Nehemías 11:1 - Q'eqchi Bible

¹ Eb' li xjolomil li tenamit ke'na'ajunk Jerusalén; ut eb' li junch'ol chik ke'b'uuliik rixeb', re naq sa' xyanq li lajeetq chi winq jun taakanaaq chi wank Jerusalén, li Loq'laj Tenamit, ut li b'eleeb'eb chik toxe'na'ajunq sa'eb' li jalaneb' tenamit.

Li Santil hu

¹ Eb li nequeꞌtaklan saꞌ xya̱nkeb laj Israel queꞌcana chi cua̱nc saꞌ li santil tenamit Jerusalén. Ut li joꞌ qꞌuial chic queꞌbu̱lic re rilbal ani na reheb teꞌcana̱k chi cua̱nc aran Jerusalén. Ju̱nk cabal saꞌ xya̱nk li laje̱tk cabal queꞌcana aran ut eb li bele̱tk cabal chic queꞌco̱eb chi cua̱nc saꞌ eb li tenamit li cuanqueb xcue̱nt Jerusalén.

Nehemías 11:1 ပူးပေါင်းရင်းမြစ်များ

Isaías 48:2

Nekeye naq laa'ex li santil tenamit Jerusalén ut nekek'ojob' eech'ool rik'in li Qaawa', li xYos laj Israel, li naxk'ab'a'in «Nimajwal Yos».

Isaías 52:1

Ajen, ajsi aawu, at Sión; tiqib' aawib' rik'in wankilal! Tiqib' aawib' jo' sa' xhonalil li ninq'e, at Jerusalén, santil tenamit! Xb'aan naq eb' laj ab'l tenamit ut eb' li tz'ajn ru xch'ooleb' ink'a' chik te'chalq aawik'in.

Nehemías 11:18

Li xk'ihaleb' laj Leví sa' li Loq'laj Tenamit, a'an kaahib' ro'lajuk'aal (284) chi winq.

Nehemías 10:34

Kiqak'uub' ajwi' naq eb' laj tij, eb' laj Leví ut chixjunil li tenamit te'b'uuliiq rixeb' re rilb'al ani taak'amoq si' rajlal chihab' sa' rochoch li qaYos, tz'aqal sa' xq'ehil, re taak'atmanq sa' xb'een x'artal li Qaawa' li qaYos, jo' chanru tz'iib'anb'il sa' li Chaq'rab'.

San Mateo 4:5

Toja' naq laj tza kixk'am li Jesus sa' li santil tenamit, koxxaqab' sa' ru'uj li rochoch li Yos

Hechos 1:24

Ut ke'tijok chi jo'ka'in: “At Qaawa', laa'at nakatnawok re xch'ooleb' chixjunileb', chak'ut chiqu ani reheb' li wiib' a'in xasik' ru.

San Mateo 27:53

ut naq ak xwakliik chi yo'yo li Jesus, ke'ok sa' li santil tenamit ut ke'xk'ut rib' chiruheb' naab'al li poyanam.

Proverbios 16:33

Li winq naxb'uuli rix li tixb'aanu, ab'an li Qaawa' yaal re sa' xb'een chixjunil.

Salmos 122:5

Arin wank li raqleb'aal aatin, a' li xraqleb'aal aatin li rochoch laj David.

1 Crónicas 26:13

Ke'xb'uuli rix li k'anjel re rilb'al ani sa' li junjunq chi kab'al taatz'aq k'aak'alenk sa'eb' li okeb'aal. Eb' li cheekeb' tento te'k'anjelaq juntaq'eet rik'ineb' li toj saajeb'.

Josué 18:10

Toja' naq laj Josué kixb'uuli rix li na'ajej aran Siló, chiru li Qaawa', ut kixjek'i li ch'och' sa' xyanqeb' laj Israel.

Hechos 1:26

Ke'xb'uuli rixeb' ut li maatan kinaqk sa' xb'een laj Matías; ut kik'eemank sa' ajl sa' xyanqeb' li junlaju chi apóstol.

1 Crónicas 9:3

Aran Jerusalén ke'na'ajunk li ralal xk'ajol laj Judá, laj Benjamín, laj Efraín ut laj Manasés.

1 Crónicas 8:28

A'aneb' a'in laj jolominel reheb' li xch'uutaleb' laj Benjamín, li ke'wank aran Jerusalén.

1 Crónicas 9:1

Chixjunileb' laj Israel tz'iib'anb'il xk'ab'a'eb' sa' xHuheb' li awab'ej re Israel. Ab'an eb' laj Judá ke'k'ame'k aran Babilonia xb'aan li xmaa'usilaleb'.

1 Crónicas 9:2

Eb' li ke'sutq'iik chaq xb'enwa re xtawb'al wi' chik li xtenamiteb' ut li xna'ajeb', a'aneb' laj Israel, eb' laj tij, eb' laj Leví ut eb' li neke'k'anjelak sa' rochoch li Yos.

Nehemías 4:22

Sa' ajwi' li honal a'an kinye reheb' li tenamit: “Chejunilex tento teenumsi li q'oqyink Jerusalén eerochb'eeneb' laj tenq'ahom eere. Chi jo'kan took'aak'alenq chi q'eq ut took'anjelaq chi kutan”, chankin.

Salmos 122:6

Chetz'aama tuqtuukilal cho'q re Jerusalén: “Chiwanq taxaq tuqtuukilal aawik'in, at Jerusalén! Che'wanq taxaq sa' sahilal eb' li neke'rahok aawe.