Nahum 3:10 - Q'eqchi Bible

¹⁰ Ab'anan eb' laj Tebas ke'isiik ajwi' sa' li xna'ajeb' ut ke'k'ame'k sa' ab'l tenamit; eb' li ralal xk'ajol ke'pik'aje'k chiru tz'ak sa'atqeb' li xaalib'e. Ke'xb'uuli rixeb' li xninqaleb' ru winq ut ke'k'ame'k chi b'ak'b'o eb' li xjolomil li tenamit.

Li Santil hu

¹⁰ Abanan, usta kꞌaxal cauheb rib, eb laj Tebas queꞌchapeꞌ ajcuiꞌ ut queꞌcꞌameꞌ chi najt. Eb li cocꞌal quilajeꞌsaqꞌueꞌ saꞌ eb li xa̱la be toj retal queꞌcamsi̱c. Queꞌbu̱lic chirixeb laj cꞌamol be re teꞌril ani aj iqꞌuin teꞌcana̱k chi mo̱sil li junju̱nk ut eb li cuanqueb xcuanquil queꞌbaqꞌueꞌ riqꞌuin cadena.

Nahum 3:10 ပူးပေါင်းရင်းမြစ်များ

Isaías 20:4

Jo'kan ajwi' li awab'ej re Asiria tixchapeb' laj Ejiipt ut eb' laj Etiopía, a' yaal ma cheek malaj saajil poyanam, ut tixk'ameb' sa' jalanil tenamit chi maak'a'aq raq'eb' chi moko xxaab'eb', tik t'ust'uuqeb' chi junajwa, re xk'utb'al xxutaaneb'.

Abdías 1:11

Sa' li kutan naq eb' li xik' neke'ilok re li tenamit xe'xchap chixjunil ut eb' li jalaneb' xtenamit xe'xjuk' li rokeb'aal Jerusalén ut xe'xb'uuli rix, laa'at ajwi' jun sa' xyanqeb': maak'a' xab'aanu re xtenq'ankileb' laakomon.

Joel 3:3

Ke'xb'uuli rix lintenamit, ke'xk'e li k'uula'al cho'q xtojb'aleb' laj yumb'eet ut ke'xk'ayi li ixqa'al cho'q xtz'aq li b'iin ke'kalaak wi'.

Oseas 13:16

Eb' laj Samaria te'xtoj rix li xmaakeb' xb'aan naq ke'xq'etq'eti rib' chiru li Qaawa' li xYoseb'. Te'kamsije'q chi q'esnal ch'iich', eb' li ralal xk'ajol te'pik'aje'q chiru ch'och' ut eb' li ixq wankeb' sa' yu'am te'jachmanq chi ch'iich'”.

Lamentaciones 2:19

Xaqlin, jap aawe chiru li q'oqyink chi kok'aq xsa'; chate laawaanm chiru li Qaawa', jo' li ha' yo chi xik. Ye' laawuq' chiru li Yos ut tijon chirixeb' laakok'al, li yookeb' chi kamk sa' b'e yalaq b'ar xb'aan li we'ej.

Isaías 13:16

Chiruheb' ajwi' a'an te'sumsak'iiq chiru pek li ralaleb'; taa'elq'aaq xsa' chixjunileb' li ochoch ut te'maakoniiq li rixaqileb'.

Amós 1:13

Jo'ka'in kixye li Qaawa': “Ak k'iila sut xinkuy xmaakeb' laj Amón ut anaqwan maak'a' chik xkuyb'al, xb'aan naq jachb'il xe'xb'aanu reheb' li yaj aj ixq aj Galahad naq xe'xkamsiheb', yal re xmaq'b'al li xch'och'eb'.

Lamentaciones 4:1

K'ajo' naq xq'eqo'k ru li oor, ink'a' chik nalemtz'unk li chaab'il oor! Cha'chookeb' yalaq b'ar sa' b'e li xloq'laj pekil li rochoch li Yos.

Isaías 13:6

Japomaq eere chi yaab'ak xb'aan naq nach' chik wank li xkutankil li Qaawa', jo' jun aj sachonel naq tol'elq li Nimajwal Yos.

Salmos 137:8

At Babilonia aj juk'unelat, us xaq re li taa'eeqajunq aawe li rahilal qak'ulum aab'aan;

2 Reyes 8:12

“K'a'ut naq nakatyaab'ak, wa'chin?”, chan laj Jasahel. Laj Eliseo kixsume: “Xb'aan naq ninnaw li rahilal taab'aanu reheb' laj Israel: taak'ateb' li ochoch kawub'resinb'ileb', taakamsiheb' chi ch'iich' eb' li saaj winq, taaputz'iheb' li xk'uula'aleb' ut taacho'eb' chi ch'iich' li xsa'eb' li ixq wankeb' sa' yu'am”, chan.

Li xHu LAJ JOB 6:27

Laa'ex ink'a' nekexxutaanak chi xk'ayinkil junaq neb'a'yox malaj junaq eeramiiw.

Salmos 137:9

us xaq re li taachapoq reheb' laakok'al ut tixpik'aheb' chi kaw chiru li pek!

Salmos 149:8

re xk'eeb'al sa' tz'alam chixjunileb' li awab'ej, ut xb'ak'b'aleb' rik'in chapleb' ch'iich' li neke'taqlank reheb';

Isaías 19:4

Tinq'axtesi Ejiipt sa' ruq' jun josq' aj winq; jun reemaaru aj awab'ej taanumtaaq sa' xb'eeneb'”, chan li Nimajwal Yos.

Ezequiel 29:7

Naq yo'ooneb' chi oyb'enink aawik'in, ink'a' xatenq'aheb', xrahob'tesinkileb' chik xab'aanu; naq xe'xkawu xch'ool chawix, xat-elk chiruheb' ut xach'ina xch'ooleb'.