Nahum 3:6 - Q'eqchi Bible

⁶ Tintuub' li tz'ajn sa' aab'een; tatinkanab' sa' xutaan ut tatink'e chi se'eek.

Li Santil hu

⁶ Chanchan tinqꞌue li tzꞌaj saꞌ e̱be̱n nak texintzꞌekta̱na. Tincꞌut e̱xuta̱n chiruheb li tenamit ut sachso̱k xnaꞌlebeb teꞌcana̱k che̱rilbal.

Nahum 3:6 ပူးပေါင်းရင်းမြစ်များ

Malaquías 2:9

“Xb'aan a'an laa'in ajwi' texink'e chi tz'eqtaanaak ut chi maak'a'aq eeloq'al chiru chixjunileb' li tenamit, xb'aan naq ink'a' nekepaab' li waatin ut toj neketi ruheb' li poyanam sa' xch'olob'ankil li Chaq'rab'”, chan li Nimajwal Yos.

Jeremías 51:37

ut li tenamit a'an taakanaaq jo' jun tuub' chi pek, cho'q xna'ajeb' laj xojb', tz'eqtaananb'ilaq ut xiwajelaq rilb'al; ut maajunaq poyanam taawanq chisa'.

Li xHu LAJ JOB 9:31

ab'an li Yos tinxsub' sa' sulul, ut a'atq ajwi' li waq' taayib'oq we.

Hebreos 10:33

Wankeb' sa' eeyanq xe'hob'e'k ut xe'rahob'tesiik chiruheb' li tenamit. Wank xe'raj tz'aqonk sa' li xrahilaleb' li xe'xk'ul a'an.

1 Corintios 4:9

Xb'aan naq nink'oxla naq li Yos xooxkanab' laa'o li apóstol toj sa' xmaril, kama' wi' naq teneb'anb'il kamk sa' qab'een; k'eeb'ilo chi ka'yaak xb'aan chixjunil li ruuchich'och', jo'eb' li ánjel jo'eb' li tenamit.

Nahum 1:14

A'an a'in li xkawresi cho'q aawe li Qaawa': “At awab'ej re Nínive, maajun aawalal aak'ajol taawanq li te'k'amoq laak'ab'a'. Sa' laatijob'aal tinjuk'eb' laayos ut tinmuri eb' li xjalam uheb'; ut laa'at tatinmuq, xb'aan naq tz'eqtaananb'ilat”.

Li xHu LAJ JOB 30:8

Poyanameb' li maak'a' xk'ulub'eb', ink'a' k'eeb'ileb' sa' ajl ut isinb'ileb' sa' li xtenamiteb'.

San Judas 1:7

Jo'kan ajwi' Sodoom, Gomoor ut eb' li tenamit li ke'wank chi xk'atq, ke'kanaak cho'q xnimal eetalil cho'q qe laa'o: anaqwan neke'xkuy li xtojb'al rix li xmaakeb' sa' li xam chi junelik xb'aan naq, kama'eb' li ánjel, ke'xmux rib' ut ke'xq'axtesi rib' chi xb'aanunkil li jo'maajo'il na'leb'.

1 Corintios 4:13

Nokoohe'xmajewa, ut nokoosumenk rik'in chaab'il aatin. Chalen toj anaqwan chanchano xmulel li ruuchich'och', tz'eqtaananb'ilo xb'aaneb' chixjunil.

Malaquías 2:2

Wi ink'a' nekex'ab'ink ut ink'a' nekek'e sa' leech'ool li xk'eeb'al inloq'al, texinmajewa ut ink'a' texwosob'tesi, xb'aan naq maajun eere naxk'e xch'ool chinpaab'ankil -chan li Nimajwal Yos-.

Sofonías 2:15

Jo'ka'in te'kanaaq li q'axal sa sa' xch'ooleb' naq xe'wank, li tenamit kaw rib' naq naxk'oxla, li naxye sa' xch'ool: “Ka'ajin wi' ut maa'ani chik junaq!”. Ilomaq! Nakirirnak xkanaak, ut xna'ajeb' chik li josq' aj xul. Chixjunileb' li te'nume'q chi xk'atq te'xuxb'aq ut te'xb'anb'ani li xjolomeb'.

Lamentaciones 3:16

Xtoqi li ruuch we chi pek ut xinxtolk'osi sa' pojtz'.

Li xHu LAJ JOB 30:19

xinxkut chiru li ch'och', chanchanin wi' li pojtz' ut li cha.

Ezequiel 16:37

Jo'kan naq eb' li ke'rahink aawu sa' chixjunileb' li na'ajej, jo'k'ihaleb' li kak'ojob'eb' xch'ool jo' ajwi' eb' li katz'eqtaana, teb'inch'utub' chasutam, ut chiruheb' a'an tink'ut laaxutaan re naq tate'ril chi t'ust'uuqat.

Habacuc 2:16

Taanujob'resi aawib' rik'in xutaan ut ink'a' rik'in loq'al, xb'aan naq li Qaawa' tixk'e chawuk' laaha' ut tatxkanab' chi t'ust'u.

Malaquías 2:3

“Tinmaq' cheru leewankilal, tinkut sa' xnaq' eeru li xk'ot leexul nekemayeja chiwu ut texintz'eq chirix kab'l eerochb'eenaq li xk'ot leemayej.