Nahum 2:4 - Q'eqchi Bible

⁴ Eb' li b'eleb'aal ch'iich' neke'suutank sa'atqeb' li b'e, ut neke'chalk neke'xik sa' li tenamit; chanchaneb' li raq'xam ut li raq'kaaq naq neke'nume'k.

Li Santil hu

⁴ Eb li carruaje yo̱keb chi xic saꞌ a̱nil saꞌ eb li be. Telajeꞌnumekꞌ saꞌ eb li cꞌayil. Yalak bar telajeꞌxic. Chanchanakeb li xam ut chanchanakeb li rakꞌ ca̱k.

Nahum 2:4 ပူးပေါင်းရင်းမြစ်များ

Jeremías 4:13

Ilomaq, eb' li xik' neke'ilok re li tenamit yookeb' chi chalk jo'eb' li choql; li xkaareb' a'an chanchaneb' li kaqsut-iq' chi chalk, ut eb' li kawaay neke'aanilak chi kaw chanchan xseeb'aleb' li t'iw. Q'axal toq'ob'aal qu xb'aan naq oso'k qe.

Ezequiel 26:10

K'ajo' li pojtz' te'xwaklesi eb' li xkawaay naq li awab'ej re Babilonia taanume'q sa'eb' laawokeb'aal, jo' naq na'uxk ok sa' junaq tenamit re reechaninkil. Tatmuqe'q xb'aan li pojtz', ut hich'hotqeb' laatz'ak sutsuukat wi' naq te'ok li b'eleb'aal ch'iich' ut eb' li neke'b'eek chirix kawaay.

Isaías 66:15

Xb'aan naq li Qaawa' taak'ulunq chaq sa' li xam; jo' li kaqsut-iq' naq te'chalq eb' li xb'eleb'aal ch'iich'. Ut sa' junpaat trisi li xnimal xjosq'il ut taarahob'tesinq jo' naq nasachok li xam.

Daniel 11:40

«Sa' roso'jikeb' li kutan li awab'ej re Ejiipt taayaloq rik'in li awab'ej re Siria, ut a'in taaxik chi xsumenkil rik'in k'iila b'eleb'aal ch'iich', k'iila aj puub' ut naab'aleb' li jukub'; te'ok aran Ejiipt ut te'nume'q jo' li b'ut'iha'.

Isaías 37:24

Chi xtz'uumal reheb' laataql xahob' li Qaawa' ut xaye sa' laach'ool: «Rik'ineb' link'iila b'eleb'aal ch'iich' xintaqe'k sa' xb'eeneb' li tzuul, toj sa' xb'een Líbano li ink'a' naru wi' wulak. Xint'aneb' li yaw najteb' xteram ut eb' li xchaq'alil ru saqichaj, xinwulak toj sa' xjolom li tzuul, sa' li raxraxil ru k'iche'.

Jeremías 46:9

Taqlahomaqeb' chi yalok eb' li kawaay ut xchapaqeb' raanil chi kaw eb' li b'eleb'aal ch'iich'; xikaqeb' li jwal kaweb' rib' chi yalok: xchapaqeb' li xkolb'al rib' eb' laj Etiopía ut eb' laj Libia, jo' ajwi' eb' laj puub' aj Lidia li neke'kutuk chi chaab'il rik'in simaj.

Ezequiel 23:24

Te'chalq sa' aab'een rik'in k'iila b'eleb'aal ch'iich' ut k'ajo'aqeb' laj puub'. Tate'xsut yalaq b'ar chi wankatqeb' chaq punit ch'iich' ut xkolb'aleb' li re xch'ool. Laa'in tink'e xwankileb' chi raqok aatin sa' aab'een, ut eb' a'an te'raqoq aatin jo' chanru li xchaq'rab'eb' a'an.

Ezequiel 26:7

“Laa'in, li Qaawa', ninye chi jo'ka'in: Tink'am chaq laj Nabukodonosor, li xnimal ru awab'ej re Babilonia, ut a'an taachalq chaq sa' xjayal releb'l iq' re xsachb'al ru Tiro. Taachalq rik'ineb' li k'iila kawaay, li b'eleb'aal ch'iich' ut eb' li neke'b'eek chirix kawaay, jo'wi' rochb'eeneb' naab'aleb' aj puub'.

Proverbios 31:21

Ink'a' nak'oxlak chirix li ke, xb'aan naq ka'taheb' li raq' chixjunileb' sa' li xjunkab'al.