Nahum 2:9 - Q'eqchi Bible

⁹ “Elq'ahomaqeb' li plaat ut eb' li oor”, chankeb'. Li xb'ihomal Nínive ink'a' nalajk na'oso'k, ut nujenaq li tenamit chi chaab'il eechej.

Li Santil hu

⁹ Kacꞌamak li plata. Kacꞌamak li oro. Kꞌaxal cuiꞌchic nabal lix biomaleb ut cꞌajoꞌ xchakꞌal ru.

Nahum 2:9 ပူးပေါင်းရင်းမြစ်များ

Daniel 11:8

Tixk'am Ejiipt eb' li xyos, eb' li xjalam u ut li k'a'aq re ru yiib'anb'il rik'in oor ut plaat, ut ink'a' najt te'wanq sa' tuqtuukil usilal.

Ezequiel 26:12

Te'relq'a chixjunil laab'ihomal, te'xxok laak'ay, te'ruq'i laasuttz'ak ut te'xjuk'i eb' laach'ina'usil ochoch; te'xkuti eb' li pek, eb' li tz'amb'a ut chixjunil li mul sa' xchamal li ha'.

Jeremías 51:56

Xchalk laj sachonel sa' xb'een Babilonia, ak xe'chape'k laj puub' ut xe'toqiik li xsimajeb'. Xb'aan naq li Qaawa' a'an jun Yos naq'ajkamunk ut naxk'e re li junjunq jo' chanru li xyehom xb'aanuhom.

Jeremías 25:34

Ex xjolomileb' li tenamit, japomaq eere chi yaab'ak! Ex aj k'aak'alenel ketomq, tolk'osiiq eerib' sa' pojtz' xb'aan xmay li rahilal, xb'aan naq xwulak xq'ehil li raqb'a aatin sa' eeb'een ut texkamsiiq jo'qex li karneer ninqeb' xtib'el.

Isaías 33:4

naxokmank li b'ihomal jo' naq neke'xokok laj saak', ut chixjunileb' neke'xkut rib' sa' xb'een jo'eb' laj saak'.

2 Crónicas 36:10

Sa' li saq'ehil re li chihab' a'an, laj Nabukodonosor kixtaqla chaq xchapb'al laj Johakín re xk'amb'al Babilonia, rochb'een li k'a'aq re ru q'axal loq' re li rochoch li Qaawa', ut kixxaqab' laj Sedesías, rech'alal laj Johakín, cho'q awab'ej re Judá ut Jerusalén.

Isaías 33:1

Rahilal chaalel sa' aab'een, at aj rahob'tesinel toj maji' rahob'tesinb'ilat; aj elq'at chi toj maak'a' na'elq'aak aawe! Naq tatraqe'q chi rahob'tesink ut chi elq'ak, tatrahob'tesiiq ajwi' laa'at ut taa'elq'aaq li k'aru aawe.

Apocalipsis 18:12

a' li oor, plaat, tertookil pek ut lemtz'il q'ol, liino ut púrpura, seda ut kaqjorinkil t'ikr, jo'wi' chixjunil chik li k'iila paay chi sununkil che', chixjunil li k'a'aq re ru yiib'anb'il rik'in marfil, chixjunil li k'a'aq re ru yiib'anb'il rik'in chaab'il che', q'anch'iich', ch'iich' ut mármol;

Apocalipsis 18:16

“Toq'ob' ru, toq'ob' ru li Nimla Tenamit, tiqto rik'in liino, kaqjorinkil ut kaqmoqinkil t'ikr! Toq'ob' ru li nalemtz'unk rik'in oor, tertookil pek ut lemtz'il q'ol!

Jeremías 46:5

Ab'anan k'aru yookeb' chi xk'ulb'al? Eb' laj Ejiipt xe'ch'inank xch'ool ut yookeb' chi elelik; eb' li xsoldaad yo xkamsinkileb' ut yookeb' chi elelik chi ink'a' neke'ilok chirixeb'. Xiwajel rilb'al li rahilal yalaq b'ar -chan li Qaawa'-.

Nahum 3:17

xe'tamk eb' li xninqaleb' ru winq chanchaneb' laj saak', ut eb' laj k'anjel jo'keb' laj raxq'een li neke'xch'utub' rib' chiruheb' li tz'ak xb'aan li ke. Naq natiqwo'k li saq'e, neke'elelik ut neke'sachk, chi maajun nanawok b'ar xkoheb'.