Nahum 3:4 - Q'eqchi Bible

⁴ Ut chixjunil a'in xk'ulmank xb'aan li xmaa'usilal li tenamit Nínive. A'an chanchan jun li ixq aj yumb'eet: k'ajo' li xch'ina'usal ut li xchaq'alil ru, ut k'aynaq chi tuulak. Rik'in li ko'b'eetak ut tuulak xb'aanu naab'aleb' li tenamit xe'b'alaq'iik.

Li Santil hu

⁴ Li tenamit Nínive yo̱ chixcꞌulbal li raylal aꞌin xban nak xnumta li ma̱usilal xeꞌxba̱nu. Chanchaneb jun li ixk aj yumbe̱t. Xban xchꞌinaꞌusal naxbalakꞌiheb li tenamit. Aꞌan tzꞌakal aj tu̱l. Naxkꞌunbesiheb li tenamit toj retal nare̱chaniheb.

Nahum 3:4 ပူးပေါင်းရင်းမြစ်များ

Isaías 47:9

Ab'anan, maak'a'aq sa' laach'ool naq te'chalq li wiib' chi rahilal a'in sa' aab'een: li kanaak sa' junaatalil ut li xsachikeb' laawalal aak'ajol, us ta jwal nakattuulak ut nakatnawalink.

Apocalipsis 18:23

Li xxamlel li saqenk ink'a' chik taasaqeno'q wankat wi', ut li xyaab' xkuxeb' li b'eelomej ut li ixaqilb'ej ink'a' chik taa'ab'iiq aawik'in. Xb'aan naq eb' laj yakonel ke'wank aawik'in a'aneb' li xninqaleb' ru winq sa' ruuchich'och', ut rik'in li tuulak xab'aanu xab'alaq'i chixjunileb' li tenamit”.

Apocalipsis 18:9

Eb' li awab'ej re li ruuchich'och' li ke'xmux rib' rik'in ut sa naq ke'wank rik'in, te'yaab'aq ut huyhutqeb' chirix, naq te'ril li xsib'el li xk'atik;

Isaías 47:8

Ab'i ut anaqwan li aatin a'in, laa'at aj raholat re li sahil wank. Nakak'ojob' aawib' chi maak'a' nakak'oxla, ut nakaye sa' laach'ool: «Ka'ajin wi' ut maak'a' chik junaq. Maajoq'e tinxtaw xrahil li kanaak sa' junaatalil chi moko tinkanaaq chi maak'a'eb' chik li walal ink'ajol».

Ezequiel 16:35

«Jo'kan utan, at aj yumb'eet, ab'i li waatin: