Nahum 3:2 - Q'eqchi Bible

² Na'ab'iik xyaab' li tz'uum ut xyaab' roqeb' li kawaay. Neke'jitz'itz'nak ut neke'pojlok chaq chi chalk eb' li b'eleb'aal ch'iich'.

Li Santil hu

² Abihomak chanru nak yo̱queb chi cha̱lc li teꞌnumta̱k saꞌ e̱be̱n la̱ex aj Nínive. Yo̱queb chixsacꞌbal lix cacua̱yeb re nak teꞌcha̱lk chi junpa̱t. Cau nequeꞌecꞌan chak li rok nak yo̱queb chi cha̱lc. Ut eb lix carruajeb nequeꞌpojloc ut nequeꞌpiscꞌoc chak chi cha̱lc.

Nahum 3:2 ပူးပေါင်းရင်းမြစ်များ

Jeremías 47:3

Naq taa'ab'iiq xyaab' li roqeb' li kawaay ut tz'aapixikaq xyaab'eb' li xsuriil eb' li b'eleb'aal ch'iich', eb' li yuwa'b'ej ink'a' chik te'rileb' li xkok'al xb'aan naq maak'a'aq chik xmetz'eweb'.

Jueces 5:22

“Na'eek'ank li ch'och' xb'aaneb' roq li kawaay; neke'kilb'ak, neke'kilb'ak eb' li kawaay.

Isaías 9:5

Chixjunil li xxaab'eb' laj puub' li kaw na'eek'ank chiru ch'och' ut eb' li aq'ej oso'jenaqeb' sa' kik' te'k'atmanq ut te'oso'q sa' xam.

Joel 2:4

Eb' laj saak' kama' rilb'aleb' li kawaay neke'ilok, neke'aanilak chi kaw kama' eb' li neke'xik chirix kawaay.

Joel 2:5

Tz'aapixik tz'aqal rab'inkileb' naq yookeb' chi aanilak sa' xb'eeneb' li tzuul, kama' xyaab'eb' li k'iila b'eleb'aal ch'iich' re yalok; chanchaneb' li xyaab' li chaqi pim naq yo chi k'atk; jo'eb' laj puub' jwal kaweb' rib' li tzoltzookeb' royb'eninkil li xhonalil li yalok.