Nahum 3:7 - Q'eqchi Bible

⁷ Chi jo'kan chixjunileb' li te'iloq aawe te'eleliq chawu ut yooqeb' xyeeb'al: «Xjuk'e'k li tenamit Nínive. Ani taatoq'ob'anq ru? Ani taak'ojob'anq xch'ool?», cha'qeb'.

Li Santil hu

⁷ Chixjunileb li jalan tenamit incꞌaꞌ chic teꞌraj e̱rilbal. Teꞌxye: Eb laj Nínive queꞌsacheꞌ ruheb. ¿Ani ta cuiꞌ ta̱tokꞌoba̱nk ruheb? Ut, ¿ani ta cuiꞌ ta̱cꞌojoba̱nk xchꞌo̱leb? chaꞌkeb.

Nahum 3:7 ပူးပေါင်းရင်းမြစ်များ

Jeremías 15:5

“Ani tawi' taa'iloq xtoq'ob'aal aawu, a Jerusalén? Ani tawi' taaraho'q xch'ool chawix malaj ani taaxaqliiq chi xk'eeb'al xsahil laach'ool?

Isaías 51:19

Ani xraho'k xch'ool chawix naq xchalk li wiib' chi rahilal sa' aab'een: xatjuk'e'k ut xatrahob'tesiik, xattz'okaak ut xatkamk xb'aan li yalok? Ma wank tab'i' junaq xk'ojob'ank re laawaanm?

Apocalipsis 18:10

te'kanaaq chi najt xb'aan xxiweb' chiruheb' li xrahilal ut te'xye: “Toq'ob' aawu, toq'ob' aawu, at Nimla Tenamit, at kawil tenamit Babilonia! Yal chiru jun k'amok xk'ulunk li tojb'amaak teneb'anb'il sa' aab'een!”.

Lamentaciones 2:13

Ani tatinjuntaq'eeta wi', at tenamit Jerusalén? K'a' ta wi' ru tinye aawe? Ani tawi' tkoloq aawe ut tixk'ojob' aach'ool, at Sión k'ajo' xchaq'alil aawu? Jwal nim laarahilal, kama' xnimal li palaw: ani truhanq chak'irtasinkil?

Jeremías 51:9

Ak xqab'an Babilonia, ab'an ink'a' xk'iraak. Qakanab'aq ut li junjunq xikaq sa' li xtenamit, xb'aan naq li xmaa'usilal xwulak toj sa' choxa ut xnawmanje'k toj sa' xb'eeneb' li choql.

Números 16:34

Naq ke'rab'i chi japeb' re, chixjunileb' laj Israel ke'elelik ut ke'xye chirib'ileb' rib': “Mare tooxnuq' ajwi' li ch'och' laa'o”, chankeb'.

Nahum 1:1

Xyehom li Qaawa' chirix li tenamit Nínive. A'an a'in li hu tz'iib'anb'il wi' li moy u kiril laj Nahúm, aj Elkós.

Jeremías 50:18

Jo'kan naq laa'in, li Nimajwal Yos, li xYos laj Israel, ninye chi jo'ka'in: Tink'e chi xtojb'al xmaak li awab'ej re Babilonia jo' ajwi' li xtenamit, jo' xinb'aanu re li awab'ej re Asiria.

Sofonías 2:13

Li Qaawa' tixtaqsi li ruq' sa' xb'eeneb' li na'ajej wankeb' sa' xjayal releb'l iq' re xsachb'al Asiria, ut nakirirnak taakanaaq Nínive, joxk' aj chik taakanaaq wi'.