Nahum 2:8 - Q'eqchi Bible

⁸ Jo' li ha' yo chi elk sa' jun li jorol kumb', jo'kan naq yookeb' chi elelik eb' laj Nínive. “Xaqlinqex, xaqlinqex!”, chu'uxk reheb', ab'an maajun nasutq'iik.

Li Santil hu

⁸ Li tenamit Nínive najter chanchan jun li nimaꞌ tzꞌaptzꞌo li rok. Ut nak napuqꞌueꞌ naxic saꞌ junpa̱t li haꞌ. Chanchan nak yo̱ chi e̱lc li haꞌ aꞌan, nak yo̱keb chi e̱lelic saꞌ lix tenamiteb laj Nínive. Usta teꞌyehekꞌ reheb, “Xaklinkex, ut sukꞌinkex chak,” abanan ma̱ jun chic reheb teꞌraj sukꞌi̱c.

Nahum 2:8 ပူးပေါင်းရင်းမြစ်များ

Apocalipsis 17:15

Moqon li ánjel kixye we: “Eb' li ha' xawil b'ar k'ojk'o wi' laj yumb'eet, a'an tenamiteb', xmolameb' li winq, k'iila teep ut k'iila aatinob'aal.

Apocalipsis 17:1

Toja' naq kichalk jun reheb' li wuqub' chi ánjel li wankeb' li wuqub' chi sek' rik'in, ut ki'aatinak wik'in: “Kim -chan we-, ink'utaq chawu li tojb'amaak teneb'anb'il sa' xb'een li xnimal ru aj yumb'eet li k'ojk'o sa' xb'eeneb' li k'iila ha'.

Nahum 3:17

xe'tamk eb' li xninqaleb' ru winq chanchaneb' laj saak', ut eb' laj k'anjel jo'keb' laj raxq'een li neke'xch'utub' rib' chiruheb' li tz'ak xb'aan li ke. Naq natiqwo'k li saq'e, neke'elelik ut neke'sachk, chi maajun nanawok b'ar xkoheb'.

Jeremías 51:30

Eb' laj puub' aj Babilonia xe'xkanab' li yalok ut xe'xtz'ap rib' sa'eb' li kawub'resinb'il ochoch; xe'lub'kje'k, ut jo'eb' aj chik li ixq anaqwan. Xe'k'ate'k li rochocheb' ut xe'weqmank eb' li okeb'aal.

Jeremías 50:16

Maajun teekanab' chi awk aran Babilonia chi moko teekol li naxokok ru awimq sa' xq'ehil li q'olok. Naq te'ril li nimla rahilal, li junjunq taa'eleliq ut taaxik sa' li xtenamit; li junjunq taasutq'iiq wi' chik sa' li xna'aj.

Jeremías 46:5

Ab'anan k'aru yookeb' chi xk'ulb'al? Eb' laj Ejiipt xe'ch'inank xch'ool ut yookeb' chi elelik; eb' li xsoldaad yo xkamsinkileb' ut yookeb' chi elelik chi ink'a' neke'ilok chirixeb'. Xiwajel rilb'al li rahilal yalaq b'ar -chan li Qaawa'-.

Isaías 48:20

Elenqex chaq sa' li tenamit Babilonia, elelinqex chiruheb' laj Kaldeha. Yehomaq li esil a'in chi sa sa' eech'ool, puktesihomaq toj sa' xmaril li ruuchich'och'; yehomaq a'in: “A' li Qaawa' xkolok re laj Jakob, laj k'anjel chiru”.

Isaías 47:13

Xattawaak xb'aan xk'ihaleb' laj k'ehol aana'leb'. Chalqeb' b'i' chakolb'al anaqwan eb' li neke'q'ehink chiru li choxa, eb' li neke'tz'ilok rix eb' li chahim, jo'wi' eb' li neke'xye aawe rajlal po li k'aru taak'ulmanq moqon.

Isaías 13:14

“Toja' naq eb' li poyanam jo'kaqeb' li yuk chi elelik malaj kama'aqeb' li karneer li neke'cha'chotk chi maajun chik nach'utub'ank reheb'. Li junjunq tixchap raanil sa' li xtenamit ut taa'eleliq toj sa' li xk'aleb'aal.

Génesis 10:11

Sa'eb' li na'ajej a'an kichalk chaq laj Asur, li kik'ojob'ank re li tenamit Nínive, Rehobot-Ir, Kálaj

Jeremías 51:13

At Babilonia li wankat chire xninqal nima' ut k'ajo' laab'ihomal, ak xwulak xkutankil laasachik; maajoq'e chik tat-elq'aq.

Jeremías 47:3

Naq taa'ab'iiq xyaab' li roqeb' li kawaay ut tz'aapixikaq xyaab'eb' li xsuriil eb' li b'eleb'aal ch'iich', eb' li yuwa'b'ej ink'a' chik te'rileb' li xkok'al xb'aan naq maak'a'aq chik xmetz'eweb'.

Nahum 1:1

Xyehom li Qaawa' chirix li tenamit Nínive. A'an a'in li hu tz'iib'anb'il wi' li moy u kiril laj Nahúm, aj Elkós.

Isaías 38:14

Kama'in li wilix naq nintz'uyink, ninq'urnak kama' li mukuy. Xe'lub'je'k xsa' li wu chi ilok sa' choxa. At Qaawa', jwal ra wankin, kim chintenq'ankil!

Isaías 59:11

Chiqajunilo xqajap qe jo' li tz'uqtz'un, xooq'urnak jo' li mukuy; xqoyb'eni li qakolb'al, ab'an ink'a' xk'ulunk; xqayo'oni wank chi ach'ab'anb'il, ab'anan xnajto'k qik'in.