Nahum 3:9 - Q'eqchi Bible

⁹ Etiopía ut Ejiipt a'an li xkawilal xch'ool Nínive, ut q'axal kaweb' rib'; eb' laj Put ut eb' laj Libia, a'aneb' li neke'okenk chirix.

Li Santil hu

⁹ Eb laj Etiopía ut eb laj Egipto queꞌcoloc re li tenamit aꞌan. Ut kꞌaxal cauheb rib. Ut queꞌtenkꞌa̱c ajcuiꞌ xbaneb laj Fut ut eb laj Libia.

Nahum 3:9 ပူးပေါင်းရင်းမြစ်များ

Ezequiel 30:5

Te'kamsiiq rik'in q'esnal ch'iich' eb' laj puub' aj Etiopía, aj Put, aj Lut, chixjunileb' laj Arabia ut eb' laj Kub, jo' ajwi' jo'k'ihaleb' li neke'okenk chirix Ejiipt.

Ezequiel 27:10

Eb' li winq aj Persia, aj Lidia ut aj Libia wankeb' cho'q aj puub' aawik'in; jwal ch'ina'us rilb'aleb' rik'in li xkolb'aleb' rib', ut li xch'iich' puniteb' a'an neke'xk'ut wi' laaloq'al.

Ezequiel 38:5

Rochb'eenaqeb' laj Persia, eb' laj Etiopía ut laj Libia, chixjunileb' wanqatqeb' xkolb'aleb' rib' ut xch'iich' puniteb';

Jeremías 46:9

Taqlahomaqeb' chi yalok eb' li kawaay ut xchapaqeb' raanil chi kaw eb' li b'eleb'aal ch'iich'; xikaqeb' li jwal kaweb' rib' chi yalok: xchapaqeb' li xkolb'al rib' eb' laj Etiopía ut eb' laj Libia, jo' ajwi' eb' laj puub' aj Lidia li neke'kutuk chi chaab'il rik'in simaj.

Isaías 20:5

Eb' li poyanam te'sachq xch'ool ut te'xutaanaq xb'aaneb' laj Etiopía, li royb'enihomeb', ut xb'aaneb' laj Ejiipt, li xkawub' raj xch'ooleb'.

2 Crónicas 12:3

Laj Sosak kichalk rochb'een chaq oxib' o'q'ob' (1,200) chi b'eleb'aal ch'iich' ut oxk'aal mil (60,000) chi kawaay; ut wankeb' ajwi' k'iila o'q'ob' li poyanam chalenaqeb' Ejiipt, ink'a' naru rajlankileb': wankeb' aj Libia, aj Sukí ut aj Etiopía.

Génesis 10:6

A'aneb' a'in li ralal xk'ajol laj Kam: laj Kus, laj Misrahim, laj Put ut laj Kanahán.

1 Crónicas 1:8

Eb' li ralal xk'ajol laj Kam a'aneb': laj Kus, laj Misrahim, laj Put ut laj Kanahán.

2 Crónicas 16:8

Ma ink'a' tab'i' q'axal wi' chik naab'aleb' laj puub' aj Etiopía ut aj Libia, ut xiikileb' li xb'eleb'aal ch'iich' ut eb' li xkawaay ke'yalok wi' aawik'in junxil? Ab'anan rik'in naq xakawu aach'ool rik'in li Qaawa', A'an kixq'axtesiheb' sa' laawuq'.

Ezequiel 31:2

“At kaamel winq, ye re laj Parahón, li awab'ej re Ejiipt, jo'wi' reheb' chixjunil li wankeb' rub'el li xwankil: «Ani tatinjuntaq'eeta wi' rik'in laawankil?

Daniel 11:43

Taareechani chixjunil li oor, li plaat ut li k'a'aq re ru jwal loq' chiruheb' laj Ejiipt. Jo'kan ajwi' te'xk'ul eb' laj Libia ut eb' laj Etiopía.

Ezequiel 29:7

Naq yo'ooneb' chi oyb'enink aawik'in, ink'a' xatenq'aheb', xrahob'tesinkileb' chik xab'aanu; naq xe'xkawu xch'ool chawix, xat-elk chiruheb' ut xach'ina xch'ooleb'.