb'eheb' laj Judiiy, ut ink'a' kixaqliik li xk'anjeleb' re royb'eninkil naq taataqlaaq resil chixjunil a'an rik'in laj Darío ut taachalq xsumenkil li hu.

Génesis 32:28

li winq kixye: “Chalen anaqwan ink'a' chik taak'ab'a'in aj Jakob, aj Israel b'an chik laak'ab'a'. Xb'aan naq xayal laametz'ew rik'in li Yos ut rik'ineb' li winq, ut xatq'axok u”.

2 Corintios 8:16

B'anyox re li Yos naq xreek'asi xch'ool laj Tito cheraab'al jo' naq q'axal nekexinra laa'in:

Hechos 26:22

Ab'anan li Yos xinxtenq'a, ut chalen toj sa' li kutan a'in yookin chi xch'olob'ankil li yaal chiruheb' li kok' ut chiruheb' li ninq. Li yookin chi xyeeb'al, a'an ajwi' li ak yeeb'il chaq xb'aaneb' li propeet ut laj Moisés, chirix li k'aru tento taak'ulmanq:

Hechos 7:10

ut kirisi sa' chixjunil li xrahilal. Kixk'e xna'leb' re naq usilal tixtaw chiru laj Parahón, awab'ej re Ejiipt; ut a'in kixxaqab' laj José cho'q aj jolominel re Ejiipt jo'wi' re chixjunil li xjunkab'al.

Proverbios 21:1

Li xk'a'uxl li awab'ej chanchan jun nima', li nak'ame'k xb'aan li Yos b'arwi' naraj A'an.

Esdras 7:9

Kixxaqab' xkutankil li relik aran Babilonia sa' li xb'een kutan re li xb'een po, ut kiwulak Jerusalén sa' li xb'een kutan re li ro' po. Relik chi yaal naq li ruq' li Yos wank sa' xb'een.

Esdras 6:22

Chiru wuqub' kutan ke'xninq'ehi li xKutankil li wa ink'a' yuub'il, chi sa sa' xch'ooleb', xb'aan naq li Qaawa' kixnujob'resiheb' rik'in sahil ch'oolej naq kixjal xk'a'uxl li awab'ej re Asiria re xtenq'ankileb' chi xyiib'ankil wi' chik li rochoch li Qaawa', li xYos laj Israel.

Eclesiastés 2:5

Xinyiib' xna'ajeb' li wawimq ut xna'ajeb' li wuutz'u'uj; ut yalaq k'a' chi che'ul li na'uuchink xwaw aran.

Eclesiastés 2:6

Xinyiib' ajwi' inpumleb'aal ha' re xt'aqresinkil li xchaq'alil ru awimq.

Esdras 6:8

A'an a'in linchaq'rab' chirix xtenq'ankileb' laj k'amol xb'eheb' laj Judiiy chi xkab'lankil wi' chik li rochoch li Yos: Rik'in li toj li nak'eemank chaq junpak'al li nima' Éwfrates cho'q re li awab'ej, taatojmanq jo'nimal taasachmanq ut taak'ehe'q li tumin a'in reheb' li winq a'an chi tz'aqal re ru, re naq ink'a' taaxaqliiq li k'anjel.