Nehemías 1:5 - Q'eqchi Bible

⁵ Ut kinye re: “At Qaawa', at Eechal re li choxa, laa'at li Nimajwal Yos ut xiwajel aawu! Junelik wank sa' laach'ool li loq'laj sumwank ut laarahom cho'q reheb' li neke'rahok aawe ut neke'xpaab' laachaq'rab'.

Li Santil hu

⁵ Ut quinye: —At Ka̱cuaꞌ, at inDios, li cuancat saꞌ choxa, kꞌaxal nim a̱cuanquil ut xiu xiu a̱cuu. Nintzꞌa̱man cha̱cuu xban nak la̱at junelic nacaba̱nu li cꞌaꞌru cayechiꞌi xba̱nunquil saꞌ li contrato li caba̱nu riqꞌuineb la̱ tenamit. Nacacuuxta̱na ruheb li nequeꞌrahoc a̱cue ut eb li nequeꞌba̱nun re li cꞌaꞌru naxye saꞌ la̱ chakꞌrab.

Nehemías 1:5 ပူးပေါင်းရင်းမြစ်များ

Éxodo 20:6

ab'anan nawuxtaana ru chi junelik eb' li neke'rahok we ut neke'xpaab' linchaq'rab'.

Deuteronomio 7:21

Jo'kan b'i', maaxiwa ruheb' xb'aan naq wank aawik'in li Qaawa' laaYos, li Yos nim xwankil ut xiwajel.

Nehemías 4:14

Ut naq kink'e reetal naq yo xxiweb', kinxaqliik ut kinye reheb' li xninqaleb' ru winq, eb' laj k'amol b'e jo'wi' chixjunil li tenamit: “Meexiwa ruheb'. Jultikaq eere naq li Qaawa' nim xwankil ut xiwajel ru. Yalonqex re xkolb'aleb' leerech'alal, leeralal eek'ajol, leerixaqil ut leerochoch”.

Deuteronomio 7:9

K'e b'i' sa' xnaq' aawu naq li Qaawa' laaYos a'an tz'aqal Yos, a' li Yos tiik xch'ool li naxpaab' li xSumwank ut junelik wank li xrahom rik'ineb' li neke'rahok re ut neke'xpaab' li xchaq'rab'.

Nehemías 9:32

“Jo'kan utan, at Qaawa', at qaYos nim aawankil ut xiwajel aawu, li junelik nakapaab' li sumwank ut laarahom, k'e reetal chixjunileb' li rahilal ke'chalk sa' qab'een, sa' xb'eeneb' li qa'awab'ej ut eb' laj k'amol qab'e, eb' laj tij ut eb' li propeet, sa' xb'eeneb' li qana' qayuwa' ut chixjunil li qatenamit, chalen sa'eb' li kutan naq ke'wank li awab'ej re Asiria toj anaqwan.

1 Reyes 8:23

ut kixye: “At Qaawa', xYos laj Israel, maak'a' chik junaq Yos jo' laa'at taqe'q sa' choxa, chi moko taq'a sa' ruuchich'och'. Laa'at tiik aach'ool chirix laaSumwank ut chaab'ilat rik'ineb' laj k'anjel chawu li nakate'xpaab' chi anchaleb' xch'ool.

1 Crónicas 17:21

Maajun chik tenamit wank sa' ruuchich'och' jo' laatenamit. “Laa'at, at Qaawa', xatkolok reheb' laj Israel, re naq a'anaqeb' laatenamit; xanima li xk'ab'a'eb' ut xab'aanu sachb'ach'oolej q'axal ninqeb' ut xiwajeleb' xb'aan xnimal laarahom. Xawisiheb' sa' ruq'eb' laj Ejiipt ut xawaanilasiheb' li poyanam ut eb' li jalanil yos chiru laatenamit.

Salmos 47:2

Poq'poq'ihomaq leeruq', chejunilex laa'ex li tenamit, japomaq eere xyaab'ankil xk'ab'a' li Yos chi sa leech'ool!

Salmos 89:2

Twaj tinb'icha li xrahom li Qaawa' chi junelik, tinpuktesi resil li xtiikilal laach'ool junq'e junq'e kutan.

Salmos 89:3

Tinye naq k'ojk'o laawuxtaan chi junelik, li xtiikilal laach'ool xaqxo xwankil sa' choxa.

Deuteronomio 7:12

“Wi taak'e reetal eb' li chaq'rab' a'in, wi taapaab' ut taak'anjela ruheb', relik chi yaal naq li xSumwank li Qaawa' laaYos ut li xrahom twanq aawik'in, jo' kixyeechi'i reheb' laana' laayuwa'.

Esdras 1:2

“Jo'ka'in xye laj Siro, awab'ej re Persia: Li Qaawa', li xYos li choxa, xk'e rub'el linwankil chixjunileb' li tenamit sa' ruuchich'och'. Ut a'an xchaq'rab'ink we naq tinkab'la jun rochoch aran Jerusalén, sa' xteepal Judá.

Nehemías 2:4

Kixye li awab'ej: “K'aru taawaj tinb'aanu?”. Toja' naq kinyaab'a xk'ab'a' li choxahil Yos

Nehemías 4:8

ut ke'xk'amchi'i rib' sa' junajil re naq junchalikaqeb' chi yalok rik'in Jerusalén ut xpoqoqinkil li tenamit.

Salmos 76:8

Laa'at xiwajel aawu; ani ta tixkuy wank chawu naq nachalk laajosq'il?

Salmos 89:8

Xiwajel ru li Yos sa' xch'utameb' li ánjel, jwal nim xwankil chiruheb' li jo'k'ihal wankeb' chi xk'atq.